Da媽 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2019-01-11
因為舊年喺蛇王協食蛇宴覺得好味,而且菜式特別所以今年推介朋友一齊再食,點知竟然中伏,話明7時半開席但八點先有得食, 太史五蛇羹雖然料多但味道一般。 龍飛鳳舞炒蛇片鴕鳥肉,唔夠熱而且汁好稠。 金龍獻瑞,比舊年細粒咗而且又係唔夠熱。 椒鹽蛇碌,又咸又韌 。 蛇汁時蔬,明顯係白灼生菜仲過咗火有部份菜灼到變咗啡色。 秘製蚊蛇腩,又係唔夠熱而且汁太稠 。 古法白切雞,無雞味而且雞肉仲韌到咬唔開。 生扣野生大山瑞,汁稠賣相及味道都差。 巨型老蛇蟲草花燉烏雞,夠熱不過味道一般。 滋味生炒糯米飯,同舊年比簡直係差天共地,濕,我地大家都覺得好明顯係蒸熟之後落鑊兜兩兜。 因為今次所有菜式都比舊年差所以無影相! 題外話/補充資料: 菜式唔夠熱係大忌,尤其係蛇宴添,未計我地見唔到果d,視線範圍內都見到有六圍,但只有一個半人負責上菜,因其中一個後其先出現,唔知係咪因為唔夠人上菜,煮好既菜擺到凍左先上檯,不過點都好啦我地決定唔會再幫襯!
評分: 味道 1 環境 2 服務 2 衛生 2 抵食 1
2018-09-15
8月4日在網上見到香港萬麗海景酒店提供Movenpick 雪糕afternoon tea set,某些信用卡有半價優惠,被Movenpick 雪糕吸引,馬上打電話訂位,但最快要9月12日先有位,無法啦照訂,等到頸都長埋,今日足之可以品嚐Movenpick 雪糕afternoon tea set喇,買相幾吸引,食到半飽就問waiter 未有Movenpick 雪糕喎,佢話雪糕送到8月31日,當時覺得有被呃嘅感覺,寫明係Movenpick 雪糕afternoon tea set但成個tea set竟然係無雪糕嘅,訂位時又無話個Movenpick 雪糕afternoon tea set8月31日後不會送Movenpick甜品綠寶石,真係有誤導成份! 係時候講返個下午茶喇,咸點有鴨肝芭菲,鴨肝脆卜卜好香口,炙烤三文魚滑滑好味道,芝士素菜三文治,用法包但法包唔脆而且仲好韌添,失敗,椒鹽魷魚好味但唔夠脆,法包及魷魚應該係預先整定所以都唔脆! 焦糖貝殼蛋糕一般啦! 高麗芝士餅唔錯! 露絲瑪莉草莓圈頂層薄薄的草莓好味,但下層浸左糖水又淋又濕又超甜怪怪地唔好味! 雲呢拿石榴好味但餅底太甜! 柑桔朱古力OK喎! 棉花糖脆朱古力魚,夠脆甜左dd! 英式鬆餅太硬! 無送Movenpick甜品綠寶石! 題外話/補充資料: 應該在客人訂位時即時通知客人Movenpick 雪糕afternoon tea set 在8月31後不會送Movenpick甜品綠寶石以免誤導及令客人失望!
評分: 味道 3 環境 4 服務 4 衛生 4 抵食 4
2018-08-27
九龍香格里拉洒店大堂下午茶自助餐食品款色多又坐得舒服,信用卡仲有8折優惠添,坐足食足4個鐘,認真超值,甜品款色多得很,未能一次過試晒,飲品亦多款選擇,有幾款川寧茶包,咖啡,檸水及檸茶,還有兩款水果雜飲清新又好飲,熱食有桃肉拌鴨胸,翠肉瓜黃椒燴䐁肉及雜菇煮牛肉等等...........另外還有燒牛肉多汁好味,葡撻,叉燒酥,仲有軟雪糕及Haagen-Dazs 雪糕添,每位300元,從未試過食下午茶自助餐可以食四個小時,呢個下午茶真係值得推介! 推介美食: 燒牛肉
評分: 味道 4 環境 5 服務 5 衛生 5 抵食 4
2018-08-24
網上見到北角新酒店自助午餐168已包加一服務費,即時約埋三五知己去品嚐,亦即時打電話訂位,但非常失望食物選擇甚少,熱食只有煮雞肉淡而無味,白汁三文魚味道一般,豬頸肉炒豆角好鹹豆角煮得太淋,炒飯材料甚少可以叫做無料炒飯,燒牛肉太熟,壽司有五款蟹柳壽司,迷你熟蝦壽司等等....刺身有𩶘魚,三文魚及八爪魚全部淡而無味冇鮮味,沙律都好少選擇,冬瓜湯好鬼鹹,昆布湯無飲所以唔知味道如何,蛋糕及生果有幾款選擇,曲奇餅及麵包我冇食過唔知味道如何,牛奶公司杯裝雪糕及紅豆雪條,總括黎講食物質素差,我覺得新酒店做優惠唔應該食物質素咁差囉,唔會再去! 無諗住寫食評所以冇影相,但係咁嘅質素真係要同大家分享! 題外話/補充資料: 唔可以因為平價168就提供質素勁差既食物給客人享用!
評分: 味道 1 環境 2 服務 2 衛生 1 抵食 1
|