夜晚想食海鮮餐，睇網上影片同食評，覺得呢間好似幾抵食，所以就去咗啦 去到大概7:30 ，人流唔算多，一望個菜單個價錢就見同網上睇嘅有啲唔一樣。 但都入咗去，唯有照叫。 揀咗個最平嘅二人餐，就要788 。 六小福揀咗海蜇絲同埋粉腸，係幾有口感，但味道偏淡，要靠另外上嘅辣椒豉油先夠味。 湯揀咗杏汁菜膽豬肺湯（無影相），一飲都覺得幾足料，入面都有兩舊肺食下，湯味濃 之後鮑魚每人一舊，都幾韌，我完全咬唔開，要問職員借鉸剪剪開佢豆豉太多，完全蓋過咗個鮑魚嘅鮮味 元貝都係每人一隻，蒜味較重，元貝唔係好大隻，靠啲粉絲充撐場面。 杉斑揀左清蒸，都幾大條，但感覺為咗令入面都熟而令外面有啲蒸過龍 金沙蝦球每人一舊，d咸蛋黃有味但只響外面，入面舊蝦係無味，整體偏淡 甜品（無影）綠豆沙每人一碗，味道正常，係d 臭草多咗啲 埋單計埋茶錢（$15一個）同茶芥（$16）仲有加一要$917，我相信呢個價錢可以食到更加好嘅嘢。

之前響新田已經食過一次,今次父親節,當然帶老人家食好西價錢牌


無HARD-SELL
6月期間有父親節優惠👇
1）85折優惠（只限星期五、六、日及公眾假期）
2）免費贈送即開生猛海鮮（任食）
3）免費贈送大大大鮑魚一隻（每人）
4）免費贈送日本宮崎縣A5和牛一份（每枱）

所以折左之後更抵食牙

一入到去等職員帶位,會先量體溫+蒸氣消毒+用酒精洗手
入到去未食過嘅職員會講一次
仲會每人送鮑魚一隻+日本宮崎縣A5和牛一份
職員好好,見我地就咁連殼隊上去燒,就教埋我地點整+整埋

之後就緊係自己夾蝦+拿野食啦
上面個D係任夾架,  推介雞翼+厚切豬頸肉,燒完好JUICY 


同之前新田唔同, 有3款海鮮任夾
海鮮好快比人夾晒,但職員都即時Refill
(大致都OK,係有D 有沙)

其他野無影,大致有冬蔭公湯+關冬煮+烏冬
前菜有鳳爪+ 迷你"魷魚"???
一堆炸物(包括榴槤波波)
甜品有雪糕、西瓜、 Donut、泡芙、迷你心太軟+迷你葡撻+椰汁西米糕
飲品以罐裝+紙盒為主,不過有清熱嘅顆粒沖劑,烏龍茶, 咖啡機+ 一堆花茶
同埋如果各位怕麻煩,可以ORDER 一碟蝦, 剪晒野+ 加埋鹽(但有幾隻唔新鮮)


另外, 老闆話逢節日都有抽獎,個日抽三個人有龍蝦

可惜我抽唔中 

總括黎講,
食物OK
服務OK
油煙較大
節日有折+活動

所以...都係等有活動黎就更開心

原本想去附近ge古早x ，但見好多人排，就過左黎 都等左半個鐘先有，因為佢大部分半個鐘或以上先有一轉（或兩轉相隔5分鐘）一轉只得十件，咩味就睇運氣，每次每人只限買一件，買多件就再排。簡單講，每次最多招呼20人...... 買左個芝士味（$75） 岩岩出爐ge野點都好食 芝士有拉絲，但唔多，芝士味唔濃，蛋糕味都淡，得dd蛋味 其實我覺得同tst執左ge占師x味，佢味道更淡... 只可以講：試一次夠了.......

知道呢間野開左一排，但好少去聯和噓 今日見經開附近，就諗住試下。 睇開近排d食評，都唔太正面，話味道+服務差，心諗：死啦，去唔去好 本住冒險精神，死就死啦 （不過都即刻上網睇點落單個d) 6點多d入去，得dd人 門口有個姐姐問幾位再安排入座 佢會問我地係咪第一次黎 答係就解釋比我聽點落單，飲品個d響邊 不過暫時無得用機落單，用手寫(其實我想禁下機） 選擇一張紙睇晒 我地揀左蜜糖雞扒同龍脷柳餐 包左飯， 任加ge菜兩款同湯+飲品（呢日係紅茶+水，紅茶係台灣個種甜ge紅茶，湯就偏淡ge麵豉湯） 落左單就即時比錢 首先菜黎先，係芽菜同椰菜，我個位睇住佢一大堆咁炒，椰菜加好多蒜蓉+牛油，芽菜就蔥+鹽） 其中椰菜味道偏濃 ，好出ge牛油蒜蓉味，睇住佢炒，係好味，但...會好肥 九層塔芝士蛋 每舊都有九層塔+芝士，每舊有d單薄（我以為係蛋卷咁） 價錢如果同套餐比有d貴 蜜汁雞扒 雞扒煎左再加蜜糖汁同洋蔥炒，味道甜甜的 龍脷柳 無雪味，魚味一般，份量偏小，會比上面d類似五香粉+燒汁遮蓋，魚肉唔鬆散，味道都Ok (我指個汁） 食完之口成口都有陣味 （蒜蓉牛油），同都會想飲多d水 油煙唔重 但有漏單錯單出現 （雖然員工會say sorry,但我地食一個鐘，都見出現左幾次） 另外，建議餐廳飯方面可以問客人要幾多飯，裝一大碗我都食唔晒，有d浪費，我見隔離有人剩半碗 不過，我都會再番去食

見到呢間新開，又話係泰國，台灣都有店鋪 當然要試下啦 bk左7點半，人數唔算多 坐低旁邊就有個蝦缸，任夾，夾到無可以要求職員加蝦，蝦有d好生猛，會彈走燒完仲好彈牙 之後職員會介紹d蝦點食 夾起—-》冰鎮—-〉將蝦響d鹽到轆-》燒 跟住就收錢 （提前三日bk位有85折架） 其他野食就出去拿 選擇唔太多，一大個雪櫃 for 涷肉+蔬菜+丸 每種類別大概4-5 款 炸物得4款，涷盤有 3款 有爆谷，冬蔭公湯 雪糕 甜品有6款 佢地會有海鮮逐張枱分發比客人（係藝人黎） 今日‘分發’ ge海鮮包括蠔，蜆+帶子 原本都食得ok,但都8:30 開始多人之後食物就re-fill 唔切同愈食愈大煙，感覺個抽風系統無抽到風。 成個場都煙霧彌漫，全身都燒烤味。 如果喜歡食蝦，相信呢到好岩你😬

見到7月期間有$38酸菜魚，所以專登去 之前番大陸食過好味ge酸菜魚當然都希望響香港食到啦，點知失望而回 8點幾去到，排隊等位，等左半個鐘就有位 冷氣超大 叫左野食之後要問先比壺茶 等左15分鐘先有前菜，我要強調，每碟野上碟都會起碼隔15分鐘。簡單d講，即係永遠只得一碟野食咁 雞絲粉皮 份量頗細，要大概$5x , 味道無咩特別，就係麻醬味 炸饅頭 幾熱幾脆 味道靠煉奶....佢地人手‘枝’落碟，份量可以多d 失望到爆ge酸菜魚 成兜‘湯’只有酸菜個d酸味，d魚‘梅’+無味，感覺似 鯰魚柳，底下一堆芽菜 我明$38 唔可以要求太高，但如果呢個$38係想吸引人黎試呢間餐廳，我相信試完一次就無人番黎 全餐最好味ge紅燒茄子 除左茄子，仲有菇，筍，豬肉 味道似上海粗炒個隻味 除左上菜慢，冷氣太大亦令d餸涷得好快... 有加一，白飯都$15 茶又$10 位 兩個人食左$240，仲要我當日唔餓 其實香港都有好多上海菜 唔需要專登去。 更唔好為酸菜魚去

友人bk左1點，話唔可以早到 晏晝只有飯+意粉叫，無包 去到...又唔同 我早到入左去 同埋晏晝得brunch +三文治，無飯無意粉 一入到去，好大陣油煙味 我坐最遠ge枱，但全程都比煙薰 除左全身都油煙味，連眼都薰到唔多舒服 同朋友share 幾樣野 落單後話要等40分鐘 最後都等左30分鐘先齊野食 同埋佢d野食/飲品一整好就叫+唔係同一時間，搞到我地不斷行來行去 三個brunch d組合實在太似，蛋捲= 芝士炒蛋 其他配料全部響旁邊 菇上面個醋完全唔match 青醬無我想像ge creamy ，雞比較油 （係佢落得多油） 其他普通，係蝦相對地夾 個包隔離d薯片極似珍珍 其他唔覺有咩特別 極苦ge抺茶，無奶味，估計落左勁多粉 當日昔昔，上面堆朱古力粒會搶左下面smoothie d味，唔多夾 smoothie 偏淡，食唔到咩味較出 （除左朱古力粒+上面好酸ge莓） 綜合黎講，如果d抽風無搞番好，我估我唔再黎

晚飯想食得浪漫d，知道間餐廳係周慧敏開。睇相裝修一流，亦可以舉辦wedding party, 當然要試下啦。 原以為好多人，但去到得兩枱人。位置響廟街附近ge酒店入面，可能去得廟街都未必揀呢到 入到去得一個staff serve人同一個人‘埋數’ 除左叫野個次最易搵到staff,之後就考運氣.. 佢可以唔見左/ 響水吧背住人客/篤緊電話 叫左一個set dinner + 小食 唔知咩湯， 得個咸味 蒜蓉包不得了，硬到要扯..先食到 三文魚配素菜餅：份量超級少ge主菜 三文魚上有層甜到令我懷疑人生ge醬 個醬完全掩蓋晒三文魚ge味，食到一半已經覺得入唔到口 下面塊薄到唔薄ge素菜餅味道一般 脆燒粟米：唔知脆響邊...我覺得佢係焗到乾，88蚊得幾舊，半條粟米都用唔到，上面灑左堆類似七味粉ge野，完全唔物超所值 焗肉醬墨西哥片：與其話焗，不如話響墨西哥片上面淋d醬多d..:上面個酸忌廉唔知有咩用，肉醬係快餐店質素，但肉醬太少，慶幸墨西哥片係脆ge 水牛城雞翼：88得5隻，又係好唔抵 完全食唔到平日個種水牛城味，得d好淡ge甜味，雞翼覺得係急涷ge，有陣雪+梅ge感覺 加15蚊先有ge甜品 ，new york cheese cake ， 味道一般，少少芝士味 綜合黎講，我去廟街都係食煲仔飯算

難得平日早放，諗起茶湯會每日限時（官方寫2-5 pm)又限量ge 爆漿吐司,當然要試下啦 原來除左珍奶，仲有吞拿魚 單份$31 ，買飲品就加$25 ，size 係一般吐司size 見職員係即製，拿上手係熱ge 佢地會用個類似三文治袋ge野裝住（出面係紙，入面有層膠膜，有兩邊開口，比個時有貼紙貼住），仲有一隻匙。一開頭品明點解有匙，但後來就明（下面分解） 咬左幾啖就好似上圖咁 珍珠好有咬口，雖然個包熱，但珍珠唔會淋晒少少黑糖味 奶茶味= 0 除左黑糖，我淨食到牛油味 喂牙，珍奶個奶呢 食到中間d珍珠開始‘跌’出黎，所以要用匙‘筆’走，但....就咁食就好淡，無咩特別。 綜合黎講，$31 可以有更多下午茶選擇

放假落雨無咩做，都係搵個地方tea下 去葵廣shopping前，緊係睇下自己bkmark左咩葵青區cafe la 見到呢間cafe 52 環境幾好 又有堆兔仔 relax一流牙 間野唔算就腳 附近無mtr+停車場 所以我地都行左陣先到 餐廳分室內+外位 入面d牆有好多兔仔，如果合照向牆一定會影到隻 由於行得太耐有d熱，所以直接衝左入室內 當時得一兩枱人 去到3點幾 下午茶時間 星期六都仲有下午茶（好多都得散叫） 價錢都相宜 叫左個吉列豬扒三文治（韓式汁）拼薯條同常餐配多士 薯條無咩特別 豬扒包份量唔算大 入面除左豬扒仲有d菜 豬扒我男友話似麥樂雞 韓式汁指ge係甜辣醬 對食開譚仔十小辣ge我黎講都可以接受 特別ge係除左包面有芝士，d汁上面仲有d芝士，感覺芝士味突出 常餐配多士 可以揀長通粉/意粉 蕃茄湯/豬骨湯 配料可揀兩款 唔記得影低 我揀左火腿+菇 味道不過不失 飲品 跟餐（涷飲+5） 朱古力咖啡 咖啡味突出，整杯味道偏苦 綠茶牛奶 （跟餐+0） 唔係綠茶控ge我，飲到綠茶ge甘，但仲可以接受 相信綠茶控ge人會覺得偏淡。 各位經過都可以chill下牙