見到有團購$138, 即管一家四口去試吓! 結果係要即刻上嚟留言, 提醒大家千其唔好去!

正如上一位食客所講, 除咗第一次order 10樣嘢嚟咗5樣外, 之後果3次orders嘅食物都差唔多無嚟過!

我個仔只有7歲, 食咗個半鐘都食唔飽 (限時2個鐘), 因為其中有1個鐘頭以上都係係度等, 原全無嘢嚟過! 同侍應講, 佢會話即刻幫你跟或者叫你再填紙, 但跟住都係再呆等!

我諗住是但叫個三文魚炒飯, 等阿仔食飽即走. 結果order咗2次, 等咗30分鐘, 侍應跟咗2次, 然後再話俾你知賣囇! 我一心想同個仔慶祝考完試, 結果要佢呆等到瞓著 + 食唔飽, 真係好過份!

食物質數, 我本人覺得去買$3/件會好d! 好似我哋叫咗4件好嘅鰻魚壽司, 好似魚乾噤, 食落仲似食緊橡筋, 唔知係咩魚!

見到OpenRice食評幾好，諗住試吓啦!點知食到一團火!唔會再有下次!
我哋總共四大兩細(五歲+兩歲半)，我食噤多間自動餐/任食，從來無一間連兩歲半都要收小童錢。同個經理講，佢好唔耐煩噤話「總知佢食嘢就要收錢,唔理幾多歲!」越諗越嬲,同佢再拗過,最終佢好 "仁慈" 噤話「算啦!我哋收起佢D嘢，你餵佢食少少，我哋當睇唔到啦!」
跟住我哋四大一細(人頭費計)，第一張單入三碟肥牛，佢哋居然只嚟一碟(六片),起初以為落漏單，於是叫個侍應嚟同佢講「我哋仲差兩碟肥牛喎!」，佢嘅回答居然係「係呀!你劃幾多碟我哋都係一張單出一碟嫁咋!」結果佢無講大話，我哋共入咗四次單，劃咗15碟肥牛，最終嚟咗4碟，真係一張單一碟!五個人分享咗24片!
呢間噤嘅酒家，就算D食物幾好都無用!何況都係一般啫!奉勸有小朋友同行+鍾意食肥牛嘅,『千其咪試!!!』

今日係老公生日,之前試過佢哋嘅藍梅芝士蛋糕,真係超好味!於是特登去訂一個同老公慶祝生日!為咗俾個驚喜佢,試吓問問Cafe More可唔可以幫我送個蛋糕到隔離餐廳!貼心嘅老闆竟然一口答應!除咗老公有驚喜外,全枱朋友對個蛋糕都讚不絕口!好多謝佢哋噤貼心嘅服務!