Fofo by el Willy (中環)

15-3-2011

大半年無見過朋友 J 了, 難得佢忙到趴街, 是日仍有時間出來食飯, lunch 就到中環見見佢吧 , 由佢帶路嚟到 Sushi Kuu (http://www.openrice.com/restaurant/commentdetail.htm?commentid=2104825) 樓上的呢度.

2 人叫了 2-course ($168)* 及 3-course ($188)* set lunch 各一份 share 食, 食物雖然唔係咁 Spanish, 不過整體印象不錯的:-

麵包係 tomato bruschetta, 多士鬆脆, 蕃茄茸味道新鮮甜美, 不過點解咁嘅色水的?

大家的 starter 都揀了 steak tartare with capers, gherkins, shallots & crispy toast: 生牛肉剁得幾「粗粒」, 似 "diced" 多過 minced, 賣相亦如朋友 J 所言「咁似生嘅肉餅?」 食落帶點爽身, 有淡淡 olive oil 的味道, 但就無預期中來自 shallots / 黑胡椒的辛香或 herbs 的清香, 配上夠乾脆的 melba toast, 加加埋埋味道一般, 少少失望的.

Main #1 Lobster & prawn linguine with mushrooms & lobster cream sauce (加 $30): "lobster & shrimp" 係面頭幾粒爽身鹹香的肉, 不過似乎兩者調味差不多, 食落其實兩者味道係無乜分別. ; linguine 非 al dente 質地, 但煮得爽滑, lobster cream sauce 就幼滑香濃, 份量亦剛好掛到 linguine 上, 拌勻 mushrooms 同吃就多一份野菌的香味, 加加埋埋幾好食的.

Main #2 "Fricando" traditional Catalan stew of beef rump with wild mushrooms & mashed potatoes: 醬汁濃稠, 帶 mushroom 味及少少酒味, 亦有點ハヤシ feel, 幾喜歡; beef rump (即 "round"?) 帶少少肥脂, 燴得軟熟入味, 配上香濃 wild mushrooms, 幾好食; mashed potatoes 做得幼滑, 薯味清香, 而且又菇又牛肉又濃味醬汁加加埋埋, 唔會唔好食吧?

Dessert 揀了 Catalan cream: 面頭有薄脆香甜的「火炙」焦糖, 下面就係質地仍然「流質」, 食落好滑, 帶香濃 vanilla 味及少少檸檬味的 custard cream, 幾好食, 算係 "Spanish crème brûlée" 吧.

最後當然飲咖啡: 奉上熱奶, 不過落糖落奶後仍然好苦, 即使唔澀唔酸又夠香, 呢杯咖啡都係唔太啱口味, 對我而言太啃了 旁邊仲有一小塊 chocolate almond (?) cookie, 食落鬆化香甜, 比咖啡更討好.

環境就光猛乾淨, 仲有我喜歡的白雪雪裝修 店員們亦有禮貌又有求必應, service 都不錯.

連加一埋單每人約 $215, 各方面都不錯, 地段嚟講唔算好貴, 值得試試的. 唔知有無機會夜晚嚟一次? 好想試 tapas menu 的 grilled razor clams with garlic & parsley / scallop ceviche / lobster & shrimp croquettes, 仲有 crispy suckling pig!

*更多 set lunch 資料: http://www.fofo.hk/update/Lunch.jpg

>> 本文另記載於 http://locusttunghok.blogspot.com/2011/03/fofo-by-el-willy.html

百姓餐廳 (花城區)

5-3-2011

睇了食友 blog 介紹呢間葡國餐廳, 幾有興趣, 今次就試呢間吧, 雖然位置有點吊腳. 叫了一蜆一魚一豬及半 jar Sangria, 食到超飽, 整體係好 impressed:-

Table bread熱熱的, 拎上手將其搣開, 面頭係有 "rustling" 的聲音, 食落亦果然外鬆脆內煙韌, 帶淡淡麵粉香, 再塗點牛油, 我相信如果無叫其他嘢食的話, 可以獨食 4-5 個.

1/2 jar Sangria 揀了 red: 水果以橙 / 梨為主, 亦好似溝了 soda water? 十分冰凍, 飲落「紅酒」的味道比預期無咁強烈, 甜甜的, 少少 fizzy, 清新易入口, 飲多兩杯都唔怕 "wing", 幾平易近人的.

Sauteed clams with garlic & coriander: 一向喜歡食貝殼類海產, 所以呢味真係去到邊都會叫 呢度的細細隻, 蜆肉絕對唔係「肥美」類, 不過食落甜嫩無沙, 結果當然又係食完一隻又一隻 粒粒 garlic 剛剛熟, 食落唔辣, 少少甜, 卻不失爽口, 好食; d 汁就無預期中咁油, 不過仍好香 garlic 味, 配麵包很不錯. 整體我覺得比上次喺 Antonio (http://www.openrice.com/restaurant/commentdetail.htm?commentid=2127834) 食到的更好, 值得試試.

Baked cod in cream sauce: 馬介休係 "shredded" 狀, 醃得入味而唔會過鹹, 混和 cream sauce, 少量薯絲及芝士一齊焗, 感覺似足 potato au gratin, 不過呢個就係「無薯版」 食落乾身香口, 亦原來唔算飽膩, 好食喎.

Roasted suckling pig: 份量係 "one portion", 皮薄脆得似 filo pastry (!!) 又黐住少少肥脂, 食落又脆又香; 肉醃得微鹹, 熱辣辣的, 食落就極鬆軟多汁, 比脆皮更吸引, 超級勁爆好食喎 薯條亦脆而不油又好香薯味, 難怪被薯仔癡朋友掃到一條不剩.
旁邊仲有一碟醬料, 少少辣, 蒜味強勁, 又好似帶點豉椒的味道, 唔知係乜, 不過好惹味, 喜歡.

食物令人回味, 配套亦好, 店員及老闆都友善好客, 環境又舒服好坐, 係食得好開心的一餐飯.

埋單每人約 $230, 比預期中平一截 食物同 Antonio 各有各好, 不過呢度 d 人絕對比嗰邊的 friendly 得多, 值得專程一試的.

The Codfather Oyster and Seafood Bar (鰂魚涌)

24-2-2011

一直對呢間 oyster bar 好有興趣, 但鰂魚涌真係 10 年都唔去一次, 以致一直同呢度無緣... 是日收工到太古城「接放學」, 不過喺附近食埋晚飯吧, 就捉了朋友過嚟睇睇. 叫了一人一澱粉質主食, 及一份 starter share 食; 另加兩隻生蠔, 我食.

生蠔由店主 recommend, 嚟到就係兩隻 "from France" 的 Ecaille d'Argent: 賣相幾肥美, 食落新鮮, 質地好爽, 不過乜都唔落就咁食我覺得味道偏淡, 係蠔種問題還是季節問題? 旁邊兩款醬汁係醋及 cocktail sauce (自家製?), 後者幾辣, 前者就較香, 配蠔亦較夾. 下次食蠔都係要叫杯 house white...

Pan-fried duck foie gras: 由上至下分別係「厚泵泵」的鴨肝, 蘋果及 melba toast, 鴨肝煎得外脆身內軟滑, 勁油不過唔太夠香, 還是鵝肝好 煮過的蘋果好酸, melba toast 則夠脆, 兩者配軟身油膩的鴨肝剛好; 旁邊仲「劃」了帶點 berry 味的醬汁, 酸酸香香的, 比蘋果更解膩.

主食揀了 linguine vongole: linguine 好似比平日食到的仲幼 d, 似 "linguettine" 多 d? 煮得 al dente 亦炒得香, 食落爽滑亦帶煙韌, 亦每一條都沾上了 olive oil, 不過食食吓又覺得 olive oil 太重手, 好油喎 Clams 份量好多, 亦大致鮮甜, 不過除了頭嗰幾隻之外, 幾乎隻隻都有沙, 食到「霹靂啪嘞」, 真掃興. 另仲有一條條芝士 (shaved Parmesan?), 不過又好似無乜味...

朋友的主食好似叫 seared duck breast with funghi risotto: risotto 我一向唔太喜歡, 唔講太多了; duck breast 幾香, 唔嫩不過亦唔韌又唔嚡, 配上燒汁 (?) 都幾惹味.

埋單每人約 $235, 小試牛刀印象一般, 不過而家始終唔係 oyster season, 加上離開時見隔嚟位的 mussels marinière 幾吸引, 相信有機會再來的.

Unar Coffee Company (大坑)

5-2-2011

晚飯 (http://www.openrice.com/restaurant/commentdetail.htm?commentid=2147495) 專程走到去大坑, 其實係為了之後可以試試呢間新開不久, 又「鐵定初三啟市」的咖啡店, 事關食友 HK Epicurus 實在寫得太吸引了.

先來朋友的 caffe latte (好似 $25): 旁邊有一塊 chocolate almond cookie, 少甜, 朱古力味香濃, almond 片味道唔突出, 不過夠晒脆口, 不錯; 而咖啡面頭奶泡畫了好 "sharp" 的樹葉圖案 latte art , 質地綿密輕柔, 下面的咖啡好熱, 聞落好香, 飲 (唔使落糖的) 落好濃, 好醇, 唔澀, 亦無「酸」aftertaste, 正! 雖然自己較喜歡銅記 18 Grams 的同類出品 (http://www.openrice.com/restaurant/commentdetail.htm?commentid=2103271), 但 so far 呢杯絕對係大坑最好的 caffe latte, 值得試試.

自己就叫了 flat white (好似都係 $25): 呢杯面頭無 latte art, 奶泡就比 caffe latte 的更幼更綿滑, 飲落奶味亦較重, 不過咖啡味仍然十分香濃, 唔苦又唔澀又唔酸, 正 比起 18 Grams 的同類出品, 我更喜歡呢個, 絕對值得試試; 旁邊的 cookie 就係 chocolate chip, 朱古力味一樣香濃, chocolate chips 又唔會太甜, 正

咖啡勁對口味, 配套亦好, 店員們勁友善好客, 環境「mou 街」卻十分舒服, 幾有歐洲小鎮的 "roadside cafe" feel, 感覺良好.

每人放低 $25, 會再來飲咖啡的.

鐵板燒雪舟 (銅鑼灣)

30-1-2011

本來想到加路連山道的新店飲咖啡食 pasta, 但原來佢星期日 lunch 唔開 , 嚟到呢幢新商/食廈碰運氣. 3 樓 cafe 又係無開, 11 樓意大利餐廳星期日就無 set lunch, 結果竟嚟了呢度食鐵板燒. Set lunch 選擇不少, 但唔係喺度食蛋包飯呀嘛, 就一人一 teppanyaki set lunch「放縱」一下.

小師傅準備鐵板食物之際, waitress 先奉上一盤 starter, 有漬物, 沙律, "amuse bouche" 及茶碗蒸:-

沙律係一 "scoop" 薯仔沙律, mayo 味道調得不錯, 混了洋蔥絲, 紅蘿蔔絲, 青瓜絲 etc, 食落酸 vs 甜比例剛好, 薯仔軟腍又夠香, 又有少少辛辣及 sok sok 聲, 開胃又惹味, 正

"Amuse bouche" 係炸花生豆腐, 外皮質地微脆又煙煙韌韌, 入面的豆腐就係 mousse 狀, 食落十分軟滑, 感覺好似食緊「外熱內又熱」的「炸雪糕」 味道就係清香微甜的花生味, 配上味醂 (?)-based 醬油汁則又鹹又甜, 幾好食.

茶碗蒸賣相平滑如鏡, 食落滑溜又清鮮, 正 配料有麵粉蟹柳, 白果, 雞肉及蝦, 可惜唔覺有冬菇及香葉? 不過係幾欣賞白果粉糯又唔會苦澀.

Teppanyaki set lunch 叫了海鮮的 ($250), 有油甘魚, 帆立貝及大蝦:-

油甘魚: 極嫩, 食落微甜, 味道有點似「無咁飽膩版」鱈魚 , 其實幾好食, 不過其實仍然幾膩, 如果有少少 e.g. 柚子醋汁同吃就好了.

帆立貝: 帶子肉燒得外焦香, 中間就仍生生哋, 質地「溏心」嫩滑, 食落香口又鮮美, 正 Coral 部分粉糯軟滑, 裙邊就帶點爽脆, 而兩者都好香, 唔比帶子肉遜色的, 正

大蝦: 一樣燒得香口, 蝦肉鮮甜爽實, 仲有少少蝦頭膏, 味道甘香濃郁, 正

不得不提仲有墨綠色的醬汁, 係 pesto garlic 牛油? 睇得見的「油」, 但香而不膩, 配海鮮同吃實在令海鮮惹味得多, 正

仲有炒雜菜: 準備前師傅先問我「食唔食牛」, 原來佢將朋友塊西冷的牛油脂切開燒香後, 可配炒菜同吃 菜以芽菜, 椰菜及紅蘿蔔為主,「乾濕度」剛好, 亦帶點醬油香, 就咁食其實都 ok, 不過作為食肉獸, 當然配以牛油脂同吃, 香口到呢.

跟 set lunch 的澱粉質叫了白飯, 粒粒晶瑩飽滿, 食落煙韌, 米香撲鼻, 伴以 medium-rare 牛肉 (詳見下文), 正

朋友的 teppanyaki set lunch 叫了 US sirloin, 跟炒飯... 牛扒叫了 medium-rare, 師傅亦做到了, 切成粒粒丁方狀, 中間呈酒紅色, 食落牛味濃厚, 唔算好腍, 不過肉質算嫩, 好好食喎. 而炒飯就落了漬物炒, 夠香亦夠味, 不過一舊舊的, 唔似「炒」飯, 似撈了ふりかけ的普通白飯多 d 喎.

仲有味噌湯, 夠味又唔會太鹹, 仲有大量切到一條條勁幼的大根, 清清味蕾不錯.

甜品揀了 peach sorbet (亦可選呍呢嗱雪糕; 但連牛肉都食唔晒, 唔係仲整球呍呢嗱雪糕呀嘛...): 打得幼滑, 白桃味清甜天然, "refreshening" 效果不錯.

餐飲叫了熱檸茶; 不過見朋友的咖啡 奉上 cream, 又試試 聞落香, 齋飲濃, 幾苦, 但唔澀, 落糖落 cream 後就係典型「日本咖啡」的香滑, 幾討好; 朋友亦似乎幾受落?

食物令人回味, 配套亦好, 服務貼心, 環境就舒服乾淨, ventilation 亦不錯; 不過既然呢度係鐵板燒餐廳, 配套唔好就大件事了.

連加一每人埋單約 $280, 預期中的貴, 不過實在滿意, 絕對值得試試.