炎熱正午曬到佛都有火 見到路邊這家小店 雖然喺酒吧 但原來也有午餐 價格合適 68-148不等 包餐湯同餐飲. 今日餐湯喺蘑菇忌廉湯 入口超驚喜 不是罐頭湯！應該是用料理機打碎蘑菇做成的 奶油用量也少 唔會膩 反而好清爽 夏天都合適. 主菜我揀了鮮蝦龍蝦汁risotto 蝦有三隻 肉質彈牙 有事先醃過 沒有雪味. 意大利飯粒粒分明 口感煙韌有咬口 汁微鹹. 一上台時覺得份量偏少 但原來食完啱啱好 perfect. 飲品我揀了凍咖啡 都不錯. 特別想讚下兩位店員 一個在吧台的小哥哥和長腿小姐姐 服務態度超級好 一直微笑待客 有問必答 今時今日這樣的服務態度真的太少見了 值得一讚！ 餐廳外面還有戶外平台 夜晚喺外面飲啤酒肯定好chill.

未搬之前去過一次 感覺好溫馨 所以搬到希慎之後 有點期待 畢竟環境裝修升級咗. 位置安排 星期二晚大約七點幾 人唔算太多 但得長檯有位 所以都要等 等足半個鐘. 終於有兩張二人檯吉咗 一張近門口 一張喺裡面. 我朋友即刻問店員是否可以坐裡面嗰張 店員即刻話嗰張喺book咗嘅 但喺我地企咗咁耐一直沒人講話嗰張檯唔坐得. 服務 全程自動掃bar code落單 終於等到食物上檯 店員一手將個薯仔鐵板啪一聲扔喺檯上 真喺俾佢嚇親. 仲要完全沒歉意 面無表情 上檯唔報菜名 亦無提醒客人留意小心熱. 另外上一個main course喺意粉 另一個店員亦喺啪一聲扔上檯 再一次受到驚嚇. 哇 原來你地D staff 有train過扔盤 個個都好熟練喔. 然後個店員拿咗兩套刀叉 遞喺我面前. 沒錯 喺遞俾我 唔喺幫我放喺碟旁邊. 而當我們揚聲需要加水時 店員雖有加水 但全程黑臉 沒出聲回應. 食物 有嗰句講嗰句 雖然服務太差 但食物質素尚可 雖然都overpriced. 但考慮到地處希慎 捱貴租 所以人均160都算可以接受. 間舖以waffle出名 但waffle的品質讓我有點失望. 粉漿太少 太過脆 缺少了應有的Q彈感 另外搭配的士多啤梨未夠熟 太酸. 總結 銅鑼灣多的是食肆 競爭相當激烈 如此服務 唔會有下次 因為已經嚴重影響了成晚嘅心情 朋友也說下次唔會再嚟 望好自為之.

買了團購券 來到時剛過晚上八點 侍應竟說她們正在做清潔 準備關門 已經沒有咖啡供應. 她說咖啡的last order是八點 而在openeice信息主頁 店舖營業至晚上九點. 團購券上也沒有任何「咖啡last order是八點」告示. 所以九點關門的意思是9點員工可以準時走人而不是9點客人不要再進入？剛過八點就已經趕客？最後要了奶昔 但相當失望. 買了這家的團購券就是想試咖啡 來到卻說不供應咖啡了. 相當諷刺 「不供應咖啡的咖啡店」是也.

嚟銅鑼灣買嘢，見時間幾早，就想食個茶餐. （哩間茶餐廳實在難食到令我第一次寫食評..） 個意大利雜菜湯顏色就唔多對路，飲落去d蔬菜（其實就係幾片大白菜同一塊芹菜）已經淋曬，好似煲好放咗好耐咁。 迷你肉醬意粉d意粉煮得唔夠耐，好硬身，因而會有種澀味。 餐包一般般，比較幹，唔夠鬆軟 送的熱奶茶（凍要加3元）雖然比較大杯，但奶放得太少，茶味太濃，好苦。 哩個茶餐要34元，總結係唔抵，應該乜下次而且成間鋪好似可口可樂專門店，好多霓虹燈閃下閃下，音樂比較吵。