已冇嚟一段時間，今日再嚟試下，因為對上一次嚟開始重味精，如今次都係重味精會係最後一次嚟幫襯，叫了三餸麵加凍飲，叫了油麵,白菜炸菜餃子,咖哩魚蛋,酸齋(分開上), 汁叫了沙爹汁加辣汁(少辣)。 先講白炸餃，皮唔算薄，白菜炸菜夠爽口，依然保持水準。 而咖哩魚蛋改善咗，之前啲魚蛋好腍唔彈牙，而家換了隻彈牙爽口嘅魚蛋，好食好多，而咖啡汁就冇特別咖啡味唔出唔太濃。 酸齋最好分開上，如唔分開上會吸收了湯變了冇咗酸味，今次味道比以前淡了，因為之前太甜酸味又濃，今次全部減了味道比較自然，食後冇咁口渴，唔錯。 凍檸檬茶就太普通，檸檬唔夠新鮮冇檸檬味，茶當然唔夠香。 最後食飽後冇之前咁味精咁口渴，今次還ok, 都有味精但不太重手，可以有下次 ^ ^ 😀😄

今期咁多台式飲品梗係要嚟朝聖下， 平日嚟都要排十張單，好好生意。 我們叫了檸檬多愛玉和芝士蜜桃雪沙， 檸檬多愛玉: 甜酸度啱啱好，愛玉夠清香滑溜，仲有啲QQ好彈牙，正呀。 芝士蜜桃雪沙: 芝士奶蓋都幾滑但有點羶味，蜜桃夠香，仲有沙冰好涼浸浸嘅感覺，季節限定。 整體嚟講可以再encore ^ ^ 😋😀👍

見有辣嘢食又新開嘅小店，當然要嚟試下啦， 叫了一碗酸菜魚麵，份量都幾大碗，而魚有幾舊，舊舊都好大，食落好滑唔老，味道唔錯，麵就口感一般冇特別。 再上麻辣豬耳，份量唔算多，麻辣油味道幾香但食了後就好口渴，當然有味精啦仲好多，之後仲口渴咗幾個鐘，麻辣豬耳有點失望 ^ ^ 😀

我的童年回憶就是臭豆腐，所以專程嚟試，入到店唔覺有臭豆腐味，所以應該影響不到附近啲舖頭和住宅，這小店好有誠意，即叫即炸，所以一入口好夠熱同脆皮，臭豆腐夠滑，店內有幾款醬汁比你落，而家賣臭豆腐舖頭買少見少而味道仲要唔錯，可以推介比朋友。^ ^ 😋😀👍

之前睇了條片後，覺得好感動，所以專程嚟食藥膳雞和人情味，見午餐餐牌非常多選擇，有二十多個餐。 藥膳雞湯配白飯，飲啖湯有少少藥膳甘味湯好滑甜，而雞都算好嫩滑，開頭見碗飯咁大碗都驚食唔晒，點知撈湯撈下一啖又一啖食了大半碗，很滿足好得。 凍檸檬茶，檸檬非常新鮮，檸檬味好清香，茶味啱啱好不太濃或太淡，唔係好多食肆用新鮮檸檬，通常切定一大盤喺度hea咗好耐冇晒檸檬味，凍檸茶都值得推介 ^ ^ 😋😀👍👍 下次嚟要試下醉心豬扒先得。

食了晚餐想食甜嘢，見佢新開一於試下， 我們叫了蛋花馬蹄露和涼粉西米露， 馬蹄露一食落口好強烈嘅吉士味，而馬蹄冇馬蹄味，蛋又冇蛋香味，好似食緊吉士粉咁，食了一半冇再食。 涼粉西米露，很多花奶，涼粉成陣怪味after taste好大陣洗衣粉味，而西米冇彈性，椰汁又唔夠香，食淨所有涼粉。 Anyway上手係松記都做唔住，而佢啲嘢咁差就…… 祝佢好運啦！ ^ ^ 😀

上次試完崩沙爽腩後，今次堂食又試下清湯坑腩河， 飲啖清湯偏濃，唔似一般清湯，食落坑腩中間夾點肥膏，講真冇特別，都係上環某間好食啲，下次如再嚟只可試咖喱牛腩。 ^ ^ 😀😋

講到太興味道一貫都重口味，價錢比出面食肆起碼貴兩成，但係座位比較坐得舒服，服務就撞彩間間舖唔同，卓爾商場分店服務比較正常，下午茶餐講真變化就真係冇，味道偏咸，我們叫多餐蛋麵和雪菜肉絲米粉，以上唔使多講重口味偏咸，至於咖啡紅豆冰就比較特別啲，味道其實偏甜，但紅豆夠腍夠甜味，咖啡都算ok夠香，加8蚊係貴咗啲，但唔係日日飲都算啦，唯一推介產品咖啡/奶茶紅豆冰，大家記得走cream少冰呀 ^ ^ 😋😀👍👍

我們一行3人到澳門街食午餐，已是第N次幫襯， 之前質素都很平均，今次我們叫了兩碟回鍋肉飯， 食了幾啖菜都唔算非常咸，可能撈白飯食還可能， 一食到回鍋肉直頭咸到鎖喉兼打冷震，再試第2舊一樣咁咸爆，於是冇再食回鍋肉，食晒菜就算，應該係啲回鍋肉落了兩次鹽去醃製，如果唔係唔會咁咸爆鎖喉，Anyway下次唔會再叫回鍋肉食 ><😤😢😭😖😠😡🙅‍♀️🙅‍♂️👎

食了午餐後感覺未飽得晒，就打算食啲甜品中和一下，見到餐牌唔同了，是全新的和縮細本了同埋加咗價， 於是叫了個紅豆綠茶麻薯窩夫配芝麻雪糕， waffle冇變一樣外脆內軟又有麻薯好彈口， 紅豆好味，煉奶其實可不須，因為紅豆已夠晒甜味， 雪糕都係keep住勁凍勁硬，可以驚放落waffle上會太多浴，所以雪到咁硬上枱。 總括嚟講味道和質素依然保持到水準，可推介比朋友，同埋比起市區價錢平10蚊以上，提提大家如想食得舒服最好一開舖4點半後來幫襯 ^ ^ 😋😀👍👍