樹熊神 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2021-12-31
希望一切衰嘢都隨著除夕過去,明天有新的一年新開始,唔使再食啲咁差嘅嘢。 預早訂咗位,去到原來係快餐店,職員話可以係位用QR code 點餐,點知去到比錢位就死機做唔到落去(但我部手機其他功能工常),唯有出返去門口用點餐機點餐比錢,到有食物時,職員如果唔見你去攞餐,都只係係度大聲叫「(枱號)枱有餐啦,去攞啦」完全唔會幫你。 今晚老婆叫咗個雞喇沙,雞都算多,但似乎煮老咗啲,個喇沙湯底就較淡。 我就中咗伏嘞,叫咗個曼谷牛腩飯,上檯仲以為佢比錯,攞出去問返職員係乜野,佢話係「船飯」,我話要曼谷牛腩飯喎,佢話啱係同一樣嘢啫,唯有硬食啦,食落只可以話係豉油水加少少菜同4粒手指公大嘅肉丸仲有兩粒骰仔咁大嘅牛肉再加幾條半淋不脆嘅"炸" 豬皮,再加一碗白飯,牛肉好鞋,咁嘅嘢價錢竟然收$88 只希望新一年唔使再食呢類中伏飯。
評分: 味道 2 環境 1 服務 1 衛生 2 抵食 1
2021-09-27
此店食物只有5、6款食品供應,當日仲話無炸雞件,點了四款食物,分兩次上,等咗半小時才先上鴨胸和雞翼,雞翼用辣粉蘸味再用焗爐焗熟,辛辣味太重,食不到雞味;鴨胸當然是超市的雪藏貨,用焗爐焗返熱再上檯,但亦焗到起焦,上檯已不太熱,兼尚有雪味,原來全間舖只有一個小型焗爐,結果要等多二十分鐘才有炸魚手指和炸薯條,魚手和薯條指算是焗得正常一點,因為兩樣食物都是靠焗完點醬加味,但只有芥末醬和茄汁提供,全程單是等食物已經等咗四十五分鐘,原來全店只有一個員工加一個老闆,員工是侍應亦是廚師也是調酒師及樓面,總之一腳踢,老闆就只負責結賬收錢。 評分: 味道 1 環境 3 服務 1 衛生 2 抵食 1
2021-07-10
這天因應老友推介,去離島前特別來這店試一試,竟然有發現新大陸感覺,午間茶市點心色、香、味全,價錢在中上環區算合理兼偏低,試了八款食品,全都沒有令我失望。 脆皮叉燒包,包面皮脆,包軟,肉餡鮮味。 魚腐魚湯浸菜,魚湯鮮甜不腥,魚腐清香,生菜鮮嫰。 懷舊腸粉,非常軟滑,配上麻醬甜醬,味道濃郁。 和牛野菌卷,外脆內嫰,牛味香濃,口感豐富。 鴨腳扎,可謂近年茶樓少見,鴨掌夠淋,中間的芋頭入口粉溶。 蝦餃,皮薄,蝦新鮮甜美又彈牙。 綿花雞,魚肚香淋中帶有咬口,雞肉鮮嫩。 伯爵茶奶凍,清香嫰滑,茶味濃兼甜而不膩。 推介美食: 伯爵茶奶凍, 綿花雞, 鴨腳扎, 蝦餃, 和牛野菌卷, 脆皮叉燒包
評分: 味道 5 環境 5 服務 5 衛生 5 抵食 4
2021-06-19
自從幾年前被「開飯」話我的食評(其實在我的角度只是飲食報告,我未有資格"評論" 人家食店)有問題之後,就很少再寫,今次真是忍唔到。 因某些原因搬去銅鑼灣住一段短時間,今早去這餐廳食個早餐,坐下要了一份麥皮早餐,一份炸魚早餐,之後就取餐具,發現第一隻匙羹有污漬,再取第二隻都一樣有污漬(見相片) ,在現時疫情期間,衛生環境竟這樣差,真是無言。 講番食物方面,炸魚算是香脆,但那太陽蛋竟然是凍的,其餘食物的質素都一般。
評分: 味道 2 環境 3 服務 3 衛生 1 抵食 3
2021-01-17
此日我兩人特等去等位試這酒家,誰知疫情期間,兩人限聚令下,此酒家竟然是4人優先入得,原因是走法律隙在檯中加塊透明膠板仔就照做4人檯,兩人竟然要等加唔到膠板嘅檯先有得入。 坐低見近窗有風景可望,原本有個睇風景的位幾好,可惜收檯下難車周圍推,收檯聲浪太太嘈吵,縱有好景觀,亦被完全破壞。 這日點咗五樣點心: 芝麻芋絲脆軟夾 皮不脆兼硬,好油,上檯已不熱,口感差。 紅米銀羅腸 腸皮可以,但米綱炸得過燶變硬,味道不差。 糯米釀雞翼 扮明太子雞翼,但糯米太爛,調味太辣,糯米口感太糊。 白玉綿花雞 可以味道略淡,但還算正常。 炸雲吞 唯一不差的食品,皮脆不會割嘴,上檯夠熱,但都好油 。 一定要提的是侍應完全不熟悉自家店一的運作,有些點心是十一點後才供應也不清楚,還要問客人點了什麼,好搞笑。
評分: 味道 3 環境 2 服務 1 衛生 2 抵食 2
|