之前知道有間韓國燒肉, 一心來試下個八色豬肉. 昨日星期六諗住試下午市. 2點鐘左右到左但職員話已係last order! 冇得食.... , 轉頭book左今日lunch.
今日12:30到一入去職員就話個爐供氣有問題, 點唔到火....,而家整緊未知有冇得燒....
我地都入去座到1點職員宣佈今日冇得BBQ, 只有SET LUNCH 
一場來到只可食SET .... 當食到咁上下突然有人話 "OKOK" 見到職員試個爐有火喎..
場上客人都好開心可以燒肉. 正當想比單侍應時,佢話老闆怕供氣唔穩定決定今日LUNCH唔做BBQ! 
結果只食個SET LUNCH....

講番野食....睇睇MENU先....依D係食燒肉既小食配菜及醬料.SET LUNCH既小食A 牛胸肉大醬湯 ($53) - 配料都幾多牛肉小左D得幾片 薄片. 個湯濃但咸左D
加 B 雞蛋餅  - 雞蛋比較熟所以唔滑, 但蛋味香濃.A 炆牛肋骨 ($68) - 牛肋骨幾淋, 味道一般, 配菜多但牛肋骨只有4-5粒
加 B 芝士炒年糕 - 年糕唔夠淋, 配芝士唔錯但要快食. 一耐左芝士凍左會一舊舊.餐廳環境幾好, 空間足夠.

紅磡祟潔街一直係食街, 但時時有餐廳轉手, 依間都唔例外. 前身係做火鍋既, 而家由兩位韓國人開韓國料理.

新開張兩日我地就去試試! 我地約6點左右到. 當時只有一檯客. 睇睇個MENU先.....- 個MENU幾靚喎!- 頭一頁就介紹韓兄弟~~- 先來前菜先 kimchi 加 菜 ~~- 調味料 ~ 麻油 ,辣醬,辣椒蒜片 ~~- 叫左個 "精選豬肉套餐A($290)" ~ 生五花腩 + 梅頭肉 + 特級豬頸肉
- 豬肉唔un , 五花腩加芝士更正! 另外因燒過龍燶左但都唔硬!  - 另外加個 "飛魚子飯團生菜包($78)" 
- 好特別! 睇落似打邊爐魚滑!  ... 紫菜+飛魚子撈埋飯用生菜包來食又幾夾! 點小小麻油更正!- 鐵板邊蛋漿 ~ 韓燒既icon , 如果韓燒冇蛋漿始終差d野咁~~- 鐵板邊芝士 ~ 未試過有芝士, 五花腩加芝士真係好鬼正!!! (不過肥+肥= 好肥 ... )

收費
$290+$78 +10% = $405

總結
香港食韓燒平既又唔夠正宗及唔質數麻麻! 正宗d好質數d又幾貴. 韓兄弟價錢唔算平,
但係都有特色, 店主親自幫我地煎肉,  可以再食多次~~

另外有d野希望店主睇到可以改善...
-座位離個爐太近,有時比油彈到手! 
-如果多一個套餐有豬+牛會好d, 可以試晒2樣! 

放假想食下酒店buffet , 上來search下有咩平平地選擇!

見到沙田2+2都唔錯就試下~~星期六午餐時段(12:00~14:30)$308 +10% , openrice有優惠卷75折...計落$262/位! ok啦~~

我地12:45到左, 原來full左到1:00先會有位! 就等左一陣.

先來食個日式先!三文魚刺身 - 幾新鮮都算濃味. 不過有d根!
另外三款壽司普普通通 , 飯比較鬆散!燒西冷 - 叫佢厚切個人覺得好食d, 牛肉淋味重, 配燒汁唔會搶走牛本身味! 剛剛熟有小小血水!正~~
咖哩牛腩 - 咖哩香唔辣, 牛腩夠淋唔多根, 夠入味!
羊肉(唔記得個名) - 個汁濃左d, 羊肉唔"蘇"夠淋!鹵水拼盤 - 入味但肉比較"un"
三杯雞 - 淡味, 雞肉"鞋"唔入味.
牛仔骨 - 唔"un"好濃牛味
古法煮魚 - 用三文魚太過肥. 食落好油
日式鯖魚 - 鯖魚骨太多. 食一件成十幾條.好煩 自肋沙律 - 配料多選擇! 夠新鮮食多轉都得! 蕃茄忌廉湯 - 睇色水會以為龍蝦湯!  飲落香蕃茄味.哈密瓜 - 硬. 未夠熟但幾甜!
西瓜 - 甜, ok啦~~
麵包布甸 - 麻麻地, 口感唔多like!甜品蛋糕 - 唔太甜 ok!係個杯朱古力麻麻地!雪糕係雀巢小杯, 味道選擇唔多!

其實仲有朱古力噴泉,我地冇食到.

整理唔差! 折左後2百幾蚊都算係咁! 可以再來食!

尚點都己食過幾次, 之前只有係沙田舖, 剛剛開新店要試下先!~~- 招牌生煎包($30) ~ 味道唔錯, 包軟肉香! 但個包底比較油...索晒D油比較肥! - 花雕醉雞($64) ~ 花雕酒淡淡地, 雞肉嫩滑...正- 排骨擔擔麵($58) ~ 排骨炸得乾左D,  擔擔麵好濃好夠味!- 香蕉高力豆沙($32) ~ 甜品唔識評...但唔錯唔錯!- 酒釀丸子($24) ~  我既至愛...XDD- 酸辣湯麵($48) ~ 辣就夠辣但酸就差D...要有醋先OK! 

整體上係唔差既. 唔太貴既上海菜! 

收左工返到附近去食個下午茶當午餐~~- 雞扒豬扒意 $37 ~ 香草雞扒幾入味, 豬扒好淋因都拿得幾勁! - 肉醬意粉 $32 ~ 份量係小D, 但味道唔錯, 芝士都幾多幾香!

下午茶價算幾抵食! 有餐茶凍飲要加$2

六丸時時會來食既地方, 今次又我食其他野~~- 三文魚頭鍋($50) ~ 魚頭唔太大件, 份量都唔少, 煎過先入湯煮, 湯比較淡味, 底下仲有雜菜及豆腐!
                             不過冇飯跟, 跟飯好似要加錢~~- 香芒炸蝦卷($28) ~ 特價$28有6件, 吉列蝦好脆唔油膩! 正~~紫芋金栗餅($38) ~ 好香脆唔油膩, 紫芋幾甜加埋栗蓉!正~~鰻魚炒飯($58) ~ 其實次次來都食咁濟! 句講晒~~"正"三文魚刺身($40) ~ 叫滿$100可以用$40叫一客10片, 三文魚新鮮! 睇返上年12月係$28/10件...貴左! >_<

整體水準冇變, KEEP住會成日去! XD 
~~已評過唔想影響分數所以唔比評分~~

本來太太生日想同佢食特別D野, BOOK左依間一上到去坐低2人檯不足1分鐘, 左右立體聲即時開動.

起初都仲頂到, 5分鐘後已經唔想出聲... 未到10分鐘唔食要走... 明明身在泰式餐廳但以為係BAR食野!

個場適宜朋友聚會, 一大班朋友嘈炒下就可以, 如果想二人世界浪漫慶祝就三思~~

今晚唔知食咩, 行左去兆萬望望有咩食, 本來去9樓叫...但要等到9點...餓死啦! 結果落左8樓試下!

到步即有位, 侍應帶位後, 詳細解釋收費及時間. 
原來有一個免鍋及兩客小食送! 請真...食左個鍋都飽左兩三成...
我地選左"人參雞鍋"，另外小食各一款.人參雞鍋 - 雞都幾滑, 個湯就比較甜.好似係叫韓式牛 - 太濃味太咸!焗蠔 - 麻麻地! 個蒜蓉怪怪地, 又咸又有D咖哩味!榮螺刺身 - 鮮甜但"UN"左DD
希靈魚刺身 - 好少用紅色的, 比較特別三文魚刺身 - 新鮮! 雖然唔係好濃都有三文魚鮮味
虎蝦 - 好爽好鮮甜 , 好少有虎蝦食!壽司唔錯係卷物個賣相差D!
其他唔逐樣講...一般都唔差! 係特別D先講依個牛好好食. 甜甜地幾正!結論依間都唔差! 可以再來食! 座位就細左D! 如果可以大D鬆D就好啦~~

之前知有間上海野新開張, 一於去試試~~
中午一點左右到, 已有唔少人等緊!

股務:
等位唔算太耐就有位! 侍應都有禮~

食物:
先來頭盤....
- 自選尚點涼菜 $68 (香煎素鵝、開泮拍青瓜、燻魚、雞絲粉皮)- 香煎素鵝 → 幾香脆，唔太油膩。- 開泮拍青瓜 → 新鮮爽脆，但唔夠酸! 差DD- 燻魚 → 味淡左D汁小左D，魚骨太多，我仲比骨"吉"住條利...- 雞絲粉皮 → 麻醬太少，唔夠味...好淡!- 雙色刈包 (大排刈包) $50/2個 → 豬扒唔乾都OK，不過汁太少!- 雙色刈包 (雞排刈包)  → 雞扒唔乾但淋左唔夠脆, 都係汁太少!- 酸辣湯麵 $48 → 夠辣唔夠酸，麵多但湯太少!- 脆鱔 $64 → 最正依味! 香脆，好似用黑醋黑糖炒，酸甜剛剛好! 好正!- 雙松小籠包 $52 → 黑松露及松茸小籠包，普普通通- 豆沙鍋餅 $28 → 唔油膩，但豆沙太少!- 桂花糖豆腐花 $38 → 香滑! 糖漿唔好落太多. OK! 桂花糖

結論:
整體味道唔似上海菜濃味，比較啖! 賣相唔錯味道有代改善!

收工後夜晚7點左右到左朗豪坊,上到去11樓見有間韓韓館, 就去試食下!

服務:
攞飛等位等左半個鐘左右有位 , 侍應有禮笑容滿面, 落單後D野食都來得好快.

價錢:
因為乜都想試, 我地叫左個"水晶板燒肉套餐" $468 ... 
P.S. 如果用水晶板就冇左鐵板則邊個D免費蒜粒及蛋漿架啦!!!!! 所以我地冇轉水晶板

食物:
~~先來前菜~~一碟泡菜、一碟辣蘿蔔及一碟生菜
- 泡菜 → 普通泡菜味唔太辣...唔識評
- 辣蘿蔔 → 爽口不過好辣 ....
- 生菜 → 新鮮爽脆 ，包住D肉來食好正!鐵板傍既蒜粒、蛋漿及泡菜蛋漿
- 其實冇話好唔好食...普通啦! 係幾得意!

~~主菜~~- 加拿大豬腩肉(散叫$128) → 燒香左後有小小燶好香，肉質爽肉味香濃! - 豬頸肉 (散叫$88) → 好爽唔太肥，係比較幼身唔夠喉! 
- 牛肋肉 (散叫$138) → 唔好燒太熟，un到唔想食!- 石鍋泡菜牛肉飯 (散叫$78) → 都唔差，有飯焦好正!- 海鮮大醬湯 (散叫$78) → 幾好飲，有d似麵豉湯! 唔太咸有海鮮鮮甜味- 海鮮香蔥餅(散叫$88) → 邊位都仲可以，脆脆地野味，但中間位煎未夠! 太淋仲有d野熟咁- 馬格利青瓜沙冰(散叫$29) → 淡淡地冇乜驚喜! 不過都幾清新
- 馬格利柚子沙冰 (散叫$29) →  好濃柚子味，可以一試- 雲尼拿雪糕及柚子雪糕 (散叫$15一個) → 冇乜特別!

結論:
食材唔差但散叫野太貴啦! 郁下都7~80/碟!