冰庫 (尖沙咀)

我真係唔可以容許有一餐用難食既野做終結, 所以我就搵左另一間餐廳食個甜品抵消返明洞express對我做成既傷害...

搵到既係呢間食韓式雪花冰既冰庫...

我地叫左 Oreo冰... Oreo冰:賣相好唔錯, 有兩支朱古力卷插係上面, 有一球vanila雪糕, 而oreo碎只係係碗邊, 唔會影響到雪糕既外觀, 另外仲有whip cream點綴...呢d咪係有heart lor, 得兩個staff都俾心機整...雪花冰有奶味, 甜甜地, 而冰既粗幼粒粒都差唔多... 雪糕球都唔係雀巢正糕味...真係好好食...

呢一間真係好唔錯, 份量2個人share可能有d唔夠, 但一個人食就一定夠... definitely 會再黎食!!

明洞Express (尖沙咀)

係尖咀想食韓國野, 9成都會諗起韓國街...我就無特別食過邊間覺得好食, 所以係無preference之下揀左呢間叫express既, 睇落去都好多年青人wor...

我地叫左Mixed Buckwheat Noodles, B-Beef Bibimbap, Gimbap...Mixed Buckwheat Noodles: 好咸好傑, 落左湯之後好少少, 但係都係太濃味, 再落湯就變左湯麵啦...青瓜可以多d...得一隻味係到口都wear...B-Beef Bibimbap: 得生菜既石鍋飯, 俾d心機好無呀? 石鍋飯中間隻蛋黃無左唔緊要, 連基本既菠菜同蘿蔔, 大豆芽都無, 牛肉你可以係用肥牛整...唉, 真係見到都知你hea我啦...pepper lunch都係肥牛, 人地鐵板就熱到有聲, 又有香味 ...OMG, 我知點形容啦..."琴日打邊爐食剩肥牛同生菜, 不如煮個白飯食埋佢啦!"...評語係無菜, 肥牛乾, 唔夠熱, 無飯焦...Gimbap: 左下個件無蘿蔔, 無牛肉, 紫菜唔夠麻油, 飯太多, 餸太少, 件件size都唔同...hungry korean比佢好食得好多好多, 即使係7-11個K-roll都比佢好食, 抵食 ...

食完勁不滿, 好後悔自己既決定...無一樣係OK既, 價錢又唔係平, 真係一肚氣... 做餐飲做到咁無heart真係令人唔會再去食...

老街36 (灣仔)

hold 左幾個月既draft autodelect左...放心, 我會打過 ...

老街36開左都一陣子, 晚市好少見人係入面食, 午市多少少, 但都無需要等...其實我覺得係自己明知山有虎, 偏向虎山行...

位置係軒尼詩道頭, 東園酒家附近...我地是日食既 紅酒雞肉同 魚肉餅凍檬...(唔係太記得確實個名係咩 ) 紅酒雞肉: 男友叫既...個汁甜甜地, 好多蘿蔔, 薯仔...味道似曾相識...呀! 唔係紅酒, 係日本既薯仔燉肉味...呃人既, 說好既紅酒呢?? 係咪俾錯野我地食定煮錯呀?? 立即覺得普通, 十分之普通, 係一個我平時自己整既餸, 十分唔達標...好在唔係我叫... 魚肉餅撈檬: 呢個就係我叫既, 但原來都係伏...檬粉太淋, 撈檬既檬粉仲係暖既?? d汁都只係室溫, 者係點食呀? 暖食嫁?... 魚肉餅係炸陵魚肉餅, 味道都唔authentic, 唔知仲以為自己食緊中菜 (Is Vietnam a part from China?)...無論溫度, 配搭, 味道都好古怪...

*餐飲方面十分淡味... 寧願唔飲...

好明顯, 呢間我都唔會再去...呢個價錢雖然唔貴, 但都唔平 ... 食呢個質素既食物, 就更加唔抵...食碗南記會滿意好多...

加東叻沙蝦麵 (灣仔)

我曾經係上環番工, 雖然唔係一段好長既時間, 但大約都知有d咩野食...當中我有d記憶既有加東叻沙蝦麵, 上環店面唔大, 都成日要掛隊, 但係有一次好好彩唔駛排就試到...我對佢既印象就係咁, 細, 多人...

轉左新工之後上網搵過知道環仔都有一間, 雖然要行遠少少, 但係都忍唔住要去重溫一下佢既味道...

位置係謝斐道馬會個邊...

我地叫左 牛利喇沙同 海南雞喇沙... 牛利喇沙: 好厚實, 份量唔少...for a girl, its a bit heavy, but it should be enough for a guy. 牛利無咩特別既調味, 好有肉感...麵就係米粉, 有d唔飽wor ...至於湯底, 好濃椰汁味, 唔會水還水, 湯還湯...比起蝦麵店, 個人認為加東無得輸...豆卜吸湯食完全係一大樂事, 不過每碗辣油份量都有d唔同, 你可以睇下下面張圖就知道...我鐘意食辣, 但次次都好似抽獎咁, 食個lunch都好刺激呀!! 海南雞喇沙: 比牛利貴少少, 不過好少聽到海南雞喇沙...海南雞係配飯嫁ma, 有埋喇沙感覺好似更抵, 喇沙味濃, 淨食喇沙唔難, 大可以分開食埋個海南雞, 唔知有無1/4隻雞呢? 不過雖然份量亦都多, 但白肉好似健康d...雞肉幾滑, 不過雞有d毛, 而佢個汁有好濃既酒味, 不過有少少少少苦味 ...睇下你自己接唔接受到啦...

呢幾個餐12:30後先有得食, 早左去可能就要等下, 不過遲去就要排隊...我仲聽到海南雞好似成日都好快無哂, 真係手慢都無...呢一間of course我會再食, 淨係個湯底都值得我去啦...

銀座梅林 (尖沙咀)

係好耐之前我既勝博殿食評中有人介紹我去食銀座梅林, 雖然我無立即去, 但我係記得有呢間野嫁 !! 咁我有晚諗唔到食咩, 就建議男友一齊去試下梅林啦 ...

位置係K11, podium個位可以搭lift去到...(但係好慢...)

我地叫左 豬扒定食同 豬柳定食... 豬扒定食: 豬扒顏色好深, 一睇就知炸太耐 ...豬扒塊炸皮係硬脆到你一夾就會碎哂, 麵包糠又太多, 咳死我 ...仲要d肉係乾到一個點同無味到一個點係用汁都頂唔住 ...個d肉乾到係你條牙縫到幾日都唔出黎 ... 豬柳定食: 豬柳份量俾豬扒少...但質素都係一樣, 者係無 ...

另外十分之唔滿意服務...
1) 比我地遲2張枱個客落單既二人餐既炸物係比我地快到好多... 詢問一下既時候, 得到既回覆係炸唔同既食物時間會有唔同 ...(咁係咪者係話二人餐都有既豬扒豬柳再加其他食物係反而會快過普通豬扒豬柳既呢? )
2) 佢地採用既係open kitchen, 我係可以見到係我地再之提醒佢我地既野未黎之前, 廚房係無野做嫁 ...豬扒豬柳既影子都無 ...
3) 炸好既豬扒豬柳係counter到無人pick up, 經理掛住吹水   送到黎既豬扒豬柳已經凍左  ......連說好既加茶都唔記得 ...

我.唔.會.再.黎.食 ...味道服務無樣好 , 餐牌只有standard野 , 價錢唔係特別平 , 無必要要再黎Lor ...