Igatti (屯門)

本來只打算買一個蛋糕，而屋企人指明要試拿破崙，但作為一個芝士控，實在抵受唔到芝士嘅誘惑，結果買左2款朱古力蛋糕慶祝，朱古力拿破崙加芝士拿破崙。😂😂😂
但完全冇後悔買晒兩款朱古力蛋糕，真係好正。
個人勁中意朱古力芝士，佢唔係海棉蛋糕心那種，而係直接食到成啖朱古力芝士那種。可能撈左芝士，一食入口，成口好濃好滑嘅朱古力慢慢融化，而且係我特別中意嘅好濃好creamy嘅感覺，雪到凍食落去仲正。超推！
另一種拿破崙朱古力都好食，不是我唔係拿破崙支持者，屋企人就中意呢款多，可能佢地冇我咁嗜cream😂😂。
蛋糕如果切件買價格稍貴，但成個買個價又ok接受到，用來慶祝個賣相好靚好grand。而最緊要都係真係好味，諗起仲掛住陣朱古力芝士嘅濃香滋味。
店員推薦下次可以來試下其他水果拿破侖，因為係新鮮水果，我諗如果有位坐響度食，二件cake 加杯珍珠奶茶應該可以做個一流嘅下午茶，晚餐都唔晒食。

范湯皇 (元朗)

公司食飯去左呢間新私房菜餐廳，因為要預約，所以到左基本上唔需要等就可以食。

食左好多唔同野，頭盤有D冷盤，個醉豬手好好食，主菜有蝦炒蛋﹑鮑魚﹑蒸魚同元貝﹑黃酒雞﹑菜，不過當中我最最曼印象深刻就係黃酒雞，呢個外面好少見到的餸，煮得好入味，我忍唔住打包在個底汁走。到後來D蒸飯已經食唔落，最後個炒菜真係食到好鮮的味道。不過個糖水好正，用另一個肚食左2碗。

其實咁樣食一餐真係唔平，不過同外面有D餐廳唔同，食完唔會覺得好嬲。因為比左呢個價都真係有食返呢個價的材料，雖然貴但都係自己食返落肚。不得不提范太的湯真係好好飲，真材實料冇味精，飲完覺得好有營養。

Cafe 52 (葵涌)

之前同同事一齊去食過一次，印象中白汁意粉非常好味，今次趁放假又去開新界，帶埋老公同仔仔過來食多次。
因為仔仔唔識食辣，我地只可以響餐單上面選完全唔辣的2款意粉，亦都係最普通的肉醬意粉同白汁意粉，2款意粉都做得好好，2個意粉都做得好好，肉醬唔會酸，白汁唔會太結，每條意粉都有汁，唔會結成一舊舊，仔仔都識話好好味。

另外一讚服務員好NICE，佢地見我抱住仔仔，本來應該要出去櫃位買野，佢幫我做埋呢個動作，仲主動比多一隻小朋友碗同餐具我地。成間鋪頭設計好舒服好光猛，好似可以坐響度HEA下傾計的CAFE。

整體感覺非常好，而最重要係，咁的食物同服務都係60蚊左右一個SET包埋野飲，好抵！

不過泊車有少少唔方便，因為鋪頭大廈冇位，我地去隔離工業大廈都等左好一陣先有位泊車。

Yamm (尖沙咀)

昨天慶祝妹妹的生日去了吃自助餐，本來以為YAMM的名氣不錯，怎樣也不會太差，可是實在太令人失望。

首先我在預訂坐位時已經問過有沒有收切餅費，很明顯是為了慶生，不過電話中的接線小姐並沒有告訴我生日可以安排蛋糕及SPARKLING CHAMPAGNE，直到昨天看OPENRICE才發現，要預訂已經太遲。不過侍應也很好地補償了SPARKLING CHAMPAGNE給我們(因此服務可以接受)。

最令人失望的是食物，種類實在太少了......

本以為YAMM的海鮮應該不錯，可是竟然只得(1)味道很一般的麵包蟹(沒有什麼膏，解凍後的肉很重雪味)，(2)生蠔不大(不過我不吃生蠔，所以不知道味道好不好)，(3)很腥的青口，(4)蟹腳，跟麵包蟹一樣沒有鮮味，只得很重雪味，當中比較好吃的只得(5)龍蝦。如果選擇很少，但貴精不貴多也值得原諒，可是味道很普通下，卻連海蝦﹑長腳蟹﹑翡翠螺這些自助餐常見的海鮮也沒有，令人無語......結果，很愛海鮮的我們除了「返兜」了一兩次龍蝦外，其他海鮮都不想「返兜」。

熱盤也令人失望，牛肉太硬，燒豬的肥膏多得你不會想吃，羊肉算比較可以吃卻太冷(也許是我的錯，錯在總在菜變冷時才去吃)，蝦餃皮太厚沒有肉汁(已經淪落在自助餐食蝦餃，為什麼連這個也要令人失望)，而且中式點心只得蝦餃和小籠包(並沒有熱騰騰的肉汁)，如果有燒賣會不會令人快樂一點點。湯有酸辣蟹肉湯，或許是口味問題，不是我們想像中的酸辣味，而是辣，我們都覺得不好喝，另一個西湯是忌廉椰菜湯(由於賣相一般，沒有嘗試)。當比較好吃的竟然是泰式豬頸肉和炒雜菇(竟然在自助餐我「返兜」的是這兩味菜，可以想像我的無奈)，妹妹比較喜歡田螺。

日本野食算最不錯,刺身帶子和三文魚都OK，其他壽司沒有吃。即場煮的有泰式蟹肉炒河粉，我們的感覺是OK啦......杞子蟹肉粥則很個人口味，杞子味較重，沒有什麼蟹肉味，如果你喜歡杞子味，可能會較接受這味道的粥。

甜品也令人失望(可能真係口味唔夾)，我不太喜歡過甜的甜品，所以Macaron、朱古力噴泉都不是我杯茶。我最喜歡的芝士甜品卻竟然沒有，CHEESECAKE, I just want the most common cheese cake，妹妹想吃的豆腐花也沒有(雖然這個比較正常，因為不多自助餐有中式甜品供應)，其他的椰汁糕、綠茶木糠布甸、雜果撻等也不太感興。當中只有雙皮奶和葡撻較好吃，雪糕是名貴的Mövenpick，有朱古力﹑雲呢拿和士多啤梨，我只喜歡朱古力味。

而麵包類，沒有一件可以吸引我，可能我想要的是暖暖的麵包......反而芝士的款式比較多(雖然我只吃Brie，其他GOAL FAVOR的芝士都不敢試)。另外，明明有牌指示有Parma Ham，可是卻找不到......最失望是連生果也不好吃，士多啤梨很酸﹑西瓜不知道是不是放久了，有種不新鮮的軟霉FEEL，蜜瓜應該不夠熟，口感硬而不甜。

總括而言，YAMM的自助餐令人很失望，可能我們EXPECT加一後700元的一餐，不應該只得這質素吧！(可能香港的通漲太快，我已經OUT左) 估計除非免費，應該沒有可能再返兜......