第一次入來，幾乾淨好玩，最低消費每人飲杯野即係45蚊，每場2個中。 可以睇到廚房情況，party 房幾靚，木粒沙池都幾特別，岩1-5歲小朋友 木製玩具比較多，場內職員都幾有禮貌

又到了星期日的晚上, 例行公事的, 煩惱著假日晚餐的安排. 不能草草了事呵, 難得的假期, 不吃上一頓好好的, 星期一早上我決不能甘心起床上班去

在煩囂的銅鑼灣, 好像很多選擇, 但又好像別無選擇. 我們帶著一個一歲左右的小孩, 要求是有點高的。

例如最好有Highchair, 最好有安靜的環境, 最好有比較寬敞的座位, 最好不用等位, 最好桌面比較大, 上菜不用迫得滿桌都是....最好老闆不要催交枱.....最好...

7點了..在中心位置的時代廣場, 人頭湧湧....一看已知道我們其實真的選擇不多. 心中反覆每條附近的街道想著想著.....耀華街??好像已經闊別多時!! 還記得只有2人世界時的我們....那裡是我們經常約會吃飯的地點呢。

有了方向趕快go go go~~肚子快餓得要哭了....我指我女兒  當然我也好不到那裡去。

附近那裡很多食肆都變了....走著走著...那間太暗, 這間好像小孩不宜....走到百樂中心門口前...不如試試樓上鋪吧。

洋蔥? 心中響起了楊宗緯的歌....

如果你願意一層一層一層 的剝開我的心
你會發現 你會訝異
你是我 最壓抑 最深處的秘密
如果你願意一層一層一層 的剝開我的心
你會鼻酸 你會流淚

由於這特別的名字....令我想起了我偶像, 也絕不猶豫的按下了電梯裡的19字, 雖然, 沒來過~~

門開了....迎來侍應溫暖的笑容, 禮貌的笑問"請問有預約嗎?", 心中一暖. 暗咐應該沒有來錯地方了....最怕沒禮貌的"服務員", 沒服務都算了, 還攪得客人是來討飯吃似的....店內正有客人舉行生日聚餐, 但絕不嘈吵, 言談甚歡之餘碰杯暢飲, 明顯是有識之士. 最怕與那些大聲粗俗之士同室, 飲著紅酒爆著粗口, 絕對會令人整個心情即時拉落谷低, 食物再吸引也再不會重臨。其實我們也有影到餐牌的, 只是肚子太餓, 沒時間深究了, 就來客最重量級的黑毛豬鞍及肉眼扒吧, 先上前菜再來侍應生一直有留意我們的需要及進餐情況, 遇上我們的小霸王, 眉頭也不皺一下, 果然見慣風浪~

最後, 甜品了~整體來說, 這頓晚餐我和老公非常滿意, 尢其氣氛一直很好, 一直有音樂及鮮花的香氣圍繞, 侍應生閒來也聊聊大家的湊女經, 感覺親切細心也感受到他們對食身物的要求。

例如提點黑毛豬記得要配以焦糖蘋果一起吃, (初初我一試到焦糖蘋果很好吃, 就一直與女兒分享著焦糖蘋果, 差點忘了主角黑毛豬先生)

又例如甜品, 吃apple combo時, 又提醒我們別忘了加點雪糕感受一冷一熱混在的口中的感覺, 真的感受到"洋蔥"對食物的要求絕對認真。 反而是我這種九流"食家", 不懂仔細說明食物來源, 產地, 廚師出處, 裝潢擺設, 枉費了老闆一番認真介紹

但在我, 一頓飯的氣氛, 感受與味道, 才是我最在乎的。 那些廚師是那位那位, 產地有多高貴要空運要直送, 知識上的知道應該要多美味怎樣也不及真正吃在口中的美味感受

走的時侯,  楊宗緯的歌仍然在心中播放著...

如果你願意一層一層一層 的剝開我的心
你會鼻酸 你會流淚
只要你能 聽到我 看到我的全心全意

我想, "洋蔥"的全心全意, 我感受到了

約左朋友食飯, LUNCH又唔知食咩好, 想人少少就想到來西貢
呢間食左幾次都好滿意, 友人一想話去西貢就諗起佢先來一客西柚沙律, 好食, 西柚好甜, 好開胃我叫左個椰青, 都幾甜^^, 另外叫左個軟殼蟹咖哩包, 基本上次次來都會食佢, 好味都無得頂!大家食果陣唔好怕麻煩, 用手撕開個包點D 咖哩食, 真係人間享受~女仔飯局, 點會無菜, 呢個椰菜苗出面好少有, (即係自己煮唔到) 咁出街食一定要食啦口痕之選,叫多個串燒, 都好惹味~~

又傾又講都食左2個中, 閒日無咩人無人趕, 食完又再去行下西貢, 一樂也~

星期六, 同老公2個來行下街, 行到GREAT見到有呢間漢堡包就坐得食個包當LUNCH先來大合照, 因為唔想食太多薯條, 我果份係散叫既簿牛肉芝堡加奶昔, 老公果份係雞扒漢堡2個包都JUICY好味, 細心地將酸瓜擺係包出面, 體貼唔係咁中意食酸瓜既人, GOOD
另外就係原來宜家做緊PROMOTION, JOIN會員CARD會有9折,
我地就JOIN左300送30既PACKAGE, 其實一餐都成一百有多, 一年食幾餐應該都食到既,
唔係多, 有9折都好呀~~^^
同埋佢呢間既奶昔真係相當唔錯, 見住佢將D雪糕"不"晒入個杯度再加冰攪,
直頭好似飲緊雪糕咁, 正~~

星期日訓到晏一晏起身, 最想就係快快趣有餐好既食
一開openrice見到呢間既食評都唔錯, 就試下啦, 由寶林搭小巴來到都唔駛15分中, 又唔駛等位, 正!
呢個lunch放題係由12點至2:45, 時間上非常充裕, 而且選擇非常多, 由前菜到飲品, 天婦羅, 鐵版燒, 刺身壽司都齊
基本上真係食得幾開心蒜片牛聊粒, 叫左2 round, 非常好食有牛味~天婦羅, ok~燒魚, 味道比賣相好, HAHA燒牛舌, 好厚身, 正芝士餃子, 老公最愛, 叫左2 ROUND壽司, 都幾好, 不過飯有D散刺身, 新鮮~~甜蝦好甜^^

總括來講我自己中意刺身同鐵版燒多D, 下次會再來的~
而且星期日無咩人, 慢慢食好RELAX~~, 侍應亦禮貌周到, 經常加茶, GOOD~~

去到APM多數都係食佢FOOD COURT, 比起pepper, 想試下新野, 就試左呢間
等待既時間比pepper快, 可能人比較少, 都好, 已經好肚餓
賣相相當不錯, 有朱古力揀已經比其他淨係比叫汽水既好~
豬扒入面有芝士, 岩岩溶, 正!
生菜都唔會太硬
份量一個女仔已經偏多, 不過一餐有齊蔬菜, 野飲, 肉既, 又幾廿蚊攪店仲想點呀

難得放日假, 訓晏左想對自己好D就去食日本野,點知水準之差真的令人有點失望
侍應長期向下望, 想叫人都難...唉...
終於叫左個魚生飯, 點知D飯好凍, 好散好硬, 成碗冷飯咁又無咩味, D 魚生又腥腥地..
完全食不知味, 真係浪費左一日之中既第一餐

去澳門都好多次, 食到都唔知食咩好, 今次難得早食飯, 見到次次都好多人排隊既陶陶居竟然無咩人! (咁我地又早左D既, 當時係岩岩好6點)
咁就一於試下啦

以為佢海鮮出名, 好多人入去就睇個魚缸叫送, 不過我地已經食到滯左, 唔叫太多野, 淨係叫左以下幾款燒皇子鴿, 睇相都知啦, 皮脆肉嫩有驚喜!正!面醬抄油麥菜, 都唔錯, 起碼唔係得幾條菜叫一碟呀, 食左幾日肉, 終於有條菜入肚金錢蟹餅, 麻麻地, 幾油, 不過入面D蝦同蟹肉都幾新鮮, 都試得過既金茹牛肋肉煲, 普普通無咩特別最正係呢煲湯啦, 煲到D 湯白晒!一來到就狂飲! 呢個係胡椒豬肚湯, 老公勁中意, 不過我平時係屋企唔會整(識)既, 出來食飯飲岩晒~~
2個人每人飲到3碗, 雖然話食滯左, 都比我地2個人清晒所有野~

最後仲有生果送, 抵~

返來先知佢原來食翅好出名, 今次反而無試到, 不過宜家又環保唔再多人食翅, 唔知下次去仲有無機會試呢...

去澳門已經去到好熟路, 雖然市中心呢間係行遠D, 不過總店點都有保證MA!
已經係第N次去食, 水準依然, 又夠凍又夠滑又夠清甜~

其實佢D糖水唔知係用咩整既呢? 米白色既..不過就係因為呢個清甜既味道, 令人想一去再去

有咩好得過訓醒就有得食呀! 今次入住GALAXY酒店, 樓下就係呢間FESTIVA, 早餐真係非常令人驚喜, 有齊中西日韓印法意的早餐BUFFET, 真係第一次食!每樣都試少少已經超飽! 面包都有廿種, 真係食包都食飽!第一ROUND出去, 都唔知食咩好, 樣樣一D再同老公SHARED 包好好味, 又係揀左最有興趣的同老公一人一半好食既再ENCORE, 再另外夾D返來, 真係樣樣野食都係水準之上, 好在係酒店PACKAGE包埋, 如果唔係成200一位, 又未必會去食GA LA中式既都唔差, 老公好中意腸粉, 呢度整得相當唔錯, 最後一杯咖啡, 唔係話咩好正既咖啡, 不過都唔會又酸又苦

總體來說真係值得一試! 而且見到晚餐都好多人去, 下次一定會再來的~~