我地坐下諗食乜都諗左15分鐘，最後揀左３款野食同飲品，雖然呢到有款甜品好出名，不過唔係我地杯茶所以冇叫，我都知係餐廳食叫飲品係唔抵，不過都覺得價錢偏高；另外食物方面唔係唔好，但如果同其他我地食過的食店來對比，就真係唔夠好，價錢同品質唔太成正比。
不過值得讚嘅係店員服務態度幾好，見你杯中冇水會過來倒水，食完一款食物又會來換碟，當然我地唔比較環保，所以都話唔使換喇。
同埋我有發覺店員會留意食客進食的進度，唔會一次過將食品上枱的，因為我見店員會望我地食到差唔多最後，聽到佢叫裡面話沙律上得，冇幾耐我地的沙律就來了，我唔知係為食客著想還是枱太細而續款食物上枱，不過我就覺得呢方面做得幾好。
呢晚我地慢慢人了1個半小時就叫了以下食品：
① 1664 Beer (F) ($80)　
② Baileys ($68)　
③ Baby Blue Mussel ($128)　
④ Classic Caesar Salad w/ Smoked Salmon ($96) 
⑤ Fish and Chips ($128)
Total = $500
10% Service Charge Total = $550

10% Service Charge Total = $550 $ 550

1

10% Service Charge Total = $550 $ 550

0

0

1

1664：我就第一次飲，好啖好順口，幾清楚，一點啤酒苦澀感都冇，呢杯已經係大杯裝，但感覺好細杯咁嘅？
Baileys：我呢杯原味相信只有25ml，估唔到少得咁可憐，味道同我自己買一樽飲嘅一樣好囉。Baby Blue Mussel：我地都鍾意藍青口，呢個ＢＢ藍青口用白油奶油煮的汁都幾好味，不過真係好細小，味道好啖，份量也唔多；汁係好味，可惜得一件麵包點汁食。Classic Caesar Salad w/ Smoked Salmon：呢個沙律有得淨凱撒或加雞肉／煙三文魚，價錢一樣嘅，我地揀煙三文係諗住特別Ｄ，不過呢個Salad份量的確細少，有３件Smoked Salmon算是正常，但芝士、麵包脆粒也少，雖然羅馬生菜新鮮，但得覺得醬汁唔夠正宗，冇蛋冇蒜頭味，黑胡椒也太少，實在過於普通。Fish and Chips：份量同其他餐廳差唔多，炸魚厚肉大大件但冇魚味；雖然外皮算酥脆，不過"令立立"唔夠乾身，食落也好油膩！！
粗薯條熱熱的但唔夠脆，只有微咸；睇餐牌話係tartar sauce，點知只係一個沙律牆同普通茄汁，絕對唔係塔塔醬囉，好失望。 

只係今次再到《樂天皇朝》，大家感覺到食物嘅味道都有Ｄ下降，唔知下次再來會唔會有改善啦，因為價錢唔經唔係平，再係咁落去想人返轉頭都難！
呢晚我地10個人共點了以下食品：
① 麻醬拌手捲油麥菜(日本特級秘製麻醬) Lettuce Roll with Homemade Sesame Sauce ($52) x 3
② 涼拌香辣黑木耳 Chilled Black Fungus in Peppercorn Vinaigrette ($48) x 2
③ 清炒白菜苗 Stir-fried Cabbage ($52)
④ 上海清炒河蝦仁 Stir-fried River Shrimps with Garden Greens ($128)
⑤ 上海炒年糕 Wok-fried Rice Cake with Pork and Vegetables ($68)
⑥ 雪菜咸肉炒年糕 Wok-fried Rice Cake with Salted Meat and Preserved Vegetables ($76)
⑦ 皇朝小籠包 (八種口味) Signature Dynasty Xiao Long Bao ($88) x 2
⑧ 上海炒飯 Shanghai Fried Rice ($78)
⑨ 皇朝膽膽拉麵 La Mian with 'Dan Dan' Sauce ($52)
茶介每位$7=$70
Total = $952
10% Service Charge Total = $1048麻醬拌手捲油麥菜：同上次食嘅一樣咁清甜爽脆本新鮮，麻醬撈得好。

① 麻醬拌手捲油麥菜(日本特級秘製麻醬) Lettuce Roll with Homemade Sesame Sauce ($52) x 3 ... $ 52

0

① 麻醬拌手捲油麥菜(日本特級秘製麻醬) Lettuce Roll with Homemade Sesame Sauce ($52) x 3 ... $ 52

涼拌香辣黑木耳：小小的木耳爽脆身口，帶有酸辣嘅麻油調味，幾醒胃，只係份量過少.....。清炒白菜苗：新鮮鮮甜，炒得啱啱好又唔油。上海清炒河蝦仁：份量唔多，河蝦帶有微咸，普普通通喇。上海炒年糕：深啡色的賣相唔好以為味道好濃，年糕本身冇味都算煙靱，可惜炒完都依然冇味，幼幼的肉絲算滑，整體味道較淡。

⑤ 上海炒年糕 Wok-fried Rice Cake with Pork and Vegetables ($68) ... $ 68

0

⑤ 上海炒年糕 Wok-fried Rice Cake with Pork and Vegetables ($68) ... $ 68

雪菜咸肉炒年糕：雪菜咸肉已經咸咸的，油份略多也唔夠熱。
皇朝小籠包 (八種口味) ：比上次來時失色了，包皮雖然薄，但湯汁一般，始終原味才最正常。

⑦ 皇朝小籠包 (八種口味) Signature Dynasty Xiao Long Bao ($88) x 2 ... $ 88

0

⑦ 皇朝小籠包 (八種口味) Signature Dynasty Xiao Long Bao ($88) x 2 ... $ 88

上海炒飯：炒飯炒得粒粒分明且乾身，味道唔算好濃，蝦仁幾大粒算彈牙，好食。
皇朝膽膽拉麵：雖然麵質彈牙，但湯好一般，質素麻麻。

整體食物飲品都算ＯＫ，環境就算人多都唔會嘈，可能Ｄ客人都想靜靜的呢，我地食哂野坐左２個鐘都冇叫我地走，態度幾好，都可以再來吖！！
呢日我地點左：
① Set: 日式咖喱雞烏冬 配咖啡沙沙冰 ($73)
② Set: 芝士蘑菇烤三文治 配Latte ($73)
③ 丹麥方包加香蕉肉桂 ($38)
④ 是日滴漏咖啡 (Large $26)
Total= $210

Total= $210 $ 210

0

Total= $210 $ 210

今次就依次序上枱來細說吧！
是日滴漏咖啡：估唔到咁大杯，好香濃好飲，呢個價錢實在抵！！
日式咖喱雞烏冬：老友揀左呢個咖啡，我都有試下，雞肉都幾多，肉質唔韌冇雪味都ＯＫ；日式咖喱汁當然微甜，咖啡味好微，味道尚可；可惜係烏冬唔夠彈牙，一般喇。
Latte：去咁多次Cafe，都係第一次見Miss揀飲咖啡，呢杯Latte雖然冇拉花，但幾滑，啡味淡淡的，都唔錯。
咖啡沙沙冰：老友揀左呢杯，飲左幾啖已經後悔飲佢，因為嫌佢唔夠沙冰，好快溶了，太多奶好甜，咖啡味太少。
丹麥方包加香蕉肉桂：到我的丹麥方包，比Miss話我唔抵食，因為只是一塊丹麥方包加香蕉片，係屋企都輕易做到，不過都有過塊丹麥方包好食，咁我都覺得唔抵食，不過呢日只想食多士，只有呢款可選呢。
上面那１６片香蕉配肉桂粉原來都幾好食，可能我鍾意肉桂味，好似配咩都夾咁。
方包烘得燶燶的，實在太合我心，好鬆軟豐牛油味，都幾好食，
芝士蘑菇烤三文治：Miss只食了半件就話夠，另外果半件我地２個食埋佢，法包焗熱後就算耐左先食都依然脆口，好食；蘑菇帶有黑椒配芝士好食，蕃茄片都新鮮啫，睇來去Cafe食三文治真係會啱口味Ｄ。 

成日都係去完中環Starbucks行落灣仔，從低處望上１樓嘅合和Starbucks，好多次已經想上去睇下，不過次次就係經過冇轉彎上去，今次唔同喇，因為下面開左間無印麵包店，所以都可以順道行埋喎，比個機會來呢間Starbucks hea下啦！
呢期我地決定只揀食舊野食，唔試新嘅，不過其實有幾款舊野我地都未食過 : >


三文魚忌廉芝士三文治 (半份 $24) 
去到只見到半份，感覺唔係好抵食，不過都想試下；
餡料有三文魚、忌廉芝士、刁草和羅馬菜酸瓜等；麥包的質地比較乾，三文魚尚算新鮮，但又唔似煙三文魚？配上忌廉芝士唔錯，不過忌廉芝士味太重，食唔到其他材料的味道咯，只可說配搭健康有營，但整體一般。
煙三文魚沙律 Smoked Salmon Salad ($30) 
Size同樣與其他沙律一樣咁細，兜沙律醬已經占據沙律盒唔少位；沙律菜有生菜、少少火箭菜同幾粒車厘茄，都算新鮮；煙三文魚得２塊，Sizex唔算大啦，味道都ＯＫ，整體還可以吧！
烤茄子雜菜千層闊麵 Lasagna Roasted Vegetable ($45) 
記得上年尾食過一次印象係失望嘅，今次比個機會再試下，且看看會唔會有唔同，結果呢....
的確比上次好多咯，起碼唔再係過份扁，今次比上次正常喇，起碼睇得出食得到咁多層，包括麵皮、菠菜、茄子、三色椒同蘑菇，面層嘅水牛芝士烘得微燶，菠菜份量足，今次合格喇！！
蘋果金寶鬆餅 Apple Crumble ($18) 
其實除左食到頂部外層金寶粒係幾香脆外，其餘整個鬆餅我都係食唔到蘋果味，只覺食緊一舊牛油鬆餅，仲要係冇乜味嘅....極之失望。

蘋果金寶鬆餅 Apple Crumble $ 18

0

蘋果金寶鬆餅 Apple Crumble $ 18

期間限定生日蛋糕星冰樂 Birthday Cake Frappuccino blended beverage ($41) 
嘩！只可說甜甜甜，鍾意甜的一定鍾意，但我就真係怕了！
呢杯星冰樂除左有雲呢拿同榛子味外，更有好濃郁的野苺忌廉，其實似一杯奶昔，真係幾膩下。

花畑の木槺芝士蛋糕 ($20) 
原來呢件用的芝士係北海道花畑牧場濃烤芝士得過獎，感覺即時升級左。
其實單睇外表已經幾吸引，雖然細細件，但一樣層次分明， 外層呈金黃色,的木槺質感鬆脆， 芝士質感硬身，味道相當的濃郁，只覺有少少膩而已，都好食！

紫薯玄米茶撻 ($20) 
呢件用牛油撻底，尚算鬆脆，盛載着一圈一圈沖繩紫薯蓉，不過紫薯味淡，中間有玄米茶牛乳忌廉同朱古力蛋糕，忌廉冇玄米茶味，朱古力蛋糕鬆軟，整體都算ＯＫ嘅。

紫薯玄米茶撻 $ 20

0

紫薯玄米茶撻 $ 20

蜜瓜の思慕 (蜜瓜甜品杯)Melon dessert cup ($19) 
只有２片厚切蜜瓜片，好清甜；面層嘅晶瑩寒天粒小小甜，杯內蜜瓜白朱古力慕絲好滑唔太甜，中間再有一層海綿蛋糕，幾鬆軟，都算唔錯。

蜜瓜の協奏 (蜜瓜脆撻) Melon tart ($18) 
同樣係用上牛油撻底，有層朱古力薄，可惜今次唔脆更有Ｄ淋身，唔通係雪得太耐？
滿滿的蜜瓜粒好清甜，好食，即刻彌補撻底的不足；中間都有海綿蛋糕，同樣鬆軟。 

成日行經尖沙咀都見呢間，本身我又鍾意食Pita，所以次次經過都有想入去食嘅念頭吖！
呢晚差唔多七點，店子唔大，不過都已經差唔多坐滿，剛好有張枱係近開放式廚房，所以就入去坐低，睇過Menu後，先知道呢間係中東菜/清真認證食品店喎！
餐牌上都有好多款野食揀嘅，烤醃羊肉串、 咖喱、 比薩餅、 Biryanis、 沙拉，魚等等，我當然揀左暴鍾意的卡巴。
佢就走上前去Counter買野食，點知原來堂食係有加一嘅，不過又冇人來招呼，所以的地都以為係要自己買野添~
Anyway，買完坐低等啦，以下係我地點的２款食品：﹣
① 咖哩魚肉炒飯配沙律 Fish Biryani with Salad ($55)
(Basmati Rice cooked with Fish, fresh vegetables and exotic spices)
② 希臘雜菜沙律卡巴 Greek Salad in Pita w/ Fresh Mint ($55)
(Lettuce, Tomato, Cucumber, Yellow Pepper, Tabuleh, Feta Cheese and Black Olives served in Lebanese Pita Bread)
Total = $110
10% Service Charge Total = $121咖哩魚肉炒飯配沙律 Fish Biryani with Salad ($55)　
又估唔到係飯來先，我地原先以為係咖哩魚係同飯分開嘅添，原來係同咖哩魚同炒，食得出魚有醃過的，都幾香，份量都算多，好多飯，炒得極之乾身，本身個咖哩汁都幾好味，唔錯。
另有生菜同青瓜沙律配中東薄荷醬汁和白色乳酪味醬汁，都ＯＫ好味。
希臘雜菜沙律卡巴 Greek Salad in Pita w/ Fresh Mint ($55)　
我睇到廚師包卷再拎去鐵板烤過，來到熱熱的，上枱將之切成一半，但都覺得好大卷；Pita微脆內煙韌，充滿麵粉香，正！
裡面有好多生菜卷住蕃茄、青瓜、塔布勒沙律同羊奶芝士，雖然好素，不過真係好食！ 

呢間餐廳我早係「我係小忌廉」嘅主題已經想去喇，不過就係唔想為佢而走入Mega Box，感覺好遠..，終於有日要到德福睇戲，諗諗下不過行遠少少食返次啦，不過已經係冇主題嘅時候咯。
其實一直只知呢間叫《日和号》，都冇諗過係食乜架，呢晚去到先知係食日本菜，係門口睇過Menu都覺得價錢偏高的，不過佢又話入去食喇，就去試下吧！
店員帶我地到裡面中間位，感覺太空礦太好光猛，感覺係怪怪的，坐左10分鐘後我地都未諗到食乜，見門口的列車車卡位有人走，還惦未叫野食，我地就過去坐喇。感覺即時好好多，好快都揀到食乜添，Menu都有好多款選擇，另有一個牌係「精選特價推介」，因為感到主菜牌價錢偏高，所以呢日我地係特價推介中點左３款食物，另外叫左罐限時的櫻花啤酒試下啦。
由第一道菜到最後一道菜共用了10分鐘，都好快，不過就係覺得食物質素一般，未有一道菜式令我有回頭想再食的，服務又一般，冇人做野咁，講真，想來試咁耐，最後係有Ｄ失望嘅。
以下係我地２人點的：-
① 柚子花粒魚生沙律 ($48)
② 廣島生牡蠣 (4個) ($58)
③ 冷稻庭烏冬 ($38)
④ 日本沖繩Orion櫻花啤酒 ($28/罐)
⑤ 鹽燒虎蝦 ($25)
⑥ 汁燒魷魚筒 ($50)
Total = $247
10% Service Charge Total = $271

日本沖繩Orion櫻花啤酒：我知呢個係為慶祝沖繩是全日本最早看到櫻花盛開而推出嘅，本以為會有櫻花味，但原來只係罐身有櫻花樣，此啤酒以純麥芽釀製，酒精濃度5%，味道清新醇和也較其他品牌輕。柚子花粒魚生沙律：分量唔算大，材料有三文魚生粒、洋蔥、車厘茄、士多啤利及生菜，各材料都新鮮嘅，其餘都冇乜特別。廣島生牡蠣：我第一次食廣島生蠔，幾大顆又肥美，吃起來鮮甜又脆口，幾好，抵！！冷稻庭烏冬：其實真係覺得色香味的說法好啱，如果第一眼見到碟野唔靚真係會影響食慾，就算有幾好味都係假嘅。
呢碟烏冬擺放求其，烏冬也唔夠彈性，麻麻地。鹽燒虎蝦：真係好大隻，燒得啱啱好，蝦身厚肉彈牙鮮甜唔韌，鹽味也剛好。汁燒魷魚筒：魷魚筒比我想像中大隻，燒汁少甜，魷魚鬚微燶香口，魷魚筒燒得剛剛好唔韌有少少彈性，側邊的生菜蕃茄都新鮮。 

千層玉桂 Cinnamon Pull Aparts ($19)　
買左返來睇樣其實都睇唔出係乜野來？
必開後原來係變種丹麥酥，必須叫店員烘燶Ｄ香Ｄ且呈現金黃色夠鬆脆，內層鬆軟有豐富牛油香，逐層撕下只見玉桂得一層，略嫌唔夠玉桂，而且食完都覺幾膩。辣肉腸蕃茄芝士餡餅 Pepperoni Caprese Pocket ($23) 
成個餡餅只有面頭一塊蕃茄，裡面也有一塊辣肉腸同肉醬，冇芝士味嘅，個包質地算OK啦。特濃朱古力咖啡意式奶凍星冰樂®Summer Berry Panna Cotta Frappuccino® blended beverage (T$41) 
頂層係Mocha沙冰，朱古力味濃，咖啡味唔出，最底層係奶凍，感覺有Ｄ似豆腐花，好滑幾好味又唔甜唔膩。蘑菇芝士餡餅 ($22) 
睇介紹話係改良版，餡餅面層加左車打芝士一起烘製，但我食落又覺得唔夠芝味，而且個包質地同以前的唔同左，我鍾意舊時個款包多Ｄ；內層係白汁磨菇餡，餡料只有好少，味道也可接受嘅...。 

我係一個超愛抹茶味嘅人，即係就算我唔鍾意食甜味，明知抹茶多數都係會偏向甜品果邊，我都想試試試下...甜就甜啦，只想食到不同抹茶嘅產品，所以呢，本來之前得知荷里活廣場開左間抹茶館已經好想去，不過果個商場真係冇野好行喎，搞到冇動力去囉，於是上年係新城市廣場開左分店，終於可以搵晚去試下啦。
過往行經呢間店都有大量人等位，講真的，真係唔使旨意要我等位，可幸的是當時顧客未算太多，唔使等。
好了，當我坐下好快就揀到要乜，先點主食後再點甜品，以下就係我地點的：
① 抹茶沙冰 Maccha Smoothie ($49)
② 香蔥蜆肉拉麵 Clam & Scallion Ramen ($59) 
③ 海鮮豬肉泡菜丼 Fried Pork & Seafood With Kimchi Rice Bowl ($79)
④ 抹茶軟雪糕最中 Maccha Soft Serve Ice Cream - filled wafers ($39) 
⑤ 天突黑蜜抹茶葛粉條 Brown Sugar Syrup Maccha Kuzukiri ($29) 
Total = $255
10% Service Charge Total = $275


抹茶沙冰：面層有厚厚的忌廉，底層係唔夠沙的抹茶，而且茶味很淡很淡很淡....都幾失望。香蔥蜆肉拉麵：幼身拉麵麵質彈牙，唔錯；蜆肉雖然細隻但份量算多且鮮甜，幾好；湯底好清一Ｄ都唔油，只係酒味略嫌重手左。海鮮豬肉泡菜丼：飯餐還附送一碗清湯，有少少白菜、紅蘿蔔及一小片煙肉，幾清甜。
切成條狀魷魚淋身唔韌味幾好，豬肉太肥肉少，泡菜唔多味都淡，整體一般喇。抹茶軟雪糕最中：上枱之後同Menu中的係一樣噃，威化餅乾盛著抺茶雪糕、士多啤梨、紅豆蓉、日式丸子及柑。
威化餅乾好脆味淡；紅豆蓉有豐富紅豆味好甜；士多啤梨及柑都甜；抹茶雪糕唔甜帶甘苦味；日式丸子軟綿綿且一貫係冇味嘅；反而成個甜品最有抹茶苦味的係威化餅上面的抹茶粉喎！天突黑蜜抹茶葛粉條：我諗叫親呢個甜品都係因可以自己用木槌將葛粉推出果下動作本玩而叫，我都係因為咁 
由一舊糕推出變成條狀後，連同黑蜜一齊食，黑蜜超超甜，抹茶葛粉抹茶味重到帶微苦，都幾滑，ＯＫ啦。
兩個甜品均配一杯熱玄米茶，玄米味幾重也香，的確可以解膩！

藜麥杏脯鬆餅 Quinoa Apricot Muffin ($18) 
眼見面層有好多藜麥同甜甜的杏脯，烘燶Ｄ藜麥更有咬口，可惜藜麥同杏脯就只限於表面，裡面就只有半粒杏脯，其餘就真係齋鬆餅，雖然鬆餅都好濕潤唔乾，不過說真的真係冇味.....好啖好啖....，係有Ｄ失望嘅！焗蘋果酥卷 配雲呢拿汁 Apple Strudel with Vanilla Sauce ($29) 
好開心呢個蘋果酥返來呀！同過往一樣咁好食，蘋果唔好過淋有得喉吓，酸酸甜甜的；酥皮好鬆化，加埋面頭杏仁片更脆，另有甜甜的雲呢拿汁，如果怕甜其他唔點汁已經好食，就算食哂成個都唔覺膩。海鹽焦糖朱古力撻 Salted Caramel Chocolate Tar ($24) 
朱古力撻表面好似閃下閃下，有些少海鹽粒點綴，淨睇外表都唔錯嘅。
朱古力層味道質感都幾濃且厚稠，唔甜幾滑，不過海鹽味就只有面頭果幾粒，當然咸死了，焦糖味在那呢？
撻皮底其實唔厚架，但就硬到不得了，要用力才切得開，總括來講....一般啦。藜麥草莓士干餅 Quinoa Strawberry Scone ($18) 
呢個牛油士干餅面層佈滿藜麥粒，烘烤耐Ｄ令面層更香脆，好食。
草莓...就只有相片中見到那堆，味道酸酸唔甜；士干餅底充滿牛油味，香香脆脆的，但就只有牛油味，因為裡面同藜麥杏脯鬆餅一樣係冇餡的....
不過有得揀嘅話，呢個藜麥草莓士干餅好食過藜麥杏脯鬆餅嘅，起碼夠香脆。