為慶祝媽媽節。就去試下媽媽既偶像舖頭。 一家人都滿意食物。但環境太嘈有如一般茶記咁，媽媽聽唔到佢偶像啲歌。 蜜汁脆鱔👍 出名既燒味。試下叉燒同燒鴨/鵝(唔識分)👍 牛柳粒味道ok 份量太細吧！

父親節當晚。我地一行9人。Book 左8點鐘。家人未夠8點已開始等。負責安排位的女人。不停話好快,下張到,又話有枱未得閒執乍。結果等到9點才安排入座。最激氣係明明前面被安排坐位的都是訂8點半已入座。經眼見同聽到呢個女人同某幾枱被安排坐位既客人對話。明顯係熟客或朋友關係吧。安排坐位時,係私下通知佢地入座。跟她理論又話人地先到過我地。如果係先到先得又何必要安排訂座呢?倒不如不設訂座吧！全部一律等位吧！咁巴閉既既店就算味道多好亦因為呢個不懂安排座位既女人。我地都已black list 了！

呢一間食到火都黎埋既餐廳，唔洗諗住有人會再去食。
我地五個人，八點半入座，一坐低已經點左好多既食物同茶．．．
點知．．．等左半個鐘先有冷蕎麥面同牛蒡．．．再隔三個字先有茶．．．
但原來呢度，無論你點追，點勞氣都好，根本啲侍應同經理係唔會理你既！
成晚黎既食品，刺身同壽司去填飽我地．．．
我地叫既燒物，只係黎得燒雞亦同白灼冬菇．．．大家無睇錯．．．真係白灼冬菇，燒都無燒過．．．．．
其餘既一樣都無黎過，咁樣做放題，擺明呃人錢囉．．．
等野食又耐，叫左既又唔黎，真係搵鬼去食咩
就連結帳，都等都癲，前後最少用左十五分鐘！
仲要係要本人出去搵個經理，同佢講叫左人結帳，超過十分鐘都無人理，係咪唔洗比錢！
點知佢都要同我講，我入緊單，轉頭幫你！
痴線，都唔知呢間係咩舖頭，點做生意！

啲野食好唔好食，我地都唔係好知，因有野食黎，個個二話不說就係咁食，餓到死咁滯！
仲有呀，個冷氣，凍到痴線，著埋褸都打晒冷震既！
你想搵人收碟，加茶，落ｏｒｄｅｒ，等下啦，無人得閒理你咁架！

無耐性，燥底既千萬唔好去食

唔好睇呢間細細既舖仔~
我食過好多雞蛋仔,我個人認為呢間真係值得一讚架~
佢啲雞蛋仔,一啲都唔馬虎架~
原味雞蛋仔~好香,外脆內軟
芝士雞蛋仔~超多芝士,好正,無得頂
粟米肉鬆雞蛋仔~不過不失,唔係唔好食,只係新口味,一時間未接受...
但我會繼續支持~

呢間舖頭10多年前經常光顧既一間舖頭!
但呢2年,質數不停下降~
今晚情況嚴重得多~
首先,我剛坐下,已聽到隔離枱既客人係度嘈
原因係個客人叫左啲侍應加水,竟然有個奇女子(侍應)話：我好忙呀,你等下先啦~
當時我心諗,邊有咁忙呀？
但,之後我一家人想搵個侍應落單都等左超過10分鐘...
當有個女侍應幫我們落單時,發生奇怪事
女侍應: 你地幾多位？
哥: 我地六位 (沈默左2分鐘)
哥: 2個黑椒牛柳(當時指住個menu)
女侍應: 動作好慢咁寫單啦, 隔一陣,要咩汁呀?
哥: 2個黑椒汁
女侍應: 要咩牛柳?
如是者,繼續叫啦,一個肉眼扒,燒汁,7成熟....
女侍應; 要咩汁......(xyz)
我: 燒汁呀唔該...等佢寫完, 我再叫帶子豬扒...黑椒汁
女侍應: 幾多成熟?
我當時淨係下左一聲...佢就話...肉眼扒幾成熟....
我果刻真係想問佢係咪發緊夢~
我地六個人既order, 用左10分鐘先落完囉
之後亦都係呢個女侍應幫我地預備餐具,上湯.......
竟然餐飽要係我地追佢order,佢先記得拎比我地....
仲有,就係啲扒出場時,竟然塊鐵板係無"乍乍"聲...
呢個証明根本唔熱囉...
到餐飲,六杯drink同一時間叫,但竟然只上得5杯,其中一杯漏單囉
全晚唯一最快,最好態度係...結帳~
講完服務態度,講返食物質數先
牛柳,同肉眼扒, 出奇地有好多筋~ 刀都切唔開既~
諗住放入口咬爛,結果都係咬唔到囉~
黑椒汁, 好咸~
帶子豬扒~無特別,同自己整既無咩分別~
呢次將會係我最後一次光顧呢間老舖lu

是日為左同同學慶祝生日,早前經同事介紹下特意去amigo訂左個蛋糕...
訂蛋糕當中既趣聞：我要求他們於蛋糕上寫"蛋糕大王"既...
但竟然收order既男人問我：小姐,蛋糕點寫呀？我即刻啞左！
言歸正傳,當晚有份食蛋糕既同學都說ok啦~
但當中既"蛋糕大王"說,其中有啲不足...可以更加好的~
連我自己都感覺麻麻,可能之前同同事們去學整既芒果拿破崙太正吧~

由於未夠11點我就到左...所以我最想食既豆沙軟餅仲未有...
但係當我問店員,大約幾點會有既時候,那女人完全唔理我...
之後好彩有個貎似老闆娘既同我個半個鐘左右...
我咪唯有去食個早餐,再去生記買埋鹵水鵝先回頭....
好彩回頭買時岩岩有...仲好新鮮熱辣辣添...
由於多年前已經經常食,所以今次一買就一磅呀唔該($24/磅)~
順道買多4個迷你砵仔糕($1.3/個),4粒花生糯米慈($2.2/粒)~
搭左成個鐘頭車返到屋企,啲豆沙軟餅仲係暖架...
急不及待已經偷食一件...真係同往年一樣咁美食~

至於迷你砵仔糕,真係差左好多...無左當年既味道lu

另外花生糯米慈呢...雖然層皮好軟熟,但層皮厚到呢~

ps...分數係比豆沙軟餅既~其實有十個讚先得~

想多年係上環返工,間中都有機會去生記買鹵水鵝返屋企食...
但轉工後已經3年無食過啦。
是日放假,就一早走去生記買左1/4隻鹵水鵝($78),再加4件鹵水豆腐($10)...


鵝片雖然比連埋骨既鵝肉有點兒"鞋",但係仍然係好味道...
鹵水豆腐~就出奇地怪...無左豆腐應有既味道,只有鹵水汁既味道

經過3個人既努力,最終都係食唔晒...下次都係買少啲先得~

當日tea time去到,唔洗等位就可以安排坐位。
我們點了一份雞扒意粉同一客薯角雞亦...
男朋友食完份雞扒意粉,但我份薯角雞亦都仲未到喎...(已經係半個鐘既事)
咁我咪追問個後生女待應啦...佢ee ar ar咁話等多2分鐘...出緊黎...
好...咁我咪等啦,點知隔左5分鐘先黎都算啦...
點知雞亦食食下先發現原來係得塊皮係熟既...內裡完全生...
咁咪同個中年女待應講...(已經好聲好氣...)
咁佢都話換比我...又要等多5分鐘先有得食...
最好上菜時...連啲薯角都已經凍晒...難食...
我後悔當日無用電話去影底佢地既罪證....
PS...後生女待應,服務完全唔掂囉...眼神寸寸咁...黑口黑面咁...

呢個cafe唯一好處就係...唔洗等位...
曾經光顧兩次...2次都係得2枱客(我係其中一枱)
第一次去同朋友傾下偈玩下deal咁...夠晒寧靜...
不過十一點度已經話要關門
算吧~反正都玩夠同傾完偈...
第二次同班同事去食lunch
一行8個人...得出結論係...
只有意粉同埋杯兒童鴛鴦係可以接受...
本人試過焗朱朳飯...點知上碟時,都唔係焗既...都算啦
係用珍珠米...兩者加埋怪怪地咁...