cindy syc 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-11-08
食過兩次lunch. 第一食咗佢哋推介嘅牛尾, 非常失望, 不過同枱嘅人食另一樣嘢覺得ok, 所以再俾機會試多次. 第一食嘅牛尾, 無可厚非, 份量好足, 不過唔好食嘅嘢, 往往越大碟越覺得難涯. 蚊得係就係好冧, 不過似係用壓力煲蚊冧咗就當係咁, 肉還肉, 汁還汁, 一啲味都無入到去. 趕時間而又唔想食茶餐聽嘅人最啱嚟呢度. 上菜極快, 兩次都係落order到上main dish唔洗7min, 個湯未飲完個main dish就已經喺面前攤緊. 跟湯嗰塊面包硬到無朋友, 小心杉口. 個湯勝在唔會油淋淋. 今次食蟹肉意粉. 一上菜, 驟眼覺得賣相唔錯. 望真啲, 覺得好核突... 因為碟邊有好明顯嘅抹碟水積. 即係幻想到上完碟之後, 個廚師用條濕溜溜嘅抹布抹碟邊. 其實如果係咁, 唔抹好過. 老實講個意粉係ok嘅. 不過食到尾, 見到碟底嗰層油.... 嘩! 洗唔洗倒晒啲油落去呀?!
評分: 味道 3 環境 2 服務 3 衛生 2 抵食 3
2014-05-22
香港人唔慣成日啖啖肥叉燒, 所以見到Ramen Champion 由初時幾乎清一色正宗嘅叉燒拉麵, 轉型為越嚟越多 "非叉燒" 拉麵, 甚至咖哩飯, 供食客選擇. 呢間就最近開始供應海鮮拉麵. 味道方面無乜特別, 不過勝在較健康. 叉燒拉麵嘅湯底普遍較油膩/較鹹. 呢個海鮮拉麵唔會有層厚油喺面, 味道清新, 湯亦較淡, 有少量菜, 有筍, 有紫菜, 適合追求健康之選嘅女士們. 不過, 麵量好少 (女士lunch都唔夠飽), 兼且有鹼水味!! 唔需要討論啲麵彈唔彈牙啦, 有落鹼水實彈牙㗎啦! Counter show 嗰幅圖有帶子有蝦, 出到嚟只有5隻蝦 . 貨不對版. 唔應該叫做海鮮拉麵喎, 只可以叫蝦仁拉麵囉. 而且啲蝦overcooked. 除非想食拉麵而又怕油膩, 否則不推介!
評分: 味道 2 環境 3 服務 4 衛生 4 抵食 3
2014-03-18
因為5個人, 所以可以除咗每人自己叫個set lunch 之外仲可以叫sashimi, 超級新鮮. 我叫咗個set $190, 有soba + 鰻魚飯 + 壽司5pcs. soba ok. 鰻魚非常好食, 夠晒肥美, 仲要冇因為係細份鰻魚飯而俾唔好嘅部份細細舊, 而係俾腩嘅部份, 好厚肉, 好香. 係近年食過最靚嘅鰻魚. 超讚! 不過個汁太甜. 其實雖然係細份鰻魚飯, 份量都唔少. 壽司好新鮮, 不過海膽並唔係日本好鮮甜嗰種, 似係加拿大海膽. 有啲失望. Tonki sashimi 唔係點wasabi 食嘅. 係包住少少辣蘿蔔蓉+蔥, 點醋食嘅, 好有新鮮感. 另外點咗另一條魚, 唔記得係咩名. 火炙本熟上枱. 好滑好鮮甜. 讚! 嗰日仲有剝皮魚刺身, 不過無叫, 下次想試下. 推介美食: 刺身,壽司,鰻魚飯
評分: 味道 5 環境 4 服務 5 衛生 5 抵食 3
2014-03-18
以前喺東京都食過沾麵. 沾麵同拉麵好唔同, 唔係食熱辣辣湯麵嘅感覺. 個湯會杰身少少. 上次東京食嘅時候啲麵係偏凍, 個湯仲係微暖嘅添. 所以一心想食熱辣辣暖笠笠拉麵嘅朋友都係揀番湯麵啦. 呢間嘅沾麵湯底好濃, 不過勝在唔太鹹, 加埋啲蔥一齊食好香. 因為係沾麵, 所以食到最後啲麵仲係彈牙嘅. 叉燒係薄切烤過嗰種. 我叫咗三塊叉燒嘅沾麵, 其中一塊叉燒切得太薄烤得過乾, 似食緊煙肉. 唔得. 除咗碗沾麵湯之外, 仲好體貼俾多碗清湯. 可以最後倒落沾麵湯入面, 變湯麵食. 我就選擇飲咗佢. 推介美食: 沾麵 評分: 味道 4 環境 4 服務 5 衛生 5 抵食 4
2014-02-27
邊度可以揾到午餐$39 有一碗拉麵, 一個小食, 一杯飲品?!v 有時餛飩麵車仔麵都唔得啦! 學生仲抵, 著校服-$3! 咁嘅價錢都無乜要求喇~ 招呼周到, 出餐快 (可能因為個個都係食套餐嘅關係啦), 地方枱面餐具干淨企理. 啲麵彈牙 (不過有啲啲鹼水味, 日式拉麵真係唔應該用鹼水囉, 雖然咁樣啲麵冇咁易煮過龍冧晒). 湯底有層麻油喺面, 好香. 其實有啲即食麵feel, 唔係淆出嚟嘅湯底. 叉燒ok, 切得薄所以唔覺鞋. 豬肉香味普普通通. 小食方面都有唔少選擇. 例如番茄沙律整得好好, 成個番茄上, 好清新, 啲汁濃度啱啱好. 除咗氣水麥茶, 可以轉花茶, 只係+$5咋. 平時啲樓上cafe 飲杯花茶都起碼$30啦. ~12:45 開始就要排隊㗎喇. 不過啲學生好快閃, 所以可以嘗試等下啦.
評分: 味道 3 環境 4 服務 5 衛生 5 抵食 3
|