第一次到來,食物質素都可以,但服務態度太差.
叫左:午餐蒸排骨飯,特餐义燒通粉,煎蛋,蒜茸包,涷奶茶,熱檸茶
蒸排骨飯:好有家庭Feel,排骨好多,肉質夠淋又夠入味,個汁好正餸飯一流.
义燒通粉:义燒味都幾香唔嚡,通粉幾淋幾好味,湯底好味,唔錯.
煎蛋+蒜茸包:煎蛋太過火乾左D,蒜茸包比較硬味道普通.
涷奶茶:茶味香滑幾好飲.
熱檸茶:冇咩特別.
可能太好生意,所以服務態度太差,價錢都唔平囉!

今日再會此店.
叫左:雞排雜菌清雞湯米線,鮮牛肉紫菜墨魚餅蕃茄濃湯米線,餐肉炒蛋+奶油厚多士.
雞排雜菌清雞湯米線:雞排大大件,但好嚡又冇味,好似雪左好耐,雞湯味濃,米線爽滑.普通啦!
鮮牛肉紫菜墨魚餅蕃茄濃湯米線:牛肉幾滑,但係紫菜墨魚餅好梅好爛,蕃茄濃湯可以啦!
餐肉炒蛋+奶油厚多士,份量唔細,蛋炒得幾滑有蛋香,奶油厚多士幾軟熟.
轉左出品就走樣喇!

放假好得閒走去飲下午茶.
叫左:酸甜脆雲吞,白灼鼠耳時菜,蟲草花太子丸粥,蠔皇鴨腳扎,飛魚籽珊瑚餃,消暑梅子排骨,紫薑牛肉球,順德鯪魚球湯米,韮菜豬紅.
酸甜脆雲吞:酸甜味美,香脆可口.
白灼鼠耳時菜:生菜爽甜,木耳爽口.
蟲草花太子丸粥:味道好淡,丸子好粉,一般.
蠔皇鴨腳扎:一般啦,個醬太濃,有小小鹹左D,鴨腳有異味.
健飛魚籽珊瑚餃:普通,用料好小,唔得.
消暑梅子排骨:份量小到冇人有,味道淡梅味唔夠.
紫薑牛肉球:蒸得太乾,口感好差.
手順德鯪魚球湯米:米粉份量大,鯪魚球夠味彈牙.算係比較好嘅一樣.
韮菜豬紅:好重異味,食左小小就放棄.
整體得個平字,出品太差!

今日冇飯開又叫外賣.
叫左:吉列魚柳香茅豬排飯蒜茸汁+木瓜湯
吉列魚柳香茅豬排飯蒜茸汁$39:個飯好大個,重要有四件吉列魚柳,魚柳新鮮夠味又有口感,香茅豬排炸得香口夠脆,十分野味入口唔油膩,大大件好滿足.個汁好重蒜香,超正味道十足.
木瓜湯$9:清香味美.
整體:好食就好食,不過開始覺得幾貴囉.

香港人湯水小之又小,天時暑熱,飲開老店味道,即管入去試試.
野葛菜水:清香味重似菜乾味,羅漢果味欠奉,味道與老店比淡好多,溝水太多,真令人失望.
還是覺得老店好!

叫左:熱奶茶,熱檸茶,义燒牛肉意粉,油央多,雞睥薯條
熱奶茶:香滑茶味濃.
熱檸茶K!
义燒牛肉意粉:义燒好乾好瘦太嚡,牛肉味道普通唔新鮮,意粉都算滑可以喇.湯底比較淡,好普通.但唔平.
油央多:除牛油味外,唔覺有咩咖央味,麵包好硬唔脆.
雞睥薯條:雞脾冇味,好淡,炸到好乾好嚡,薯條又係冇味.完全失敗!
試一次算吧!不值一試!

叫左:私制泡菜,冰珀豚肉,釜山鮮蠔奶奶雞
私制泡菜:香辣味濃泡菜爽甜,作為前菜幾開胃.
冰珀豚肉:睇落好靚,入口平凡,肉質還可,其實係蒜泥白肉加辣醬.除辣味外其他咩味都食唔出.
釜山鮮蠔奶奶雞:有蠔要多$50元得4隻,真係唔要好過,蠔味好腥完全唔新鮮,奶奶雞肉好嚡,味道基本上係中式炆鴨煮法再加辣醬.
整體:只係食到同一種辣醬味,中餐充韓食改個特別D嘅名賣貴D囉!

家人生日,一早在太子酒店訂左個會籍送嘅芝士蛋糕.
表面睇同平時在add@prince食嘅分別不大.
一入口就知出事,芝士蛋糕居然加薯仔做料,口感好差,藍莓太甜,士多啤利好酸,食左一件就放棄了.
雖然係送嘅,都唔使用其他料來降低成本掛!
點叫人續會呀!

食品有:沙律,生蠔,龍蝦仔,蟹腳,麵包蟹蓋,青口,南瓜濃,菜干陳腎湯,魚生,點心,炸魚,羊架,生果,火腿,海南雞飯,煙三文魚,蟹粥,海班粥,喇沙麵,甜品,雪糕.
沙律:新鮮味美.
生蠔:超細隻,隻蠔好多蠔殼碎,開蠔開到血肉橫飛,食到後來重要有腥味.
龍蝦仔:好鹹鮮.
蟹腳:大大條,比three on canteen好,大條夠鮮味,正.
麵包蟹蓋:好多膏,不過開得好差,好多蟹殼.
青口:味爽甜鮮味,肉質彈牙.
南瓜濃:香濃味美,正.
菜干陳腎湯:清甜潤喉,飲左兩大碗.
魚生:肥美肉厚,有油香.
點心:不試也吧,好難食.
羊架:唔生,夠酥香味道唔錯.
火腿:好好味,肉夠鹹香,口感唔錯.
海南雞飯:油飯好香,雞肉好滑.
煙三文魚,煙燻牛肉,煙燻豬肉:意料不到好好味,煙燻味足,正.
蟹粥:煲燶粥.
海班粥:粗嚡冇味.
喇沙麵:湯底唔錯,可惜淡左小小.魚蛋特別好味彈牙.雲吞都可以.
甜品:除芝士餅及奶涷外,其他都太甜.
雪糕:居然有新口味,不過寄得要開口問,榴槤味同蕃薯味雪糕,超好味.
整體都唔錯,食品太多不能盡錄.

因工作關係到此一食.
叫左:咸菜豬肚窩,和味污糟雞,臺式煮花班
咸菜豬肚窩:咸中帶辣,係黑胡椒嘅辣都幾野味,飲一啖湯十分醒神,豬肚份量都幾多幾淋,重有好多白果,支竹都好夠味.
和味污糟雞:同一般蒸雞分別不大,以雪雞來講肉質都可以,但冇咩特別.
臺式煮花班:一個講完"梅"
整體:普通.