Big Buns (灣仔)

作為一個打工仔，早餐對我嚟講好重要，早餐決定當日的工作戰鬥力！


當日要開長途會議，作為拼搏前的第一餐，就來一份豐盛嘅早餐-早晨全餐卷（$68）

全日早餐就食得多，全日早餐卷就相對比較少見！卷皮包著炒蛋、煙肉、午餐肉、薯餅..等滿滿的配料~
煎香了的卷皮厚度適中帶點脆口! 一次過一啖將多款配料放入口中，意想不到整個味道很夾，完全沒遺和感! 煙肉的鹹香配上香脆薯餅，鹹鹹甜甜般互相衝擊味蕾，感覺很玄妙~
卷皮包著配料不鬆散，好方便進食!對於忙碌的打工仔嚟講進食方便得來又得到大滿足感，食飽就有滿滿動力工作去～


在沒心情口淡淡的日子就點一份烤芝士三文治配自家製意式肉醬 ($58)，三文治也是即叫即製，新鮮熱辣！

另外加$30可配飲品、餐湯或沙律，當日口淡淡所以叫個番茄濃湯陪襯下~


三文治烤得香口，肉醬惹味，咬到中間還拉得出芝士絲呢! 番茄濃湯味道清新，幾開胃，岩晒口淡淡的日子調整一下心情~

當試完一啖三文治，一啖番茄濃湯後，建議可試下食法二，類似日本的鰻魚飯三吃法!

就是將三文治輕沾番茄濃湯來食，當中肉醬味道又昇華了! 

工作到下午，個人開始無電，又係時叉一叉電，下午茶梗係要整返個西多士!
迷你西多士 ($28) 已切開一舊舊，可以一路行一路食，對於女士黎講幾好，就算食西多都可以保持優雅，哈哈~


個西多士好邪惡，餡料除咗花生醬..仲加咗榛子醬，再淋上煉奶! 面層帶點焦香，咬入去外脆內軟，甜度恰到好處! 令人不自覺一舊接一舊，真係邪惡到一個點，不過我鍾意!
不過要留意嘅係店舖比較細間，主打外賣，堂食得少量座位！所以諗住堂食就可能要等一等位~

Café 100 by The Ritz-Carlton (尖沙咀)

今年因為疲情關係，不宜外遊！就一於係香港來個小旅行，到吃喝玩樂聚於一身的天際100~
一提到天際100，第一時間應該是聯想到景色! 其實除了美景之外，這裡還有美食、玩樂、童年回憶、打卡位!
先說一下美食，好多時係有海景的餐廳食飯，動不動都要千幾二千元，而係
Café 100 by The Ritz-Carlon 就豐儉由人，可以$45單點一杯咖啡，或者好似我咁用大約$400享用三道菜的晚餐(已包天際100成人標準門票)，細味黃昏美景同360 度鳥瞰全香港景色！
日漸黃昏的時候，這裡的景觀真的很醉人！影相打卡一流，會殺掉相機記憶卡不小記憶體～
在美景盡收眼底之際，舌頭也有一番滋味！
三道菜晚餐包括了前菜、主菜、甜品，前菜方面可選餐湯或精選沙律，我們點了二人份，就每款各要一客～
當日的精選餐湯-蘑菇湯很合我心意，菇味香濃濃郁，入口順滑～
吞拿魚沙律的賣相很不錯！當中的吞拿魚表面經輕炙燒，表層帶點微焦內緻，口感有層次！

主菜選了慢煮牛面頰及泰式椰汁紅咖喱雞，味道很不錯～
慢煮牛面頰肉質軟腍，牛味濃郁，入口嫩得來夾雜著豐富膠質，口感很好～
而泰式椰汁紅咖喱雞幾有驚喜！聞起來充滿椰汁香，雞肉保持嫩滑，入口有椰香得來帶點微辣，令人好開胃！平時不沾飯氣的我，也忍不住要送飯食～
窩夫配北海道牛乳雪糕，雪糕奶香味濃，這味道令人好懷念在北海道旅行的時光呢！
套餐還包一杯咖啡或茶！茶類用上TWG 的出品，出名的大吉嶺紅茶和伯爵茶都可以點～
而個人勁力推介泡沫咖啡，賣相同味道俱全！泡沫上加上面花，令人不捨得喝掉呢～
咖啡入口滑順，濃而不苦澀～
拿著咖啡，坐在長椅上，看日落很寫意！而且長椅位置也是一個很好的打卡位～
在享餐前，不妨在Sky 100 觀景台行一圈，360度鳥瞰全香港景色！在這炎熱的天氣下，能在室內輕輕鬆鬆飽覽香港景色，個人覺得很不錯！
除了窗外香港景色吸引之外，當時正舉行的「天際100童心嘉年華」也令我動心！天際100聯同美泰兒（Mattel）玩具香港及澳門獨家代理攜手推出「天際100童心嘉年華」，將一眾玩具好朋友帶到上393米高空，包括芭比（Barbie）、湯瑪士小火車（Thomas and Friends）、風火輪小汽車（Hot Wheels）、各式恐龍模型及桌上遊戲如UNO和Scrabble拼字遊戲等，打造全城最高的人氣玩具試玩區！
當我一看到這芭比場景，不禁令我重拾童心！想起小時候為芭比娃娃扮靚靚，打造夢幻的屋子給她生活！小時候的我也曾幻想著長大後也要有一間這樣的屋子⋯⋯XD
看到這場景勾起不少回憶，也令我拋低了大人的包袱，投進這夢幻角度中~
經此一遊後就發現天際100除了美景之外，這裡還有美食、玩樂打卡位!

榴槤BB (觀塘)

係呢一刻我要唱首「獨自去偷歡」⋯⋯完全暴露年齡XD
當你身邊果個不喜榴槤，而自己是榴槤愛好者時，你就會完全明白我呢一刻既心情！
榴槤BB 推出的榴槤品鑒盤 正好滿足我這情況的人吧！可以係CAFÉ 慢慢品嘗五款榴槤，唔怕擾到家人，也不需擔心份量太多！
榴槤品鑒盤（$150）一碟共有五款馬拉榴槤，每款榴槤各一件榴槤果肉～
五款分別係：D197老樹貓山王、D24山頂 XO、D13金包、名種、D158長柄～
榴槤已由淡至濃味排列，就先由名種開始入手！
❤名種：味道清甜，就像開胃菜般打頭陣讓舌頭慢慢投入榴槤香！也適合初嚐榴槤者一試，淡淡的榴槤清甜易於接受！
❤ D158長柄 ：看起來細細舊，但細舊得來厚肉核細，入口滿有口感，先是大啖咬入厚果肉，再在口中慢化成榴槤蓉，creamy又清甜～
看到核子如手指尾指的前段般長，就知核子多細唷～
❤ D13金包 ：外觀顏色偏向橙黃，易於認別！相比前兩款，這款甜度較高，纖維較少，果肉軟嫩～
❤ D24山頂 XO ：甜而帶回甘，仿似有點酒味，難怪名字中有XO～
❤ D197老樹貓山王 ：五款當中榴槤味最濃郁，口感幼滑，在口中慢慢散發回甘果香，味道層次豐富！
食晒五款正好滿足一人之胃，份量剛好，完全係獨自去偷歡之選！
如果唔夠喉重可以買杯榴槤飲品！榴槤BB CAFÉ 有多款茶品供選購，價錢方面由$14 -$58元不等～
點了杯 貓山王珍珠奶綠（$43），口感香滑順口，帶點榴槤蓉，香甜得來不失茶香，配上煙韌QQ的珍珠，味道口感並存～
這裡設多個座位，可坐在CAFÉ 慢慢品嘗～
堂食之餘又可外帶回家，跟家人朋友分享～
說到外帶回家，這裡還有多款榴槤副產品，例如：貓山王榴槤爆谷、貓山王蛋卷等~
準備離開之時見到這張推廣牌，就決定下次要試榴槤飛餅，這裡確是令人榴槤忘返之地！

樂園 (尖沙咀)

還記得當天放學後匆匆忙忙趕回家，為的是美戰、百變小櫻卡通片...
讓人過了充滿夢幻的童年~
而嘗到這個開心・少女風下午茶..或多或少都勾起唔少兒時回憶~
Tea set 集了 月亮、蝴蝶結、水手服、變身器…等少女風元素，賣相吸引，真係要相機食先~
有幾款咸點及甜點，另包二人份量沙侓及飲品~
第一樣要食先既一定係雪糕，因為會溶..XD 所以影相都要把握時間~
當日的雪糕是抹茶同芒果味，芒果雪糕有點像雪芭口感，酸酸甜甜讓人滿開胃~
芝士焗有機鮮菇，菇菇上佈著滿滿的芝士，芝士帶點微焦，入口滿芝味，不過放涼了..如果熱食應該更好!

當中最吸睛的就是星光翻糖曲奇，製作成水手服、變身器等造型，曲奇入口都幾香脆!
窩夫外層香脆，配上蜂蜜及藍莓，味道清新~
士多啤梨玫瑰，將士多啤梨切成玫瑰花般，賣相美觀，味道香甜~
沙侓也正好作為開胃前菜及中和一下甜點的甜~
飲品方面，我選了薰衣草茉莉花茶，帶著淡淡芳香，讓人放鬆心情～
與閨蜜一起食著談著 ，食的可能不只是食物本身的味道，而是有一種味道叫少女回憶!
食Tea set之餘，重可以係自助區取自己喜歡的board game玩下~
要留意的是這個開心・少女風下午茶 需要至少一天前預訂~

Slluks T2 (旺角)

這杯看起來像是啤酒，實情是一杯氮氣咖啡，外觀玩味十足！
第一眼看起來真係以為係啤酒，輕聞一下就聞到陣陣咖啡香～ 
面層是棉細的泡沫，底層是冰凍咖啡！咖啡入口口感順滑！
一路行..一路飲..真係有d似係條街度飲緊酒⋯⋯XD
隻杯重可以帶返屋企循環再用，做個環保人士~
除了氮氣咖啡，還有多款飲品選擇！另一吸引我目光的就是水果茶！
有多款水果茶選擇，色彩看起來滿有夏日氣色！每杯也有它的名字呢⋯⋯XD
款款吸引⋯⋯對於有選擇困難症既我真是有點難決擇，最後選了TOMMY超級特調果茶，因為看到這推廣！我當天正好穿了白波鞋，可減$10！
呵呵。。穿白鞋子的好處～
TOMMY超級特調果茶很大杯呢，份量足以二人共享!
大杯得黎當中的水果很足料！從杯透現看到多款水果，有火龍果、士多啤梨、西柚、菠蘿⋯⋯等～
冰涼的茉莉茶底配上水果，入口清甜又不失茶香！
味道不太甜又不太寡，果味跟茶香兩者達至平衡～
吸管夠大，在吸啜時不時可飲到火龍果肉，增加了果茶的鮮甜及口感～
飲到中段，味道又帶點薄荷及淡淡西柚酸，口感頓然清新，岩晒夏天消暑一下！