蘇菲阿姨 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-07-06
做完野路過第一城,未食晏晝飯,咁我就去咗第一城商場揾食。地下行咗一個圈無乜心水,見到吉野家個玻璃反射有間西餐廳,行去望下個餐牌嗯有pizza,又有漢堡,下午餐唔駛$50,裝修唔錯,OK喎!咁就入咗去。第一時間叫待應俾杯水,因為我見到其他枱面無水杯,唔叫可能沒有水。然後先望餐牌,叫咗個意式漢堡薯條。 過咗幾過字先上飮品,飲品都算大杯,之後上意式漢堡。本來無諗住上open rice ,但食咗一舊後發覺幾值得我去寫。 個包有三種口味。啲包烤過的軟脆,我呢個無牙婆最怕硬包,薯條又熱又脆軟。包的臽料又好味 嗰包係細份啲,下次一定再來!。 推介美食: 下午茶意或漢堡三吃
評分: 味道 4 環境 4 服務 3 衛生 3 抵食 3
2015-03-26
今日同朋友一家大小去花展,行到十二點左右肚餓要揾食,朋友提議去呢間 (因為佢之前係度book塲結婚註冊)咁我哋一行7人就嚟咗呢間樓上意大利餐廳。 一出𨋢25樓係酒吧!食飯要上一層!唔知呢到有沒有Happy Hour 服務呢? 食飯的地方的裝修好靚,晩上來應該極有情調!見到個餐牌,有平有貴!9秒9選了我最愛的「牛」。成個餐都係$168咋! 落咗order後,留意咗餐廳環境。 我哋坐大堂,另外3個有布簾隔的「房」,私穩度高,我都疑惑點解唔俾個大房我哋。原來有人book咗做兄弟姊妹團開會。一路食一路傾幾好喎! 小朋友的BB櫈好襯我哋大人的櫈。 大餐來了! 先上飽!個蒜蓉飽䁔笠笠,又脆好食到唔停得口,好想問可唔可以外賣! 個蔬菜湯和其他意大利餐比算是普通,不過不失,不是特別好,但都好飲,夠「蔬菜滿點」。 頭盤個沙律我好鐘意個汁甜甜地又清爽,粒olive好正(突然失憶唔記得中文係乜)。朋友個啤酒煮青口都好好味,無啤酒的澀味!正! 頭盤來了我最愛的牛牛,半熟,正!鵝肝汁又唔膩,配合得天衣無縫!好好味呀!配菜的薯仔好好味煙煙靭靭! 朋友唔夠喉,仲要叫多個卡邦尼意粉同個海鮮意大利飯! 其實我已經飽,但朋友個BB(22個月)係咁食個卡邦尼意粉,呢個BB凈係鍾意食好味的野,個意粉一定好好味! 個海鮮意大利飯好正呀!墨魚汁煮的飯好煙靭呀!我最怕個飯硬,我一向都愛食軟飯。 由於趕返工,我飲埋個drink就走。下次要試呢度的咖啡,朋友老爺杯咖啡香味係咁飄過來。 推介美食: 卡邦尼意粉,海鮮意大利飯,牛扒配鵝肝汁
評分: 味道 4 環境 5 服務 5 衛生 5 抵食 3
2014-06-12
今日放假約咗係又一城附近做野的朋友食個開心lunch。由於好耐無去過Caffe Habitu, 於是我建議去嗰道食lunch. 因為夏天的關係,好想食啲好清爽的野,而朋友本身食量少,因此我哋Share 一個set我叫咗夏威夷pizza 另外加一個Italian gem。傾咗一陣,啲野食就上枱,速度啱晒得一個鐘lunch的上班族。 朋友飲左個南瓜湯,佢話好味道。我見賣相真係幾好。 跟著上個Italian Gem, 真係好好味,暖暖地唔熱,啲鬆餅沾了蛋漿同Parma ham, 好好味!我朋友話估唔到咁好味!啲Side dish的沙律菜很新鮮,薯粒chewy, 唔會軟趴趴。不過食唔到黑松露的味道。 夏威夷pizza薄而脆!波蘿同火箭菜好fresh!好正! 最後杯rose latte, 除咗拉花靚之外,好香玫瑰同奶味,加埋件少少的brownie , 沖淡了咖啡的苦澀味。 今餐好滿意,最滿意係無人刻意左住你傾計。 推介美食: Italian Gem
評分: 味道 4 環境 4 服務 4 衛生 4 抵食 3
2014-05-11
Godiva 的朱古力飲品一向都係我的最愛!做野有壓力,飲一杯relax吓,叉好電又再繼續做騾仔!最近Godiva出咗限定的綠茶朱古力,趁有會員birthday Discount 試下先!嘩!好飲!本以為白朱古力會好甜,飲咗啖又唔係喎!杯朱古力甜度適中,不會太甜膩,可能俾抹茶濃濃的茶青味中和咗!又有抹茶味同朱古力味!真係好味! 可惜新舖無位坐(以前係資生堂嗰位,有檯有櫈),唯有拎住杯野落去公園扮中產 推介美食: 綠茶白朱古力
評分: 味道 4 環境 4 服務 4 衛生 4 抵食 3
|