回看本人上篇食評已是數月前的, (今天一入來, 見到無厘頭轉了'等級4'? 真係火, 十足十用開A/B/C/D/E/F 轉做5**/5*, 1定5勁啲? 你知我唔知, 完全係無啦啦有個疤咁. ) 無動力寫當然是同一原因: 有睇開的自會明白, 算吧啦! 個APP呢 ... 同其他人一樣當作 Search Engine用的話, 它資料是頗齊全的; 食評o麻~ 自從舊年件'大'事之後, 眾食家應該見到在手機中已放到好次要部份, 所以無謂太認真, 鍾意就寫吓. 我呢類仲肯POST文的人, 期望仍能為部分人提供到'堅'料才會花時間打這篇, 只因相信呢處點都有少許'真'讀者嘅, 就如本人之姨媽姑爹類長輩出街食飯原來也有在此平台找食的...(老人家少用 ig, 用開呢個要再適應新嘢又好一排至得了~) 今篇 '返嚟' 的原因是手痕, 而但見斷斷續續都增了不少'關注'?? 堅?/定流? 就不得至知, 所以偶有食到好嘢, 想俾店家一個GOOD, 加許吓, 呢度始終都係一個平台!
Anyway, 開場白完~
九龍城又有一樣代表性的手信! 一向以來, 有聚會或要送禮, 龍城之友的我會買曲奇四種奏, Tony Wong, Sweet Boutique;
近來至愛肯定是酥妃, 帶盒果撻去gathering 齊齊食, 一打開大家都'嘩-嘩~' 絕不失禮!
'
酥妃' - - - 真是叫人愛恨交纏~ 就在2.14情人節寫這篇送給'她'~
Happy Valentine's Day! 我近期的至愛, 我的
皇后・
酥妃~
話說...每逢農曆年例牌增幾磅都屬慣常事, 今個假期更是不得了, 酥妃一開店吃過一次就走不了...天天心思思要吃! 每天都掙扎: "又來??" 近幾天決定" [隨遇而安]"~ 別誤解, 我的意思是既然想吃就盡情吃, 心癢難擋~ 索性吃到厭就不用再想了, 對嗎?
肥都要頂硬上舉起大拇指的是"招牌酥皮蛋撻",
$10個, 比普通蛋撻Size 大少少, 其實食了好多次了, 為了寫這食評才切開來影一張, 否則, 買返來都立即大大口咬下去, 十秒八秒就KO...皮脆蛋香, 食過就知
酥妃靚蛋撻值得我花半小時寫一篇送給她, 給個大笑面.
個皮有無三百幾層我唔會數, 但在此建議大家如果買後一小時內吃的, 必須要用一隻超大Oversize的碟吃, 唔聽話者...肯定一枱一地都係~
各款果撻: $28, 外型靚到唔捨得放入口, Cream 輕盈好吃入口唔駛驚. (題外話是早排又應某小朋友之要求買了個某大路品牌棉花糖彩虹蛋糕, 吃了幾口真的吃不下去...那堆假cream我食到想吐所以留了七成在碟上, sorry)
近期至愛的 榴槤撻: 榴槤靚, 面頭個cream有淡淡榴槤香而內餡亦非常清香好吃, 3分鐘搞掂!
一試難忘, 每星期都要吃上一兩次, 真是大件事! - 流口水
$ 28
一試難忘, 每星期都要吃上一兩次, 真是大件事! - 流口水
$ 28
又一近期至愛...唔駛多講, 睇睇個皮邊知道功夫耍家!
檸檬撻: 靚到呢~ (少少意見: 放膽啲, 再酸少少會更突出. 唔鍾意酸的客叫佢哋選其他甜撻)
假日下午茶就係咁...好難只買一件, 再講多次我好鬼憎妳呀酥妃, 自從認識了妳, 我充滿了罪惡感,
每日都對妳朝思慕想, 不能自已...
件件都話'愛', 其實"
最愛"的始終是蛋撻! (只不過蛋撻做'膽'拖多兩件啫...花心在食物值得原諒吧)
紫薯酥, 右上角的是芒果鳳梨撻, 酸酸甜甜, 早幾星期的至愛
$ 28
紫薯酥, 右上角的是芒果鳳梨撻, 酸酸甜甜, 早幾星期的至愛
$ 28
這張相是想Show俾大家睇吃酥妃出品是要用一隻這麼大的碟去吃的!
$ 28
這張相是想Show俾大家睇吃酥妃出品是要用一隻這麼大的碟去吃的!
$ 28
服務方面: 無得彈
! "街坊生意"自有八八卦卦的街坊聚住腳, 妳個櫥窗又咁多嘢好食, 正所謂: 唔買都睇吓! 睇完好難忍到手唔幫趁一件半件, 所以間鋪keep住人氣鼎盛! 而笑容滿面的兩位事頭婆, 由新開張到今日咁忙都keep到咁神・采・飛・揚!
好鍾意見到妳哋見到我哋買嘢好enjoy個樣, 人人都咁開心!
由佢地落手落腳但又保持笑面迎人的帶領之下, 員工的面口都好睇啲, 上樑'正'下樑就唔會歪啦! 雖則只是幾十蚊百多元的交易但笑笑口,
大家買得開心, 生意就長做・
長有!
Very Good! 有好多鋪頭忙起上來就當啲客係債仔咁乸口乸面, 最好[快啲'過主']嘅格局, 忙就凌駕一切? 無客咪唔駛忙囉! 學無前後, 唔該睇睇酥妃, 向她學習吓!
店舖方面: 地點方便、 門口又可泊車、 店子新開光猛通透乾淨企理, 全條侯王道最靚的就是Sweet Boutique 和
Beyond The Best 的酥妃 !
做design的應記一功,
櫥窗的display很吸引, 引晒啲腳步過去就必然的了.
除非一開鋪入去, 否則好難影到大合照, 呢張算齊整的了, 通常都賣得八八九九/疏疏落落 :)
除非一開鋪入去, 否則好難影到大合照, 呢張算齊整的了, 通常都賣得八八九九/疏疏落落 :)
好老實講, 已幫趁幾十百來次的我, 每次進去其實好清楚自己是來買什麼的, 但一入到去又繼續沉淪! 眼花撩亂之下無啦啦又買多一兩件的情形已發生很多!!! sorry, honey~ 我真係控制唔到我自己!! 本來晚飯吃到飽一飽, 本來...只打算吃件甜品那只買蛋撻一個吧, 可是見到幸運地還有藍莓凍撻: [老闆娘: 要蛋撻加件果撻唔該!] 哦, 今晚有板栗咸蛋酥? :[蛋撻加件酥唔該!] 近來又有新寵就是榴槤酥同榴槤撻! sorry, 我真係好鬼憎妳呀酥妃! 妳搞到我失控了!!!!!
玩過吓烘焙的人都清楚知道酥皮係好鬼肥, 我亦'戒'了酥皮好幾年, 因為有時買來吃的, 一件都漏得吃不完, 想必有古怪嘢~
如今...簡直是一發不可收拾, 最離譜是我可以一連吃三件酥妃都無那種油膩感??!!! 妳唔係同我講妳'零'油脂吧?? 定係好多其他店家一直都唔知俾咩大家食? anyway, 近月吃下肚的酥妃, 真係唔好同我計數了~ 相信已吃回戒了的Quota...我 無 眼 睇 !
所以近期要逃避妳! 我要兜路行呀!!! 我好慘呀! 好掛住靚靚老闆娘呀! 但佢一對住我笑我就忍唔住入咗去, 佢同我講多兩句, 我出嚟隻手就多咗幾件嘢! 妳唔好再對住我笑喇! 我快要人都癲! 我真係無用!!! (本文起稿到出得, 寫足半過月, 後來睇到雜誌先知她原來是'酒杯敲我個頭', 怪不得咁有熟悉的親切感...好似識佢好耐 --- 佢識我阿水咩?!)
近期行過見到她有男朋友了,
好, "阿堅"~ 加油呀~ 我必定會大大力支持'愛屋及烏'的!!!
---
Beyond the Best: 當之無愧! --- (租了隔鄰 - 前'highfive'的店子準備搞茶檔)
其實寫咁多真是無聊, 兩個字可形容: [
精彩]!
題外話/補充資料
假期建議11:30 - 12:00到, 貨色較齊全, 而且最好諗定要買什麼, 因為稍一遲疑賣光光就要等十多廿分鐘再出爐了.