penny~ 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-04-08
同朋友去食燒肉~ 準時6點去到無耐,侍應就已經送上每人一隻嘅大蝦 可能真係一分錢一分貨啦,隻大蝦真係好香口又彈牙 之後大家居然都一致主攻牛肉同海鮮,不過都啱嘅要回本~XD 黑椒牛舌最好食,唔硬又重牛肉味 另外一口牛都好味,好多肉汁 其他牛都幾好,薄牛片唔會太肥,但一定要加d粉唔係就無咩味 另外青口同帆立貝因為有牛油嘅關係聞落好香,食落就帆立貝好食d 秋刀魚都幾新鮮~ 除咗燒肉,刺身都係回本位,所以我一坐低就叫咗幾款唔同嘅 質素都唔錯,三文魚同八爪魚最新鮮 其他野食就係天婦羅最好食,好脆炸漿又唔厚 凍豆腐個豆腐就一般般,但個芝麻汁好好味 最後讃下個爐,啲油煙吸得好快!
評分: 味道 4 環境 3 服務 3 衛生 4 抵食 4
2014-02-06
同屋企人黎宜家家私買野,當然要順便醫下肚~ 叫左有質素保證既肉丸,爆谷同$10熱狗餐 肉丸依然保持好味道,點埋醬一個人食10粒都可以~XD 爆谷好香牛油味,都幾脆口,而且仲比我食到一兩粒未爆既硬花生~XD 熱狗有係一貫既好食,腸仔既皮係我鍾意既脆身,加少少茄汁就已經好好食 同埋呢度既汽水係汽水機!可以比我一次過Mix埋幾種唔同味道! 我就最鍾意雪碧溝可樂,一邊飲一邊懷念以前幾乎間間7仔都有汽水機既年代... 咦,我係咪暴露左自己既年齡?Orz
評分: 味道 4 環境 3 服務 3 衛生 3 抵食 5
|