味道不錯，服務也不錯。 日後都會多多幫襯。不過肉稍為肥一點，如果有A4 和牛選擇就更好。食物方面希望多一點款式，如廣島蠔等海產，畢竟只有肉類作燒烤比較單調。 街坊又多一個選擇

今日係周年紀念, 又想食蠔, 發覺沙田區冇乜同類有得食蠔既CAFE, 於是就試下依間比較偏遠既地方試下.

大圍坐架的士, 唔使跳錶, 第一次去就最好坐的士去. 去到見到間餐廳比想像中細, 唔怪得要一早BOOK 位啦.

一早預左食乜, 所以好快就上野食.

一黎就黎上冷盤, 6隻生蠔, 兩隻半邊龍蝦, 兩隻翡翠螺; 生蠔好細隻, 龍蝦冇味, 肉身唔爽, 有D 梅既感覺, 反而螺肉好甜, 好味.湯一個係龍蝦湯, 一個係黑松露野菌湯, 龍蝦湯好味D, 黑松露湯同普通白菌湯差不多.主菜選左保雲蘇羊架同南非 28 日熟成西冷扒

羊架夠蘇, 好味, 不過有半份都係肥膏, 扣分.西冷扒個味好濃好香, 不過熟左D.甜品有和果子同我喜愛既焦糖布丁. 和果子幾好味, 焦糖布丁個面唔夠脆, 燶既地方苦.最衰間店太偏遠, 同正價偏貴(團購價錢OK), 否則都係食晚飯既好去處.

之前飲過茶, 都唔算差, 不過比之前既酒樓貴左.
上網又見到其他人讚屯門既總店好好味, 又有食神讚過好食, 於是就試下好唔好食.

之前試過BOOK左台都要等, 都唔知咩叫BOOK台.... 最後去左隔離叉X大王食...
今晚見少左人, 終於去試一試..結果大失所望.

1. 燒乳豬.......隻豬勁肥, 肥膏勁厚. 雖然皮都幾脆, 但發覺平時去飲個D好食D, 而且190蚊半隻, 勁唔值!!!!失敗

2. 蓮藕餅.......食落一D蓮藕都食唔到, 食到成口豬肉, 如果個菜叫煎肉餅同你鐘意食肉既話都叫OK.....但如果叫蓮藕餅就唔合格.失敗

3.黃金蝦.......比起其他食肆(如家傳滬曉), 差得好遠.....蝦又細隻, D肉又梅, 咸蛋黃又唔香.....勁失敗

4.竹笙荳苗......普通, 不過不失.
5. 咕嚕肉...普通, 不過不失

6. 豬大腸.....皮唔脆, 唔香, 失敗. 紅X蟻好食好多.

7. 薑蔥焗蠔......壕勁細隻, 食落有渣, 失敗

8. 豬肺湯......清到冇味, 唯有好處係冇油, 當水飲.

依佢依個價錢, O係附近有好多選擇(不過強X都係麻麻地), 完全唔值. 客人多, 但WAITER又好少, 叫極都冇人招待....
所謂食家點解可以咁都讚好???

仲有我見到隔離台食剩好多野, 連佢地既招牌菜烏頭魚食左一半就唔食...可想而知.

其實我好想佢做好D, 生意好D, 咁我可以多D地方選擇食飯, 希望佢地盡快改善....