沙嗲牛肉出前一丁，味道比以前進步左，沙嗲濃郁左，以前係淡而無味的，但加啲葱上去係咩玩法？味道即刻差哂，好似食緊魚蛋河咁如果有啲客人唔食葱，你係咪要重新再整過碗？

呢間餐廳我都幫襯過五次，但可能佢位置比較偏僻，所以唔太多人知，其實由朗豪坊開始向住廣東燒味行，經過街市望到天橋，上天橋過對面就係啦～

佢有任食同散叫的，我就選擇了雞煲放題套餐～


雞煲有餐廳秘製醬汁，非常惹味^^有大，中，小辣選擇，若果覺得不夠辣，每張抬都放有一瓶辣醬，可再自己調味

雞煲完就當然打邊爐啦～佢火鍋配料都算幾好，唔會話得好小野食揀～正常打邊爐食o既野佢都有～


我地今次係四位，所以佢仲送左碟蠔俾我地


呢個放題係任飲任食的，我加左$10任飲啤酒，所以最後埋單$138一位～ 但老老實實呢個價錢可以食雞煲(仲要好食) 又可以打邊爐，仲有任飲～你話去邊到揾丫～一定會再有下次^﹏^

一蘭，一直都很想去食，但一想到要排隊我就怕怕了，幸好友人比我早下班，所以我去到下一個就到我們了～

得一種選擇，但你可自行調較，我選了濃湯，白葱，有叉燒，1/2倍秘製醬汁～另外追加入半熟盬煮蛋和黑木耳

先嚐一口湯，濃濃的豚骨湯底，再配上秘製醬汁，非常惹味～令人喝完一口又一口～他的麵而幼身的(本人比較喜歡幼身)兩塊叉燒亦都很爽口

還有半熟盬煮蛋，蛋王流心，好美味～ 由於湯底我選擇了濃味，所以我飲不完整 碗湯～這一碗麵要$111，價錢好像貴了些小～

平時同男友一個星期有一日會黎荃灣食飯，近呢個月都幫襯過呢間野三次，雖然餐廳細細，但都乾淨整齊坐低無耐，店員會俾杯水你，係檸檬水黎架^^

**卡邦尼忌廉煙肉意粉-好味丫，啲料又多 ，唔洗加芝士粉都好夠味 **拿破崙燴意粉-都係好足料，正～

**香辣避風塘雞翼-炸到好香口…好正丫～ 仲有啲沙律菜可以食埋～
老闆服務態度好好，又會問下客人意見，仲送左個小巴黎香茅忌廉湯俾我地試下，呢個湯有别於出面一般餐廳o既忌廉湯，佢加入左香茅，再加啲香草落去，幾特别，唔錯^^

餐廳價錢合理，而且味道唔錯～好值得推介～

好耐之前食過一次，好想再回味多次，就啱男友放假揸車入黎食^^餐廳出面有好多位可以俾你泊車～因為今晚天氣唔好落雨，所以我地無坐出面,坐室內。 好,叫野食先～我地叫左個二人海鮮餐，店員服務態度好好，野食亦都好快送到～ **沙律：d醬汁酸酸地，好開胃 **喇沙海鮮：d汁好正，送飯一流，入面有蝦,青口,魚柳, 魷魚,扇貝 **薯蓉焗田螺：d薯蓉好好味～ **燒倉魚：燒到塊皮脆卜卜，好惹味 **蒜蓉粉絲扇貝：味道唔錯，粉絲吸哂d蒜蓉味好正～ **炒雜菜：有冬姑，西蘭花，蘿白，小棠菜，瓜 **三文魚多士：呢個係老闆送架 **兩杯士多啤利賓治，仲有檸茶咖啡呢d可以選擇 **甜品有芝士蛋糕，焦糖燉蛋：好好味～ 逢有客人生日，老闆都會以一個特别形式送個蛋糕出黎^^餐廳内o既氣氛好好，無論一家大細定情侣都好開心