荳芽 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2021-06-11
臨時訂位,仲要訂綠委,竟然有位,可能因為係平日嘅關係啦😝 預早打電話去問清楚,發現外帶蛋糕都唔需要比切餅費,不過最後因為唔夠時間,所以都係喺餐廳直接order cake算數,但係估唔到有意外驚喜,餐廳為壽星仔老爺畫咗幅好靚嘅圖畫,大家見到都好開心 老爺奶奶好滿意餐廳,覺得啲嘢好好食,老爺話奶奶生日再嚟,我個女更加全晚讚不絕口,又讚餐廳環境靚,又讚食物好食,不過我自己就覺得餐廳細咗啲,有啲迫嘅感覺 第二日爺爺正日生日,佢竟然帶奶奶兩個人嚟食多一次,果然好鍾意呢間餐廳😊😊
評分: 味道 5 環境 5 服務 5 衛生 5 抵食 5
2017-06-16
諗唔到食乜好又覺得好肚餓, 見到呢個餐廳, 諗住簡簡單單食一餐, 台灣野唔會差得去邊就入去坐低左, 點知... 坐低之後揀左個好common既茄子肉燥飯, 仲加左$4叫杯野飲, 個飯表面睇無乜野, 食落發現個飯無乜汁, 乾啃啃, 僅餘既汁食得出唔係正宗肉燥汁, 唔啱味! 啲茄子皮又硬到成張紙咁, 完全吞唔到落肚, 響元朗食一個咁既午餐, $52, 值唔值, 見仁見智喇!
評分: 味道 1 環境 3 服務 3 衛生 4 抵食 2
2017-02-27
週末出街食又唔知食乜好, 周圍行, 行行下就行到呢度, 見到無人等位但都9成滿座, 斷估都唔會好差, 所以就坐低試下 點左碟香茅豬扒飯, 豬扒薄身, 算'林', 略咸, 應該有同香茅煮法有關, 白飯好白, 幾十蚊食一碟白飯加塊大啲既豬扒我覺得好唔抵, 但同行者話「你一定好少出街食, 而家係咁架啦」, 如果好好味, 我覺得還可以既, 但...連無期望都失望... 我其實成日都出街食LUNCH架, 但差唔多既價錢, 中環都食得豐富過佢! 題外話/補充資料: 唔會再黎食唔係因為非常難食, 不過因為呢個商場咁多野食, 而呢間食肆又唔係特別好食, 所以唔會再花時間同金錢黎食啫!
評分: 味道 3 環境 4 服務 4 衛生 4 抵食 2
2015-05-04
今日荳芽約左至愛去尖沙咀食飯, 但唔知食乜好, 於是上OPENRICE搵下啦, 就比我搵到好啱荳芽既泰斗, 訂好枱, 滿心歡喜, 點知至愛要加班, 結果要打電話去改8點9, 個店員好好, 唔但只幫我改, 仲特別提我, 原來佢預留左一張響室外露台既枱比我, 如果遲過8點9就怕留唔到。 最後都準時去到, 但原來室外枱好多人食煙, 所以最後我地都坐番室內。 室內環境好舒適,係我最愛既光線陰暗餐廳風格。 我地點左一個泰式炒金邊粉, 味道剛好, 有好多隻蝦
評分: 味道 3 環境 4 服務 4 衛生 4 抵食 4
|