壹茶館(灣仔)

見到佢開左冇耐耐,又即管試下,可以接受,不太甜,亦不是特平,,.中規中距..

個人偏愛

胚芽珍珠奶荼(L)--$15都有好多胚芽,荼味一般,小弟嫌她的荼鞋口,我覺可以接受

原隻蝦春卷(配荼減$3)---$9我不推介這個,可能佢加准鹽加得太重手,得個咸字

炸花枝丸($12)-----4粒,係呢一頭,收呢個價係貴既,行前少少仲有好多小食店,一定唔使12元4粒墨丸..之前我都試過呢度D花枝丸,都可以,今次就咸左D..

青匯餐廳(西環)

今日早上係討論區識左位新朋友,傾電話傾得興起..他相約不如立刻出來吃早餐...

一女友人也走來趁趁熱鬧..相約在第三街青匯餐廳...

呢間餐廳我以前很喜歡來午餐∕下午荼,因為雞扒不錯,外脆內軟.

因一次早餐他們落錯單,我將牠打入了冷宮近半年..

今天我們點了三個早餐...有2個係雞扒配火腿...

2份早餐一埋桌,另一個牛扒我唔知..

,雞扒乾乾的,一滴汁都唔俾,2塊火腿勁油.仲攣攣地..

其實火腿唔洗煎咁耐..縮鬼哂,又油淋淋.邊好食..

雞扒乾爭爭,D肉又鞋,唯一可取係塊皮脆既

果杯凍檸荼---真係原諒我火起,好心D荼賣唔去就倒左去,值幾錢??

雪到冇哂味既荼膽加埋檸檬落去..都救唔返架啦!!

,顏色渾俗得如奶荼...我試了一口,忍不住要糖水.看看可否起死回生,可惜加了糖水

都救唔到杯荼,宣告死亡...死得..打包

友人們都不相信杯荼咁難頂,我給在坐各試一口茶,結論是得到幾句粗話

我立刻叫了一杯冰,倒落原先免費奉上的熱荼內,充當餐飲...失敗

我以為新軒尼詩杯荼雞姐, 嘩! 呢度D功夫仲深,集鞋,苦,酸,峽,共冶一爐,荼的香味完全冇影..

(難飲到你比$我,我都唔飲)

如果喊面有分大喊 中喊 小喊...呢杯荼足以拿2個大喊,真係唔慳得....

一個月後我會再去....(都係諗下先)

上海么鳳(灣仔)

前幾日,夜晚食粥,爸爸見么鳳包裝的豬肉鬆,即話:洗5洗去么鳳買丫??

我答:『才5元兩,這2包才20元.』

爸爸答:『咁又唔係貴喎!!』

(其實有部份人知道她(么鳳)係豪門,有錢人的口立濕專門店,一干名太,高官夫人長期捧場,

以為她一定好貴,其實不然,睇你點買姐..)

我每星期必到這兒一∕兩次,買既野時時都唔同...

但必買

豬肉鬆($5 元一兩),因屋企人喜歡拿來送粥..

呢度豬肉鬆又香又鬆脆,入口肉味出色,顏色又靚,絕非街邊貨可比

杏仁花生糖($72一磅)呢個係我至愛,每1粒杏仁花生糖都有1∕2顆大大的杏仁,

光看賣相已知斤兩十足,入口不太甜,咬下去,花生和杏仁在口內四散,真幸福

泰國尤魚片,(約10元)我買親都買$30元分三包,每次吃一包,乾手淨腳...

都幾中意佢地D話梅王,上次買左$50元有三粒...好矜貴

芒果干也好,她有2款:要偏酸果隻,芒味重過偏甜果隻架!!!!

如果中意咬零食既你,一定要黎下呢度!!!

糖痴豆(半山)

幾個月前,我同小弟下午荼(約四時)入內...

當時全埸冇人,小弟叫了心太軟..

我叫了楊枝金露芒果布丁,,

我果個黎先,大概食左三份一,發現一蚊滋屍駭在布丁上..黑色如芝麻大小,仲有對翼的,

我立時停口叫樓面(約三十,面黑黑打扮時毛)男人埋桌,並問他這是甚麼...

當時我用湯匙給他看,他立刻收起湯匙,並說轉頭答我...

等了十分中,我再催催他,他答:『師傅話係芒果皮!』

『咁你即係唔會換比我架啦??』佢冇出聲...

之後埋單照收2份甜品錢,儘管我冇再掂過個布丁...

從此我都沒和家人去了,以前每星期至少一次...

有機地(灣仔)

同事常常話三十幾元食晏好肉赤...

我成日同佢講;都食落自己個肚姐

今日食既午餐更加唔洗預同事...

剛巧有朋友由九龍過來灣仔政府合署辦事...

我們便約了在此健康一下腸胃

甫坐下,在座人客不多,可是服務員更少,

有些客人要查詢貨品資料,有些客人要付款(收銀機位卻是空的)

我們則要落單.....可是店面卻只有一個服務員

見無人理,我們坐上吧台前,由廚子充當樓面吧!!

有機素菜冷面----清新可口,感覺似沙律...

煙三文魚意粉伴香草檸檬橄攬油----煙三文魚美味,意粉不夠咬口,

伴香草檸檬橄攬油對於慣於濃味的我,是一道清新劑...

加錢的甜品----什榖似的朱古力芝士餅,很特別,但我不會買回家

偶爾清清腸胃是不錯,但每天...就不必了iii

美心西餅(灣仔)

今日早餐唔知食乜好...

唉!做人真煩,常常想吃甚麼東西...

走走行行見到美心,行入去,揀左個

熱狗旦沙律包($12)---講真都幾特別,一邊熱狗,一邊旦沙律.

.但此款包不宜在街上吃,因為都幾論盡,最好先吃一邊再吃另一面..

否則,熱狗的茄汁及旦沙律均會全部跌哂落閣下身上...

當日小妺內面穿背心,衣領較低..有不少旦沙律跌入心口..好彩冇人知..

無冰奶荼(加$6加元)---喜出望外的一啖好荼...

這個早餐,雖然心口食左少少,但笑臉都值既..

糖百府(佐敦)

同日在喜點(有食評的)...飲完荼食埋個$25芒果雪花冰,

之後問問友人好5好食,佢話:『好食』

唉!咁就死啦!呢度都叫好食,咁我帶你去糖百府食啦!!

慢慢散步去到佐敦,當時下午2點,

嘩!睇住佢拉閘,呵呵呵呵呵,今次我仲唔執到,洗鬼排隊,門囗一個人都冇,呵呵呵

立即衝入店門店員幾時可以落單,佢話;『依家都得架啦!』

落左個芒果雪花冰($30)加波蘿椰果($3)加乳酸魔豆($3)配籃梅醬...

芒果雪花冰黎到,點解矮過銅仔果面既,算了,食左先講,

之前我在銅仔果間食過綠荼,石榴,咖啡,朱古力都好好味.冰底味道香濃..

相比起今次芒果雪花冰..呢個真係失色,但亦好過好多地方架啦!!

待應靚仔唔知係咪岩岩開檔,有少少悔氣

Studio City Bar & Cafe(九龍灣)

如果我有睇openrice先呢...今日大家唔會見到我呢個食評....

首先去到,在場幾位待應都好似就收工,唔想接客咁,但當時只係9:00

好啦!經友人推介叫左

和牛漢堡2客(981客)--- 一D感覺唔到和牛的香,軟,肉香,可能你話我唔識食啦!

包皮又乾又硬又冇麵包獨特香味同口感,礙於有位新朋友在座,我忍你...

紐約漢堡($99)---新朋友叫T骨,年輕的女待話冇,

朋友問:『我黎左3次,3次都冇,你個餐牌呃人架??』

女待就 ee er er 咁應左去.....唉!呢度未叫頂引....

叫餐飲時,友人叫涷啡,濃少少,女待問:『咩叫濃D??』

我和另一位女友立時互望一眼,笑左出黎......

食到一半,原桌枝茄汁用哂,問佢拎啦,佢又望望我地桌面果枝話:『唔係有啦咩?』

我話:『有就唔會問你拎啦!』

由頭到尾佢地都似發夢咁,自己人傾計時就鬼打冇咁精神,講真,咁唔想做就唔好做啦!

埋單友人比左信用咭,一陣佢返黎比返張卡友人:『我地咭機壞左.....』

唉! 真係聞所未聞.....吹到啤一聲....

D食物質素差,你話環境同服務撘夠就話姐.....呢度毫無服務可言...

宜家傢俬咖啡室(九龍灣)

搬新屋,去厭左銅仔果間,走黎九龍灣呢間,一共四層,有排行...
平時只會幫襯宜家既熱狗,今次抉定試下其他..

香草裀三文魚($25)---沙律汁嫌唔夠,但2大片裀三文魚,都冇得彈了

肉醬長通粉($19)----友人食呢個,見到好吸引,可惜手機冇電,冇相睇

,紐西蘭凍蝦好似$25---隻隻蝦都好細隻,但頗鮮甜,而且大部份有蝦籽的

咖喱雞意粉(好似$19)----杰達達的汁友人至愛,我嫌味偏淡...

叫了2杯气水,機制,冇乜气,但幾元,也就算了..

是日食得好開心,全部加埋唔洗100元,後尾仲係呢層買2包朱古力先走....

要嫌就嫌佢出得慢...收銀收得快都冇用,人龍依然,其實佢D野全部整好哂,但出得真係慢...

泰簡單(銅鑼灣)

食過呢度好多次,今次故地重遊,美味仍有,但不及上年了!!

上年我地同事仲係度食聖誕飯...當時有蟹亦有聖子..

今次我叫的

酸辣醃聖子皇$70---同之前真係差好遠,以前叫聖子皇,依家??只可以叫聖子仔.
(冇聖子皇就唔好賣啦!!).

泰霸道$298----咖喱蟹拆肉,講真298,我真係食唔到有有幾多鮮蟹肉係度,

但個汁仍然美味,值得食既...

燒羊架$140---我唔食羊的,但一客4件,我可以食左2件,非常不錯了,

但原來此羊架配上大半碟炒什菜,我們白白叫了碟菜

飛天通菜---我好中意食呢個,但如果我一早知道羊架有大半碟炒什菜,我是不

會叫炒菜的.

金枕頭$88---咖喱海鮮釀法包,有咖喱蟹我又點會理啋呢個枕頭丫

蝦多士$56---4件多士,我只吃一件,冇乜特別丫

柚子沙律$60---呢個我唔識欣賞,係外面好多店做得好過佢...呢度菜佢做得唔好,

環境一如以往十分熱鬧,很多慶祝盛事,亦一如以往大部份人要親身輪候等位..

今次埋單890,我覺可以接受,!!

喜點(尖沙咀)

擒晚同友人去重慶食咖喱,之後凌晨四點起身又屙又嘔....十成腸胃炎..

今朝起身,口淡淡乜都唔想食....

係彌敦道 行行下見到呢間店...睇下D價錢,全部十元八塊...

再睇睇有綿花冰食...唔.....本來唔想食野既我,即刻衝左入去...

坐低剔左以下點心(荼錢2元1位,平)

蝦餃每客2隻($14)----不過不失,一人一隻剛剛好..

炸咸水角----哈哈哈哈.唔明佢點解剪開左口,怕我地熱親??

叉燒包----唔錯架,幾好味

咖喱尤魚----大大碟,又香又好味,熱辣辣

煎蘿蔔糕---外脆內軟,奉上甜辣醬,一客兩件....見到好多人叫

山竹牛肉---大大2個牛肉球,咬開又有肉汁....

煎墨魚餅----呢個煎得唔夠香,但肉質彈牙..亦有D墨魚粒囗感..

椰菜蝦春卷---呢個可以不叫,皮夠脆,但冇乜特別

由於佢大多數點心只有2件我可以放心叫多少少...

臨尾好飽,飽到甜品都唔想食...但我入黎只係想食綿花冰架喎...

最後叫左個芒果雪花冰加魔豆($25).

..嗯!!曾經倉海難為水,奉勸係糖伯府食過雪花冰既朋友,千祈唔好立亂係外面食,

因為保証大多失望.....

撇開雪花冰,喜點係good,埋單$115,服務又不錯,一姓趙經理十分醒目健談.

由開頭帶位到我們走,一路有笑容..值笑臉

東園金閣海鮮酒家(灣仔)

我黎過呢度3次,今次真係唔寫對唔住自己...

佢地有個孖寶$98,係推升揀2樣菜,如果點片皮鴨加38,炒蟹加48

我同友人點左翡翠帶子雀巢同片皮鴨.鼓婌炒花甲($78)..

chopstick:翡翠帶子雀巢---D白果同油多到嘔,不過雀巢炸得好好食,我食哂,今次配角好過主角

鼓婌炒花甲---尚算ok,花甲亦夠肥美..只是嗜辣的我亦嫌辣..

片皮鴨---鴨燒得明顯過火了,同位於灣仔又平過佢既唐人佳比,差左成條街..

人地片皮鴨餐仲係$138有三樣野食..質素仲要好過佢...

另外仲有特價啤酒...埋單$260,我同友人每人$130

第二天又比表妹捉去,今次不叫片皮鴨,仍叫翡翠帶子雀巢,海膽賽嗙蟹共98, 78鼓婌炒花甲,

一個鴨舌并海圻38,呢個難食到可以講又唔咸,唔甜,,又可以講又酸,又甜

..又辣,海拆仲有D酸酸宿宿味,把鬼到死.

chopstick:翡翠帶子雀巢---叫住佢咪落白果,作死佢冇耳性,又叫少油,

但又係成個碟底D油可以滴出來炒蛋,成份白果..妖....

海膽賽嗙蟹---成個油淋淋,無題..

78鼓婌炒花甲---今次好瘦,一點不肥,乾支支,火滾..

表妹叫了個白飯,.埋單,計荼計芥計加一,一共300元,

我不可能收她錢啦!

但食D咁既野,我真係覺得唔抵,兼有火...

鵝王之王滷水店(佐敦)

我死梗了,儲左好多相,有成七、八篇食評要交

所以唔好咁多廢話,等我即刻入正題..

今次第一次幫櫬,唔知D野幾大碟....

我最想食蜆仔肉,可惜賣哂...

淨豬紅$20----滑溜入味..又唔會一夾就散

鹵水拼盤$68---初初睇佢好似好細蝶,但食黎食去仲有..

鵝腸鴨舌至入味..豬頸肉豬耳亦爽脆..

蠔餅(38小)----炸到脆卜卜,有三大塊之多...

一粥一飯

蠔餅上台時,肚子巳八成滿,根本已知不可能吃光食物...

如果柯打時樓面姐姐能提提我們,此行便完美了!!!

甜品堂(西環)

得罪講句,我真係信有[鱔稿],幫櫬完之後,非常奇怪有乜理由有笑臉??

唔通之前D食家食既同我食既唔一樣??

D野屎唔在講,態度又惡劣,又差勁

果個店主(四眼中性打扮女子)在場內貼住D雜誌訪問佢,說所有甜品均是阿瑞設計云云

我幫儭當日,場內九成滿,但只有一個女待應和店主..

我三番4次落單,店主只和正等候入座的朋友傾計,完全冇理我地...

佢由頭傾到落尾,由得我地同場內D人呼喚全場唯一的待應妹妹..(店主???)

終於等女待應落單

榴連雪花冰$30----甫一上桌,一陣屎味攻埋黎,不是典型貓屎榴連香味,

直頭阿魔尼亞既味...朋友們堅決不肯試,我冒險試試,落口又不太臭,但真的怪怪,

我們均是愛榴連之人,也頂唔浦..

焦糖燉蛋$30-----已是全程最好的..碟長而闊,可惜蛋只有1寸都冇既容量深度

,焦糖夠脆,可惜蛋和焦糖又唔熱又唔凍,感覺嬡眛..

心太軟$38-----之前睇左有關呢間心太軟既食評,指冇流心,..

落單時,我已問清楚女待.她說已換左師博,

可惜黎到,我們叉開心太軟,內裡都不軟,只有糊糊的朱古力漿,冇乜流心效果,

雪糕不去說,冇乜流心效果的外層旦糕又粗又鞋,沙莉旦糕都好過佢..

.正正式式係內面唔得,出面都係唔得..內外一致..唔掂

與其搵多2間周刊出訪問,倒不如諗下點樣改善下質素,還實際

班房主題作賣點,坐得我地又窄又唔舒服,桌下的櫃筒頂住膝頭...唉!!

唔識點講,同行友人一向有口德.出了門口也禁不住說了句:『把鬼』

經過今次,我重新知道部份openrice的食家真的很仁厚有道...

p/s:1個月後我會再幫櫬..

齒來香蛋卷(西環)

之前都買過好多次,都冇今次呢個店員大姐咁熱情

今日買左
朱肉鬆鳳凰卷$15----買左返屋企半日冇哂,但我都係中意食椰絲鳳凰卷多D

芝麻餅$6----未食

椰絲餅$6-----感覺似椰絲蛋糕多D,又似干酥餅,但滿香椰味

合桃酥$6----我幾中意食佢D合桃酥

每次行過呢間店都引唔住入去買少少野