係好朋友口中知道小包包呢間fusion diner ，決定約埋兩個朋友去試試。 外部門面既neon pink logo 好搶眼！因為我遲到 (sorry my friends)，去到話得番兩個位，問我地要唔要其中一個人企住食，如果唔係要等一個鐘⋯ 當然係唔想等一個鐘啦，所以say yes 啦！Menu 簡單易明，雖然選擇唔多，但勝在夠精！我地只係叫左一個包，因為大家都唔肚餓。Fish Tempura Bao ($78) ，一塊炸魚加上酸酸地既漬物，減低左炸魚油膩感，再加上甜甜地既中式包配搭埋個甜甜地既醬，好味！ 之後就上“Mac & Cheese” ($108)，同平時食開既mac & cheese 唔同，佢地好有創意地用左中式腸粉！底層係腸粉，中間係混左明太子既芝士醬，頂層再加番bread crumbs! 我覺得唔錯。之後就到我個人覺得最好味既LB Fries ($68)!
新鮮炸既薯條加左啲泰式甜辣醬攪拌，每條都有甜辣醬，甜甜辣辣，薯條脆卜卜，好好味！上碟時會附上一碟加左蕃茄既參巴醬同BB 牌Mayo。我就覺得個薯條點唔點個醬都咁好味！再接著就上個餃子，Short-Rib pan fried dumpling ($128)。
上碟時，員工話要餃子，coleslaw同hot sauce 一齊食。於是就跟佢既食法食，食落就明點解會咁建議。因為餃子個餡肉味好rich，如果單食可能會有啲太heavy。最後就係全店唯一既甜品，LB Ice cream sandwich ($48)
之前睇過既blogger 都話係must try item，我地就決定一人一個。由於係即叫即做，要等。大概十多分鐘就上檯了，雪糕係綠茶雪糕，加上練奶，幾好味，但我就覺得唔係must try item 。呢度既食物一流，環境唔錯，係迫左啲，仲要我地企係度食就真係迫到連送餐經過既員工都要同我地身貼身。
不過呢度不設訂位都仲可以客似雲來，證明左佢浄係靠食物既水準，就可以今大家甘心去排隊等。而且佢唔收加一，服務質素都唔錯，仲要冇因為有太多客而做到煩燥，好值得讚！店員大部份都講英文的，可能外國人style，連做野都relax啲，不過relax得黎又唔hea！Very good!!!

有日上網見到不眠王子介紹Lion Rock Bar 既"黑鑽松露下午茶"，好似幾吸引。我好鐘意松露個隻獨特既香 (我就係鐘意個隻石油氣味)。
過左幾個月，終於約到朋友一齊去high tea。環境唔錯，幾舒服！Tea set 包無一杯酒精既飲品。朋友要Mighty Leaf 既 Green Tea Tropical, 我要菠蘿汁。等左10分鐘，飲品就到了。菠蘿汁唔太甜，飲落似係用水溝淡左既樽裝果汁，算叫做還可以。試左朋友既Green Tea Tropical，一啖就愛上了，入口有淡淡既果香，又有少少甜甜地，真係有啲後悔冇叫茶。
再過多10分鐘，三層架tea set到了。三層架設計簡單又chic。最底層有：黑松露迷你漢堡包，黑松露春卷，蛋沙律open sandwich，黑松露田螺撻，黑松露煙三文魚捲，芒果蟹柳撻。中間個層有：藍莓蛋糕仔，芒果撻，迷你芝士蛋糕，黑松露菌朱古力慕絲蛋糕，朱古力蛋糕。最頂個層有：迷你黑松露Crème brûlée，鬆餅，奶凍，千層酥。我個人就覺得黑松露春卷最好味，應該話係最有黑松露味，所以係最好味。 不過唔知係咪遲左食，已經凍左lu。
黑松露迷你漢堡包，都係已經凍左，而且有啲嚡，只屬一般。
蛋沙律open sandwich，黑松露味非常淡！而煙三文魚就最揾笨，兩件撘埋一齊，而黑松露就得上面個件既一丁點，兩個人點分呢？
黑松露田螺撻，黑松露芒果蟹柳撻算唔錯，幾好味。到第二層，甜點篇！芒果撻，迷你芝士蛋糕同藍莓蛋糕仔都係一般，冇咩特別。
黑松露菌朱古力慕絲蛋糕，朱古力幾濃，慕絲夠滑，不過黑松露味同朱古力味唔多夾，甚至係有啲怪。
朱古力蛋糕好味，朱古力味夠濃！第三層，迷你黑松露Crème brûlée，有啲黑松露味，但係又唔怪，夠香滑，好味。
鬆餅就一般，千層酥夠脆夠酥，唔錯！
奶凍，好似放暖左既yogurt，超難食！ 我地食左一啖之後就冇再食過lu。

總括黎講，個tea set 只屬一般。當然每人百幾二百蚊，唔會其待啲野食會有非常濃既黑松露味，但係有好多件都真係唔覺有任何既黑松露味。

 
同朋友食完飯之後，諗住去食甜品，上openrice search 下有咩好介紹。
見到lee間，諗起之前有個同事激讚佢地啲cupcake，所以決定去試。
點知去到冇位，所以決定散水，買番屋企食。
食落夠滑，好多雲呢拿籽，非常香！好味！

聽講lee間好出名，所以好早就book左檯。
放左工就同朋友行過去。由修頓行過去，如果冇地圖都唔易去。行為到去門口，就見到個Menu牌，好似幾吸引。
可能太早去到，入面一個客都冇。坐定之後見到Menu 殘殘舊舊，唔多討好。
見個Menu寫住lunch noodle set，其實覺得怪，冇理由六點幾都仲係用lunch menu。
不過啲員工又冇俾第二個menu，所以就照叫。
最後兩個朋友決定要48小時慢煮牛仔骨。
本來我都想試牛仔骨，不過冇理由三個人都食同一樣野，所以最後要紅酒羊排。
等左成十幾分鐘，其中一個員工話啲牛仔骨有問題，叫我地轉第二樣。
咁所以就叫左燒豬豚肉同埋梅子鴨肶。個老火湯都唔錯，算幾好飲！分子撈麵係主打，可能期望太大，食落只係一般，唔係太特別。
麻油泡沫似係gimmick多啲⋯⋯麵質有啲似日本拉麵，只屬ok。紅酒羊排唔錯，個汁就冇咩紅酒味⋯⋯不過勝在啲肉夠羶！燒豬豚肉，都係冇咩特別，啲蔥油冇咩味。
香係好香，不過真係冇咩特別囉！梅子鴨肶，啲肉夠稔，冇鴨既羶味。
大家一致認同係最好味。雖然要等二十分鐘，都值得既！

今日同班舊同學聚舊，我地簡左日航既Café serena，因為交通都幾方便

，而且食自助餐可以食幾多都得又多選擇，可以符合哂大家既口味。

今期既主題係黑松露
鐵板燒既黑松露牛肝菌黑豚豬同黑松露雞脾菰炒牛肉眼粒好香，整得啱啱好，唔會話好鞋。

個度仲有廚師即場煮意粉同 risotto，我就冇試喇，不過同學話唔錯。

聽講會有師父即場劏魚，等我下次黎親身睇下先。

天婦羅以炸蝦天婦羅最好食，係我既favourite

冷盤有青口，大蝦，刺身，沙律，冷麵等等；都幾多選擇下。
魚生都幾新鮮而且唔係切薄, 都算幾厚

凍飲唔係果汁or汽水，而係沙冰，其他酒店都應該冇。

Overall都幾好，會再黎食！