曾米 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-06-26
新開左兩個月,近同事屋企,就同同事們去試下。裝修座位格局不錯,見到有闊落卡位,有圓枱,有房。 湯底就一邊叫咗麻辣小辣(愛辣嘅我下次叫全部食得辣嘅朋友我就會點中辣😏)。一面叫清湯 我唔食生蠔,朋友們評價話好食,食到「嗯」「嗯」聲😋 呢到正在有半份/全份叫,啱我每樣都想食嘅人。食材新鮮,啲牛好正,牛肩脊係我至愛有水準。牛天梯都好架勢(有拍片無影相添) 我最在意嘅廁所,係乾淨企理,去得開心! 基本上無咩挑剔,係地點有小小吊腳! 推介美食: 牛肩脊, 牛天梯
評分: 味道 5 環境 5 服務 5 衛生 5 抵食 5
2022-05-24
近排好鍾意食酸菜魚,周圍食酸菜魚,由大排檔食到去酒店裏面都會食酸菜魚。 呢間酸菜魚真係好到位,完全足料。條魚滑口腥味。酸甜度做得啱啱好。個底仲有薯粉,大豆芽菜,萵筍,鹹酸菜。啲薯粉唔會一夾就難,鹹酸菜都係好靚唔老無根嘅。依家好多酸菜魚唔會有咁多配菜跟!呢間係值得再食! 其實仲有食臭豆腐同埋茄子,唔記得影相,但係好好食,個臭豆腐真係好夠臭,炸到脆脆嘅皮,再加埋甜醬辣醬真係好正! 呢間會再食!點樣都要再去食佢個酸菜魚 評分: 味道 5 環境 5 服務 5 衛生 5 抵食 4
2014-02-28
一向對食都有少少要求。呢間店並非第一次到,每次帶朋友黎,朋友都話會番啅。 「長壽司」係我至愛,佢好滿足到中意食大大塊面料既我。壽司飯不散不硬(好鬼怕一夾就散既壽司)。濕度味道剛剛好。 同2個朋友叫左好幾款長壽司,都好滿意。可惜食到尾先記得影相。 個焗雜菇正,無焗韓,唔過咸,份量好足好飽滿。 燒雪魚唔腥,肉質好嫩,食得我好爽。 海膽,正。勁想一個人獨吞。 忌廉薯餅無想象中膩。 個魚生朋友愛上左。 推介美食: 長壽司,銀鱈魚西京燒,三文魚腩刺身
評分: 味道 5 環境 5 服務 4 衛生 4 抵食 4
2014-02-08
普通長腳蟹,一般新鮮,蟹肉癡殻唔特別鮮甜。生蠔偏瘦。魚生正常。個咩煲仔蟹皇魚肚羹,無蟹皇味,魚肚好薄弱。 羊架⋯阿哥食有so味,媽媽阿嫂食無事,之後阿媽再拎就出事,so到爆。 其他鵝肝,熟食都食左都無特別回憶。 唔好甜品既我反而覺得甜品好似好食啲,朱古力噴泉啲朱古力醬ok 唔膩岩岩好,係啲串串生果hea左少少。其他都ok 好在用匯豐卡有75折。
評分: 味道 3 環境 3 服務 3 衛生 3 抵食 3
|