同老外朋友見面，之前見呢間brunch好似好chic咁就試下啦。我地叫左之前在flying pan度食的美味egg benedict。d料有mushroom、bacon同好厚的ham。可惜佢的egg benedict冇flying pan整得咁好味，ｄ汁唔係好夠味，不過ｄ蛋都算滑，ｄ沙律同薯餅就普通啦。
環境方面，我地係坐出面一個舖左沙的後巷的，都幾有feel架，幾悠閒，但個地唔平小心仆親喎。本來以為間野咁僻都少人，點知鬼咁多鬼，但都唔算太嘈，係逼左ｄ。服務方面都唔錯，個個都好友善。

中環一直都係搵食既好地方，世界各地美食都有，不過問題你有冇錢啫。

此店係蘇豪芸芸食肆中，本地會比較接受到既西餐，因為佢既午餐都係賣60啫。老闆初時以為我地未食早餐，極力推薦我地食30蚊既早餐，不過既然黎到，梗係試下冇咁港式既野喇。叫左一個APPLE COMBO SANDWICH，係一個乜都有既SANDWICH，一份都夠兩個人食。另外叫左一個火雞沙律，材料好似同個sandwich差唔多，仲有個南瓜湯，食完飽哂。

午餐時間，都只係得我地兩個人食午餐，相比其他好「鬼佬」既餐廳，老闆真係要再諗下辦法喇。

中環有好多好啱上班一族食既快餐，但係好多都係多肉少菜，不過食呢間一定唔會喇。由於太多配料俾你揀既關係，都係叫佢既set比較方便。叫左香草烤燒沙律(紅酒醋)同Turkey Club Salad(lemon sauce)，一間小小既店，竟然都有成6-7人serve你(切菜都兩個人!)，唔怪得要賣咁貴。

紅酒醋真係有少少紅酒味，加上大量既蔬菜，真係好醒胃。個人認為香草雞沙律既蔬菜配得比較好，相反tukey club沙律就太多cheese，食完都好滯。唔好以為淨食菜會唔飽，個日我食完夜晚都唔覺餓! 雖然佢個形象好健康咁，但係就用左個好唔環保既膠盒(如果下次幫襯用返呢個盒，可以減$10架)同膠袋!

唔好以為食菜好平，成$55一個沙律架!

香港人最鍾意趕尾班車，大家聽到牛頭角下村要拆，即刻全港既拍友都湧哂去牛下。因為咁樣，牛下既餐廳生意比未執之前仲好。老實講，牛下既食肆既衛生倩況真係唔太理想，都難怪當年董太沙士期間時要全副武裝出動。

雞蛋仔係香港特色小食，係牛下一個咁有本地特色既地方食，更有風味。十蚊雞一底，價錢唔算特別平，但係依然排哂隊。佢既雞蛋仔既質感好似蛋糕既軟綿綿感覺，唔似一般既脆口，都算幾特色。

牛下拆左之後，呢種推車仔既雞蛋仔風味，仲有邊到可以試到呢？

為左感受英國風，所以就去下只有老外會去既pub。入到去黑黑地，全場都唔多覺眼有中國人。當晚冇足球睇，電視只係播下只有老外先識睇既ruby，而且人唔多，但係就有種好悠閒既氣份。

三個人叫左兩杯kilkenny，一杯capuccino、一個有腸既irish stew(黑椒味好濃)同一個叫做"pie"但係原來係smashed potato同肉醬既main dish，兩款份量唔多，但係都要成$108! 好在佢味道都算幾正宗，起一定對老外既胃口。餐前麵包跟個一塊小小既牛油幾香，如果可以俾多幾片連main dish d汁食就Perfect!

成日係旺角見到幾多人飲，但係今次都係第一次試。

叫左蛋糕紅茶($12)、布丁紅茶($12)、蘆薈綠茶($10, 正確名字忘了)，蛋糕茶好有「蛋糕味」、布丁茶就有「台式布丁味」(好麗梅姐呀!)，佢茶味都算濃，而且份量算適中，最啱女仔飲。

睇完意大利戲之後，好想食pizza，但california又食過，唯有食pasta啦。呢間其實係日本洋食店，megabox都有間，但冇人幫襯，呢度就多人好多，兩個地區的消費者始終唔同嘛。
我地叫左一個吞拿魚茄汁意粉同一個明太子意粉。我終於明白意大利人點解要用肉醬配茄汁啦，因為吞拿魚的確唔太夾，佢仲煮到咁乾，覺得ｄ魚更鞋。個明太子意粉粉紅色，好怪，但味道就唔錯喎，有少少辣味，幾好味。個蒜蓉包都好香，而且份量都唔少喎，我仲以為好少添，但賣到五六十蚊都係貴左ｄ。

我地睇完一套伊朗戲之後想食中東野，但附近間our restaurant已經試過，唔知點解openrice話呢間野係中東菜喎，可能係因為個老闆係土耳其人掛。
個土耳其人都幾好笑容既，仲有一個香港女仔助手。初時我以為呢期咁興食薯，實要排隊啦，點知冇喎。我地叫左一個俄羅斯沙律同墨西哥薯仔。墨西哥有ｄ辣辣地，都ｏｋ既，但俄羅斯就除左有ｄ酸忌廉同一ｄ粉紅色的怪汁之外，冇乜特別囉。兩個薯仔的味都比較普通，係一般港式沙律料，都係oliver's比較香ｄ。但薯皇的薯仔就好腍囉，佢除左個薯仔本身的薯之外，仲會加ｄ薯蓉係上面，但份量對女仔就ｏｋ，男就唔夠飽了。
我諗土耳其老細要請埋我地兩個做助手呀，我地一係隔離食，就有一大堆人幫襯啦。

食完薯皇之後有d口渴，所以買ｄ野飲。呢間貢茶好似唔駛排隊，所以就飲。我地揀左一杯奶蓋紅茶同Ｑ梅綠茶。呢兩杯野十二蚊，但係就好鬼大杯，可惜淡左ｄ，冇乜茶味，剩係水多，個Ｑ梅綠茶明明見到有粒梅，但唔知點解有陣怪怪地的香精味。

又係為左配合電影節主題而揀既餐廳。

今次主題係indochina, 所以就要食下d南亞風情既野。叫左兩個什市套餐︰越南扎肉餅炒檬+越式牛肉飯。所謂既扎肉餅我就搵唔到，豬扒+扎肉我就見到! 味道甜甜地，都幾有南亞feel既。相反牛肉飯就比較特別，香料味好重，更能夠帶出牛肉既特別羶味。套餐連湯同飲品，收你$38，份量都算多，但係幹粗活係佐敦活躍既男人，都係食大大碟蒸魚套餐算喇。南亞feel? 都係d女人先會鐘意試新野架姐!