行過見到門面都幾企理，外賣自取仲要有8.8折，決定試吓佢。企喺門口睇完個餐牌揀好晒要咩就走入去，嗌左幾聲唔該先有個無著制服嘅黑面呀姐走埋嚟，用接近收數嘅語氣講咗兩次: 要乜！ 我講左第一道菜之後，佢再用收數嘅語氣同眼神講多次: 要乜！ 今次真係忍唔住，我話唔洗落單喇，然後掉頭就走。其實唔想做生意真係無所謂，無謂打開門等啲客走入嚟阻住你呀嘛。而家係落單，並唔係黎受你氣。 以後blacklist哩間咁不知所謂嘅點心店！

最近搬左新Office喺餐廳附近，環顧附近幾條街茶記見到佢都算企理乾淨，可能係新開原因，同埋有落地玻璃，外面啲陽光可以照射到入餐廳，所以環境感覺都幾舒服。 今日喺Openrice揀外賣自取叫早餐: 沙嗲牛肉芝麻包，一啖咬落去已經想講兩個字: 死咸！從未食過咁咸嘅沙嗲牛肉🥹連一向食開濃味嘅我都頂唔順。唯有食晒個芝麻包唔食餡。 飲品叫茶走少甜，佢比錯左熱奶茶🫠 HKD37一份包類早餐比咁嘅質素，如非必要都唔建議幫襯佢。

當日有啲趕時間 所以揀敏華貪佢上餐快 點知咁就中咗個超級大伏🫠 2:14分入座 一坐低即刻叫一號姐姐落單 有覆單以為無問題 點知坐咗15分鐘連杯野飲都無上 眼見差唔多時間入座嘅食客都已經有野食 於是叫左二號姐姐埋黎 佢一check機原來無落過單🫠 嗱嗱聲叫佢落返 同佢講我趕時間 問佢可唔可以同廚房講聲快小小 點知佢答我: 我自己個飯都未食。 聽完差啲爆血管🫠 你未食飯可以同返你經理講 但我叫佢跟返我張漏咗嘅單唔係好過份吧 最後催左2次單先上得晒成張單🫠

元朗又開左新既西餐廳, 門面貌似高格調西餐廳
但MENU 個價錢又幾合理wor, 當然要去試下啦 點知一坐低就有中伏既感覺...
1. 開放式水吧位異常咁大, 佔成間舖面三份一但drink menu又唔
係特別或多選擇 
2. 有個開揚式對街邊既窗口但又比二拉架"姐"住........
3. 擺放餐具&雜物架面向住客人, 感覺好唔整潔/整齊, 又似茶記食物方面:
龍蝦湯   HKD48 
味道係唔差, 但一路飲一路食到D殼碎......影響晒成個湯
底部仲飲到D湯既沉殿物..... 羊T骨配意粉+沙律(主菜可選兩款配菜)   HKD198
份量夠足, 羊T骨冇騷味, 點黑醋更好食更開胃!意粉有UN度唔會淋滋滋.三文魚扒配意粉+薯蓉   HKD148
三文魚扒冇調味, 唔係扒面有SASA醬可以伴食, 感覺好似白恰完再煎下塊魚皮咁
反而薯蓉仲精彩過三文魚扒, 質感唔係實的的, 有牛油香, 面頭芝士又焗得靚冇燶.加HKD10 叫左杯熱朱古力, 個杯本來已經細隻, 仲要沖得個4份3...SAD...總括, 完全FEEL到大廚好有HEART, 食物又有質素, 但其他因素對於一間餐廳都好緊要....

上星期睇到無記電視推介哩間邊爐, 今個星期有時間就走去試.
係OPENRICE睇有75折優惠, 打去問餐廳原來9:30PM入座都有同等優惠.
LAST ORDER係12:00AM, 可以坐到12:30AM, 就算夜去都有排傾.
樓下有個好細既車場, 可以容納大概6~7架車, 冇停車場費但就先到先得.
如果去到冇位, 酒店對面都有兩間收費停車場.

星期六晚唔算多人, 9:30PM去到仲有幾張吉枱.
我兩個人去, 佢拍埋兩張枱比我地放食物, 所以食得好舒服
一坐底就叫左個湯底先: 韓式牛肋骨湯底  HKD228
一上枱見到個湯色咁白仲以為會好淡味, 點知人參味牛肋骨味又好重 
成個湯底有4~5嚿牛肋骨, 一夾就散!肉質非常之淋! 醬油配料有12款, 比較特別係腐乳, 南乳.. 唔係周圍有.點羊肉一流!!精選牛肉拼盤   HKD
A5和牛牛肩頸脊, M5級澳洲手切和牛肉眼片, 巴西牛舌, 本地牛頸脊,
美國極級牛肋片. 除左牛舌爽口之外, 其他都係入口即溶, 特別係A5和牛牛肩頸脊
本地牛頸脊肉味最濃, 澳洲手切和牛肉眼片比較起黎就輸洩左D, 不過一D都唔"鞋"口!羊肉片   HKD
完全冇"鬚"味, 肉質嫩滑到唔似羊肉滾到粉紅與熟透中間最好食!澳洲和牛芝士餃   HKD
有圖有真相, 真係芝士真係流心真係會"嘞"親咀
但略嫌芝士味唔夠濃, 要點醬油加味.另外仲叫左芋絲, 烏冬, 蝦滑, 主要都係陪襯就唔多講喇.
飲料方面除左酒類汽水類等, 仲有7~8款茶可以揀, 玄米茶, 烏龍茶, 綠茶等.

每次入元朗市都會經過見到大大隻字"亞萊嘜嘜"
皆因好多射燈照住, 仲要係孖舖鬼死咁大間
7PM去到已經見到一大班人等緊位 (如下圖)
等左30張飛 / 20分鐘先到我地.環境坐得舒服, 枱與枱唔會好迫.
侍應's 都好有禮貌, 又乾淨

叫左3個椰青, 3個都好甜好嫰(返貨問題)冬陰公
材料好新鮮, 唔會用死蝦梅蝦尼煲! 生蝦
大大隻, 唔會營養不良  蒜蓉多士
極推!!  正宗外脆內軟!! 每一面都好勁蒜蓉味!
就咁食唔洗點醬都好夠味!! 每人起碼食兩條  黃咖哩雞
冇咩特別, 同其他泰國舖差唔多 鹽燒盧魚
肉質好滑, 不過冇咩味. 好彩有兩小碟汁辣辣地配尼食

預早一星期訂座, 我同兩個朋友一上到去就有位唔洗等!
環境都好韓風, 不過播k-pop music個聲浪就好似去左club咁勁
攪到枱枱客好似嗌交咁, 要同餐廳/左右枱鬥大聲
menu自己剔, 方便又易睇. 每枱有紅色剪刀&碗放雞骨. 細心!

韓國提子汁(有果肉)  HKD18韓風卷   HKD48
其實同日本壽司冇咩分別... 燒肉生菜包   HKD68
泡菜比較辣, 不過搭埋塊好香既燒肉好好味!!
面頭D紅色絲都係辣嫁@@安東炒雞腎  HKD48
雞腎硬左D, 又唔係太入味.
反而配菜既大蔥同蒜粒吸收左D汁, 送一流!招牌菜 - 辛安東元祖奶奶雞   HKD138/半隻
有分微/小/中/激辣, 我地唔食得辣,叫小辣都接受到!
好彩去之前睇左OPEN RICE食評, 知道個份量都幾勁.
我地3個女仔都食到半隻雞既9成!
事關佢除左有奶奶雞之外, 有蘿蔔,薯仔,青瓜,生蔥,洋蔥做配菜.
仲有粗身粉絲係底, 吸收晒D醬汁超濃味!
雞件好大隻但保持到嫰滑唔UN, 所有配料&粉絲都入晒味,
不過粉絲要預先起, 唔係浸耐左就會好咸.總括係又平又好食, 如果可以改善下播歌既聲浪就好了!

聽聞哩間野又平又好食, 點知親自試完之後大跌眼鏡
中午大概2~3點去到唔洗排隊, 直接入座.
叫左個辣雞意粉(HKD48)&ALL DAY BREAKFAST(HKD78)1.) 辣雞意粉
 什麼辣雞? 根本就係半煎炸雞, 冇辣味冇雞味.
意粉都OK, 唔會煮得過"淋"

2.) ALL DAY BREAKFAST
班尼迪蛋係熟透的!一D流心都冇.
意式雜肉腸有三款, 其中一款係黑椒味,一款辣味,一款冇味
再搭D煎過既火腿,煙肉, 炸薯角, 烘到硬掘掘既奶醬多.
唯一好少少係個沙律...................終於都冇咁熱氣..

最激氣係杯熱朱古力
要加HKD10 係冇所謂, 問題係值唔值
可能我見識淺簿, 我飲唔出有咩咁特別, 我只飲到稀釋版既普通超市朱古力!

"蜜密"一聽個名就知係甜品舖 個名好得意又易記!!
位置比較隱蔽, 係雞地鳳群街向yoho town方向行,
左邊U形停車場旁邊, 有車既朋友就非常方便, 仲好多咪標位泊

而家做緊優惠, 係FACEBOOK CHECK IN有9折,
而且開張以黎兩個月左右, 都不斷有新產品推出

1. 流心芒果布甸   HKD42
*流心芒果布甸 - 介開布甸,入面有芒果醬 加埋超好味!!
*芒果雪糕 - 叫外賣返屋企差唔多15分鐘都只係溶左個底小小,勁!
*芒果肉 - 甜到不得了 好想問老闆係邊到入到d咁甜既芒果!
*星星形    - 細細粒好得意,又有咬口 2. 星星月亮太陽   HKD68
楊枝金露(西米露,柚肉,芒果肉) X 芒果拿破崙(芒果肉x吉士醬x酥皮)
一樣乾一樣濕加多球芒果雪糕簡直係完美既配搭!!
拿破崙好脆口&吉士醬份量啱啱好, 細細舊,一個女仔都可以食得晒! 3. Mocha心太軟 配綠茶雪糕   HKD55
好靚既心太軟呀  每一碟甜品師傅都好有心機去做去整靚佢
伴碟有片呍哩拿脆片,唔會好甜,撈埋雪糕食仲正
如圖所見, D流心湧住咁出黎!!外脆內暖!!不得了!!招牌 - 蜜密 配呍哩拿   HKD95
好睇好玩又好食招牌菜果然有返咁高既質素!
淨係睇個樣已經好靚, 唔想整爆個波波
點知內有乾坤! 打開左入面有6-7粒朱古力泡芺,
泡芺香噴噴, 金黃色既外表勁吸引! 細細粒唔會太飽肚.
然後搬開個黃金波, 原來下面仲有朱古力醬點,
好細心呀, 唔會食泡芺食到乾爭爭點下點下又好玩 HAHA除左食物質素好, 服務亦都一流! 老闆落手落腳親自招呼,落單,
態度非常友善又會同你介紹每種甜品, 真係抵佢咁好生意!

去九龍城食完牛肉餅就想填飽埋第二個胃
係街邊見到天糖既二拉架就比佢吸引左.
九龍城最多野食都係獅子石道至城南道一帶,而且冇橫街, 所以好快就搵到
門口招牌好得意, 背景係藍色+白雲+天糖兩個字,
面向門口既雪櫃擺左幾碟用果醬/cream畫既"畫"

我地兩個人安排坐一張4人枱,有新客都冇要求搭枱.店內環境都用返藍色,match返"天糖" 地方亦好乾淨芒果一口脆   HKD32/8PCS雪糕係加錢既,因為覺得淨食8舊炸物會太DRY雖然佢係炸出黎,但食落口又唔會覺得好油膩,去個時咁啱芒果當造,所以果肉好甜,美中不足係個皮包得太厚,好有飽肚感   OK火焰雪山   HKD48
WAITER係你面前將已經著左火既酒倒落去,
一路燒一路燒... 直頭燒到個邊邊都燶埋...
外層: 酒味+焦味=苦味跟住係蛋白,雪糕,朱古力威化餅, 餡既味道都係正常. OK