買蒸飯加燒賣，再加炸蝦角同韮菜煎餃，加埋$59，明明收左我一百，點知到問找錢話我俾五十，應該係廚師個師傅仔手快袋起左左張一百入返廚房，個筒入而冇一百蚊紙，死都話冇收過…但收錢時又冇人同我講差$9....蝦我一個女人仔！雖則聽日十一好大機會開唔到舖做生意，但都唔係咁呃人錢，好嬲！ 食物質素：排骨鳳爪飯正常；但燒賣死實實；蝦角應該炸起冇耐，脆同味道都OK；韮菜煎餃其實非常薄身，有其他點心舖咁飽滿。 總之我以後都唔會幫襯！

星期二晚6點半未夠入座, 4人3細坐到圓檯 ~

冇叫餐, 全部散叫~

見到價錢唔貴, 都叫得好盡情, 想食就叫, 都黎得快! 雖然職員冇好勤力加茶, 不過大家都每人叫左杯野飲, 所以都ok~

叫咁多野都只係$600埋單, 我覺得非常不錯~

冇諗住會寫食評, 所以其實冇認真記低餸名, 大家睇圖判斷啦~

第一次幫襯, 入去前打算叫二人餐, 不過入到去睇真D, 仲有好多其他選擇~

最後叫左海南雞飯餐同炒金邊粉餐, 再加咸蛋黃尤魚~

先黎海南雞飯, 嘩! 好大碟, 雞好多同仲要有脾位, 真係好彩~ 油飯有少少椰香, 雞都滑, 不過係切得唔好, 好多件都未切斷既!

炒金邊粉就不過不失, 下次可以試其他野!

咸蛋黃尤魚係今晚最貴既, 單一碟都要 $68, d咸蛋黃同平時既唔太一樣, 濕既同淋既? 不過整體我係鍾意食既, 尤魚都唔算少, 同埋唔會好硬好難咬開~

跟餐叫左唔駛加錢既凍檸蜜, 唔錯, 唔會淡到水咁! 

埋單 $174, 以四十幾蚊一個餐既價錢黎睇, 咁大份非常抵食! 會再試!

呢個飯有肉燥, 有2隻炸雞翼, 1舊鹵豆腐, 半隻蛋, 分量唔少, 只係$40, 肉燥偏甜, 送飯幾好!呢碗麵已經係最貴既一款麵, 都只係$55, 足料! 老公話麵質都好, 湯夠濃! 牛根, 牛肉, 牛肚全部都正常好食~$30 炸尤魚鬚, 食得出係即炸, 唔會乾爭爭, 好食!! 分量還足夠2個人分既~

$15 黃瓜都幾好, 個汁有輕微既辣, 幾開胃!

熱飲加$5, 凍飲加$6, 薑茶唔夠薑.... 另一杯就似現成雪梨茶~

一行九大兩細，book左7:30，唔係團購，準時到，見到超多人，好彩等左5分鐘到就有位! good~

每人既位置唔算迫，不過每檯既距離就窄，同行既小朋友一個三歲幾收$108，一個收$68，冇bb櫈，所以三歲幾既都唔夠高，要摺起d褸俾小朋友坐先好少少~

樂意收order紙，不過唔代表入得齊，甩單情況嚴重，數量亦都唔足，羊架肯定係寫7俾得4，唔夠數我地又入單，番單等好耐，應該有成十分鐘中段時間係檯面全清，有食物係點極都冇（最經典既係我地坐底未入紙，有3條腸仔拎黎，應該係上手落既order，照叫佢放底，食左，好食，之後點入紙都冇再見過！）所以等既階段可能係會等極都等唔到架~ 到埋單吹我地走，先叫到廚房整到d出黎，但又好快十五分鐘都未夠就未食晒到拎走執檯要我地離座，好浪費既感覺。

刺身基本上係唔錯，會有冰底同假花，不過其實支假花幾阻住，唔可以四方八面一齊夾~

三文魚、吞拿、立魚、油甘魚、蛋呢d就都大件，但去到象拔蚌、貝柱、螺片呢D就好唔掂，碎上到呢....塊塊都細到得1~2cm咁，又俾唔足，寫20，黎到呢3樣野次次都一堆仔，都唔夠兩個人食，我試過只係入一張紙得呢3樣野，佢冇上俾我，可能冇咁細隻冰碟？

熟食方面：

芝麻雞翼、烤菠蘿、天婦羅、牛柳粒、羊架都幾好食，鍋就入幾次單先得1個，有兩塊好長既肥牛，個冬蔭公湯底幾好架~ 

差既應該係焗青口入面冇青口，得D醬，唔通係真係細粒到食唔到？燒脾姑咸左少少；椰汁燉蛋，好甜好漏。

凍既有雀巢雪糕，如果可以坐耐少少，可以食多杯既，不過真係冇咁既機會！

(1) 蛋白帶子炒飯, 帶子粒數量非常足夠, 不過飯整體偏淡~
(2) 淮山茄子, 雖然係素, 不過夠味, 唔錯~
(3) 銀鱈魚扒, 雖然係$168/6塊仔, 不過真係整得好食~ 食米都食價既, 本身銀鱈魚都唔平啦~
(4) 西蘭花炒豚肉, 呢樣麻麻, 肉好難咬得開~

與舊同事相約晚飯, 同事雖然住呢區不過都未食過~

估唔到一試兩個都非常滿意~

order 左法式牛油雞翼, 馬拉棧蝦仁炒飯 同 牛肉生菜包.

牛油雞翼有蒜味好香,蝦仁炒飯都似返越式, 唔會食落同普通炒飯一樣味, 最緊要係都幾大碟~
生菜包就同我預期不一樣, 我以為材料會已切碎(其實係中式先會???)
有八塊生菜+已調味既蘿蔔絲同粉絲, 主要既牛肉非常夠味, 包落好好食~

兩個人叫3樣野都夠飽, 唔駛加一百三蚊埋單, 覺得抵呀!

呢一座入面有2間任食邊爐，我兩間都未食過，係樓下打上去分別問價錢，呢間平少少，我就求求其揀左呢間~

七點半上到岩岩坐到眼見既最後一張吉檯, 唔駛等位, good~ (八點前埋單平廿蚊, 所以到八點會多返D檯)

打邊爐既料選擇唔多, 都係大路野, 黎既分量ok, 2個人就俾4粒, 會幾樣野放埋一碟, 唔駛放到一檯都係又樣樣多到死...

最開心既係有點心, 蝦餃燒賣牛肉排骨鳳爪....... 我覺得質素唔錯, 有翻叫, 又真係即蒸, 好味!

其實都仲有D熱食放係出面任拎, 不過老公睇完唔吸引拎好少, 所以冇乜食過~

講返服務, 呢到既阿姐全部都服務態度ok, 手腳夠快! 又會換下碟~

而家D野咁貴, 因為有埋點心, 所以埋單百五蚊一個人我覺得係抵既!

大約一年幫襯一次, 因為兩個人都唔會揀去打冷, 都係等遠道回香港既朋友先會一齊去食~

星期日晚, 8點, 7個人, 要坐出門lu, 好彩天氣都唔太熱~

只係叫左8樣野, 其實唔太飽, 不過 $80既凍蟹真係好食~

豪仔粥好香, 不過就有沙.......

值得講既唔多, 不過勝在夠平!

今日男友生日，一心食餐浪漫既晚餐，點知唔記得左睇天氣，潮濕加毛毛雨，最後只得一成視野....

食物就真係唔掂：刺身唔新鮮；熟食入面既蟹仔又唔打裂d殼先，麻煩到唔會再拎第二次，熟食整體味道麻麻；甜品款式少；雪糕得雀巢朱古力同雪呢拿；

全晚我最有意欲會取第二次既食物係：熱豆腐花~

呢一餐其實只值百二蚊到....下次各位去之前記得睇天氣呀~ 如果唔係真係勁蝕！！！