gemini_moffatts 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2019-03-01
我諗永年士多係好多元朗人年少的回憶,中學時代一定會黎食過。永年士多的車仔麵最出名就係佢既辣,我以前細個唔食辣但點左個小辣黎試都辣到我傻。大個左之後好耐無食永年,今次算佢重新裝修後我第一次黎食。 我點左豬腸、雞翼尖、豬紅同蘿蔔,當然點左小辣再挑戰下。豬紅同蘿蔔勁好味,滷得勁入味而且蘿蔔無渣仲有甜味。 配上小辣成個車仔麵勁惹味,唔會剩係死辣而係香辣,咁耐無食果然水準仲keep到。而且宜家大個食得辣仲覺得好味左~~ 更多更新美食資訊,到我IG睇睇:gemini_moffatts 推介美食: 車仔麵, 蘿蔔, 豬紅
評分: 味道 4 環境 3 服務 3 衛生 4 抵食 4
2019-03-01
睇到元朗竟然有泰國船麵食,當然要去試下。 店內裝潢都幾有新派泰國感覺,好多牆上繪圖,感覺好有活力。 船麵有三款選擇,牛肉、豬肉同雞肉。唔食船麵的話,仲有冬蔭功湯麵的選擇~~佢麵類選擇有米粉、金邊粉、河粉同粉絲,最搞笑係有泰國米飯🍚的選擇,即係變成湯飯~~ 我最後點左牛肉船河,佢既河粉好得意,同我地平時食既河粉好唔同,好似蒸腸粉攤開咁闊,食落去質感好滑。 配菜有牛丸、牛腩、油渣條同通菜,湯底算係幾普通的牛骨湯而且有點太甜,而且同我平時食開的船麵湯底相比無咁濃郁而且香料味不夠重。 味道唔係唔好食,只係唔算好正宗的船麵。
評分: 味道 3 環境 3 服務 3 衛生 4 抵食 3
2019-02-28
SHAKE SHACK係香港開左咁耐,一直都聽好多朋友話好好食,但都一直無機會試,而且怕新開業勁長人龍有排等。 隔左咁耐,諗住熱潮應該退左,而且我選擇下午兩點左右黎,諗住無咁多人。 但我錯了,人多到簡直係以人山人海黎形容,但雖然多人但都唔算等好耐,排左10分鐘隊買野食,搵位堂食都搵左一段時間,順便等野食出餐,前後花左廿幾分鐘啦~~ 我地點左Double Smoke ($84) 、Shack Stack ($86)、Cheese Fries ($36)同一大一細 Lemonade(S $24、L$32),價值黎講以中環IFC地段,算係咁啦~~而且又話晒係美國好出名的漢堡連鎖店。 推介美食: Shack Stack
評分: 味道 4 環境 3 服務 3 衛生 4 抵食 3
2019-02-28
睇到網上介紹呢間隱身屯門既中日式居酒屋,環境睇落唔錯,而且泊車都好方便,所以就去一試。 呢間居酒屋地方細細,但成間餐廳佈置都好有味道好CHILL,而且餐廳員工同店主都好NICE &FRIENDLY,成個感覺好RELAX。 每樣食物水準都好好,但價錢就唔太便宜,似尖沙咀居酒屋價位,但整體都物有所值。 粟米沙律–網上好多人都推薦呢款,好得意,係原個粟米切件再拌特製沙律醬汁,味道不錯甜甜地幾開胃。 燒一口日本甜薯 - 味道不錯,但相較其他菜式略為普通。 推介美食: 燒貴妃蚌, 燒茄子, 白鱔煲仔飯
評分: 味道 4 環境 5 服務 5 衛生 5 抵食 3
2019-02-28
間唔中都會開車去錦田天空之城食野,之前都知新開左間越南餐廳,但一直未去試, 咁岩新年有朋友入黎搵我,咁就帶佢地去一齊試下。 餐廳位置唔多位,大概8-10張檯,所以都要等一陣先有位。 睇睇餐牌,好似泰國菜多過越南菜,但價錢好抵食,而且份量都多,我地點左鹽燒盲曹、泰式鳳爪、炸蝦餅、馬拉盞炒椰菜苗、秘製冬蔭功海鮮湯、海鮮炒粉絲,仲要每人一個椰青,都5百幾蚊咋。 成晚最驚艷係條鹽燒盲曹,肉質勁滑勁鮮甜,而且燒烤火喉岩岩好,條魚仲要勁大條,好味到將成條魚迅間清晒。 其他菜式水準都OK,都好好味,四人都係食左5百幾蚊,真係好抵好滿足! 推介美食: 鹽燒盲曹
評分: 味道 4 環境 3 服務 4 衛生 4 抵食 4
|