係團購見到有呢度既晚餐buffet買, 見到平咁多又咁多人買(2千幾個人買左), 咪試下囉, 點知黎到餐廳, 行左個圈, 發覺係冇野食既....@@

冷盤海鮮:
灼蝦係彈牙, 不過係冇味既...
青口同瀨尿蝦都係冇味...
生蠔係勁細隻, 不過都好過冇囉

剌身:
鯛魚, 三文魚, 吞拿, 墨魚同八爪魚, 唔新鮮...

熱盤:
有兩款咖哩係我最有印象, 其他都係普通野(例如:炒什菜),  冇咩特別, 最特別就係炒意粉, 自己揀配料(有蝦, 墨魚,蔬菜&菇)揀汁, 有專人整比你...呢個最好食架啦, 不過300幾蚊黎食意粉有點過份@@

甜品都叫有8-10款, 最好食係自己整waffle, 再放雪糕係面一齊食...

我未試過食buffet係咁小選擇, 去東涌食lunch buffet都多野過佢...

之前去過好多次applegreen都覺得好好食, 仲成日推薦比d同事and朋友, 點知今次同第一次去applegreen既bf黎呢度慶祝拍拖紀念日, 就衰左...

我地叫左:
野菌沙律, d菇既味道都ok, d菜就唔太新鮮..一d都唔脆...個醬汁冇咩特別...
芝士芥末脆片, 呢個都算ok...
明太子意粉+魷魚, 呢個汁冇之前食咁濃, 同埋d魷魚係冇味既...好唔掂
仲有我發現個menu好似唔同左...冇左我好鍾意飲既peach cocktail...又冇左芝士什菌雞胸...我鍾意既野食都冇哂...so好失望
呢間分店就比較嘈, 希望佢可以改善下, 將d枱分開d...

生日朋友同我黎呢度食飯, 一入到間餐廳覺得氣氛都幾好

我地叫左二人套餐 ($388), 有4個頭盤, 4個主菜, 2個湯, 2個甜品同2杯餐飲, 都幾豐富架.

頭盤我最鍾意個鵝肝, 入口即溶, 正 , 個焗田螺都幾好味, 我好鍾意d薯溶,好重牛油味, 個焗生蠔就麻麻地, 好細隻.

湯我就叫左什菌湯, 朋友就叫左龍蝦湯, 我覺得個什菌湯都唔係話好好味姐, 之後試左佢個龍蝦湯覺得好味過個什菌湯, 又唔係太咸姐...

主菜我就最欣賞個炭燒肉眼扒, 好juicy又好夠燒烤味. 仲有個帶子天使麵都好好味, 好鍾意個汁. 反而覺得個墨魚汁意大利飯麻麻地, 可能因為我地食左其他主菜最後先食佢, 所以d飯凍哂唔好味.

甜品我地叫左心太軟同朱古力批, 個心太軟焗得幾好, 而個朱古力批就冇咩特別.

呢度d服務都幾好, 成日都過黎幫我地加水, 不過我唔係咁鍾意d主菜一次過黎哂, 攪到我地食唔切, d野食就凍哂.

後記: 我咁大個女都未識過同我同月同日生既人, 今晚比我見到有人又係6月17日生日, 本來想過去問問, 不過我都係唔夠膽, 哈哈...

今日係element睇完戲,又諗唔到element有咩食,就搭的士黎左呢度食tea.黎到已經係4點9啦,條龍只有2個人,諗住好快啦,不過可能我地一行6人,所以都等左10分鐘.

講真呢度就一定唔係sell服務架啦,所以你地都係唔好expect d waiter會好好對待你囉.不過我發現有個類似老闆咁既人態度就好好囉,佢見我地張枱冇位放野,就叫個waiter唔好幫我地叫飲品住,咁都幾好呀,唔會好似趕我地走咁.ok喎,good luck today.

講番食物,呢度既炒蛋真係好滑,多士又好正,我仲食左一啖燉奶,覺得好味過x順好多囉,好滑又唔太甜,正!!!不過我個friend第一次黎食而又食煎蛋,就覺得呢度唔掂,佢話又迫又唔好食喎.有時我覺得睇下自己想食好味既野呀,or想要service囉.同埋係呢度叫野食都要有d技巧架,你要知呢度最好食既係咩囉,我地唔可以expect佢每一種出品都咁好先得架.

呢幾個星期六都係男朋友屋企, 訓醒之後就去左呢間野食米粉, 我最鍾意食呢度既冬菇, 有食過清湯同酸辣, 覺得酸辣實在太酸, 不過overall黎講就好抵食.

之前睇到雜誌話呢度有個健美套餐, 包括大閘蟹粉煨粉條, 20頭南非吉品鮑, 仲送燉燕窩喎, 只係$298一位(原價$499, 女士6折), 都十分之抵, 所以就同3位好同事一齊去食啦.

我個同事好醒目咁book左位, 我地去到都即刻有位, 唔使等. 不過坐低之後等左好耐先有人問我地飲咩茶同set位, set位既時候, 好攪鬼咁d野食就到啦(因為我個同事book位時已經落埋order), 同埋d野食黎得好快囉, 未開始飲個湯已經黎左個蟹粉啦, 有冇攪錯呀?! 唔係睇住黎上菜既咩, 咁既服務就好似屎d喎. 同埋我地都覺得d伙計唔係咁醒目, 成日都唔理我地, 仲有, 佢地黎杯柚子蜜既時候, 又唔比攪攪匙我地, 唔通要我地用筷子攪, 之後我地叫個waitress比匙我地, 佢只係比左一隻我地(我地total4個人喎), 唔通真係咁環保, 要share黎用?! 我覺得d伙計唔係好得囉, 要train train先得.

講番食物, 個頭盤就普通啦, 冇咩特別. 個湯就ok啦, but唔夠熱囉, 我就最怕飲d唔熱既湯架啦, 要扣分. 到個大閘蟹粉煨粉條, 嘩...好正呀, d蟹粉好鮮味, 食食下, 個鮑魚就黎啦, 比我地想像中大同好食, 真係炆得好正, 個汁又好味. 最後個燉燕窩都ok, 唔太甜, 食完之後成個人滋潤哂, 岩哂而家呢個時候食.

琴晚同3個喪食friends去完寧記打邊爐, 有個friend提議去食燉奶, 雖然已經勁飽, 不過話哂係喪食隊員, 去就去啦, 都好耐冇食過義順啦, 上次食係澳門果次, 已經年半之前啦, 可能因為上次澳門果間唔係好掂啦, 所以都冇咩衝動想食.

不過今次幾正喎, 我叫左碗薑汁燉奶, 好滑又唔會好多水, 幾好味, 我都食哂成碗呀.

各位鍾意食榴槤既朋友, 一定要試發記既榴槤飄香, 好好味!

搬左新店之後第一次黎食, 亦都係最後一次, 因為服務真係太差啦, 同埋價錢太貴啦, 唔值得再去囉.

今次我同兩個friends去食, 知道呢間餐廳不嬲都好full, 所以今次都有打電話做reservation, 不過佢地只係比一張好細既枱我地, 我地都唔明點解唔比張大d既枱我地囉, 因為我地8:45到, 都唔full, 張枱細到連放兩碟主菜都好困難(因為我地share一齊食), 唉...個waiter上主菜既時候仲好攪笑咁攞起我個電話放係枱既中間,omg,仲咩攪我個電話呀,真係勁攪野囉.

擺位既時候又係好攪野, 個姐姐仔冇問邊個飲湯(我地只叫左一個,係我飲既)就將個湯匙放係我其中一個friend度, 咁我就remind佢係我飲, 佢哦左一聲之後就將個湯匙放係我另一個friend度, 笑死我啦, 姐仔, 我都話係我飲囉.

食物方面我就覺得幾好, 不過好似貴左d囉, 我地叫左牛肝菌雞球risotto, 羊架, 同天使麵, 大家都認為最好食係牛肝菌雞球risotto.

今晚係我第一次食todai,感覺一般啦,又唔係話好好味,不過不失啦.我今次睇哂食評先黎架,so黎之前諗住主攻蟹腳,第一碟就攞左6,7隻,都ok啦,唔係好夠鮮味,不過任食就好抵囉.之後就食壽司,最好味就係海膽壽司,好新鮮.
等左咁耐,终於有龍蝦食啦,排左10mins度啦,都好好食,之後仲食多半邊呀.超飽呀...仲黎,唉...ok啦,食dessert既時候到啦,我食左意大利芝士餅,唔夠芝士味同酒味,唔係好得 反而個泡芙比想像中好味.
overall,間野係抵食既(因為唔使我比錢,哈哈...),but service就好一般囉,d人都唔收碟既,我地叫左refill既飲品又唔會主動fill喎,個類似經理既人仲攪笑呀,我地叫完飲品之後,佢問左我地幾次"d飲品要加錢架喎?"好似怕我地冇錢比咁,唔係咁好囉,唔該比小小禮貌呀,唔該.