上年《米芝蓮》首次推出街頭小食店推介，其實係咪米芝蓮，我地好多時路經見到狗仔粉點解咁多人食，上網查下見到係懷舊野，都想試下，就係呢晚我地去睇戲前試吓吧！
店鋪開係唐樓底層角位，環境簡陋，只可放幾張摺枱，位與位之間更好親蜜添，不過要食呢類街坊食物，都唔會介懷地點環境喇。
我地睇睇menu，除狗仔粉更有火鴨翅，同幾款小食，睇落價錢都正常唔貴，就叫幾款試下一齊食喇。
① 狗仔粉 (細 $20)
② 招牌火鴨翅 (細 $20)
③ 雙拼：五香豬肚、鮮甜蘿白-小辣 ($13)
Total = $53


其實份量唔會話好多，不過整體係幾足料，味道不錯，係略嫌狗仔粉質感唔係咁啱食，係佐敦埋單咁嘅價，２個人食完半飽都算係咁咯。狗仔粉：短短的狗仔粉，原來質感係粉粉實實煙韌的，好奇怪的質感，杰撻撻，我就麻麻喇；湯底因為加左少少豬油所以油油的，不過湯味都幾濃，算唔錯；最好食其實係枱上任食的辣菜甫，一定要加埋一齊食，脆脆的夠辣超正！
招牌火鴨翅：上到枱睇落都係普通啫，點知原來都有驚喜，鴨肉絲木耳絲非常足料，湯底夠味唔會過咸，好食！！五香豬肚：小辣都唔算辣，辣汁較杰；薄薄的豬肚好腍冇臊味，好食。
鮮甜蘿白：非常清甜冇渣夠淋，好！ 

曾去過牧羊少年咖啡食晚飯，環境同食物都覺得幾好，有次經過文化博物館見到開左間慢遞館，一直想試吓，呢晚我地係７點半來到，客人半滿，呢到係自助形式，自己搵位後再去點餐，食物由侍應送上。
這間以旅遊為主題的《牧羊少年咖啡．慢遞館》，可以一邊嘆咖啡一邊看Café提供嘅旅遊書，書下面還增設左明信片郵寄服務，係呢到買張Postcard就寄得。
慢遞館食物選擇唔多，小食甜品主食各幾款，飲品質較多選擇，的確係慢活。
我地呢晚揀左以下食物：
① 康寶蘭咖啡 Comparra Coffee ($28)
② 維也納咖啡 Vienna Coffee ($33)
③ 八爪魚黎麥牛油果沙律 Octopus, Avocado & Weed Plant Salad ($74)
④ 全日早餐Ｂ All Day Breakfast Set B ($85)
Total = $220

0

環境雖好，不過食物質素同價錢未必成正比，如果價錢可以調低Ｄ，或食物提高素質就更好。

康寶蘭咖啡：是比較復古的一款功夫咖啡，Solo Espresso加厚厚的Cream即成，喝的時候最好不要攪拌奶油由佢自己溶下，份量雖少，不過味道苦中帶微甜，唔錯。維也納咖啡：主要材料只有咖啡同Cream，利用大量Cream的甜替代糖同奶，可惜呢杯甜味比咖啡味重了。八爪魚黎麥牛油果沙律：木碟都幾大，好Colorful，有好多沙律菜而且好新鮮，黑醋汁好哮；日式八爪魚刺身比較韌；有杏仁片脆脆口感唔錯，有半個牛油果熟度剛好，唯可惜黎麥太少。All Day Breakfast Ｂ：材料有炒蛋、大草菇、茄汁焗豆、蕃茄、豬肉腸、豬柳漢堡、煙三文魚及牛角飽；
大草菇冇草腥味；煙三文魚Ok啦；炒蛋幾滑好食；香腸衣香口，燶Ｄ更好；漢堡排普通；茄汁豆較硬；牛角飽牛油味算多，但唔脆又唔淋，一般啦。

呢日我地Book左２點，準時來到即入座，當時店內顧客都差唔多滿座，不過環境依然寧靜，沒半點嘈吵，果然比另外價平點Pokka Cafe店靜好多。
２點呢Ｄ時間，真係Lunch又唔係Lunch，又未到Tea Time，我都唔知食乜好，係佢地點哂餐後我先決定到食乜，本來想食跟餐的沙律Bar，不過店員話唔可以嘅，叫餐果位先食得喎，所以最後我都係叫左個沙律啦。
以下係我地點嘅食物：
① Set Lunch F: 白酒蒜茸牛油煮蜆肉意粉 White Wine Garlic Sauce Clam Spaghetti
Daily Soup：粟米薯仔蓉忌廉湯、蕃茄包、皇牌特式咖啡 ($138)
② 雞肉煎意大利飯 ($108) + 三文魚沙律、咖啡 ($38)
③ 蘇門答臘萬達寧咖啡 Sumatra Mandheling ($42) (是日Promo會員半價)
④ 八色野菜Jar沙律配麻醬 ($62)
Total = $388
會員85折 Total = $338.1
其實不嬲都知呢間Pokka Cafe係比普通嘅價高，不過的確係靜好多，食物質素係好，店員也有禮貌，有85折嘅就覺得抵食嘅。
(跟餐) 粟米薯仔蓉忌廉湯：都幾滑，粟米味反而比薯仔重，唔錯。
(跟餐) 蕃茄包：一個小小圓餐包狀，紅紅的，好有蕃茄味，好好食。

白酒蒜茸牛油煮蜆肉意粉：呢盤一來到，我地都估唔到係咁樣分開嘅，仲以為係蜆肉同意粉一齊整，原來要自己拆肉，店員仲話將熱窩中的汁同意粉勞埋，會好好食。
咁我地就試下啦，的確幾好食，好香蒜茸牛油味，蜆都幾新鮮冇沙，份量仲幾多添，呢個好食！

三文魚沙律：呢個跟雞肉煎意大利飯的沙律份量雖少，不過都擺放得幾好，沙律菜好新鮮，可自行加醋食，好味。

雞肉煎意大利飯：以為意大利飯份量同出面餐廳食的一樣，不過來到估唔到咁大碟，而雞肉量也很豐富，足２個人食。
賣相靚，係被煎過的傳統Risotto，飯焦好好食，內裡有芝士，黏黏的都好食；雞肉大大件好嫩滑，整體很好！！

蘇門答臘萬達寧咖啡：有楓糖香可可味，味道酸中帶甘，有層次；不過早知叫佢後上，因為好快就凍喇。

八色野菜Jar沙律配麻醬：用Jar盛載，隔離有樽日式芝麻醬汁，賣相係好好嘅，店員叫將裡面的沙律放在碟中同醬汁撈埋食；
其實材料好簡單，全部Size切到一樣，有車厘茄、紅菜頭、青瓜、紅腰豆、西蘭花、粟米粒同甜紅黃椒，另外有２塊好脆的煙肉一塊生菜。
係好簡單嘅野，不過係賣相好且新鮮又份量都夠食，而日式芝麻醬汁都幾好。

栗子蛋糕 Chestnut Loaf Cake ($21)
蛋糕實的的冇栗子味，雖然蛋糕裡有細小粒粒栗子，但都係食唔出有栗子味嘅！西蘭花菠菜甜椒蛋批 Broccoli Spinach & Bell Pepper Quiche ($33)
以前都出過一款叫田園西蘭花蛋批嘅，今次材料同樣有西蘭花，但蛋的成份比上次多一大半，蛋好滑；
雖然菠菜甜椒份量只漸少份，但都係好食嘅，只係最底的西蘭花連批底好咸。
另外係批底我食到有硬芝士，唔知係咪真係有呢？
蘋果金寶批 Apple Crumble Pie ($26)
好食！表面充滿牛油香味，裡面有大量好香甜的蘋果粒，記住叫店員叮熱Ｄ，咁樣表面先會更香更鬆脆。三文魚蘆筍蛋批 Salmon & Asparagus Quiche ($33)
面層有一條條蘆筍，不過已經冇哂蘆筍味，蛋同樣好滑，最底有一層三文魚，食過２次呢個批同樣都有Ｄ腥，批底黐住三文魚邊位特別咸。紅絲絨碎朱古力鬆餅 Red Velvet & Chocolate Chips Muffin ($18)
其實一直都唔知紅絲絨代表乜？有人用紅菜頭做，也有用紅色素的，呢個鬆餅就真係只有朱古力味，面層有片白白黃黃的物體又好甜，但唔知係咩來？紅絲絨即係紅色素吧，只係一個紅色普通朱古力鬆餅。 

蔥花麵包 ($13)
記得係台灣食過一次呢個蔥花麵包，今次係香港見到真係要第一時間夾起佢，麵包同台灣一樣大大隻，表面灑滿香蔥碎，麵包用上奶油和麵粉搓成，斬身好柔軟，香蔥帶有油份好好食，即時諗起台灣味道。

抹茶紅豆吐司 ($22)
半條吐司有厚切４大片，賣相很好，吐司用純鮮奶做成，口感窄實，但食唔出有抹茶味，紅豆粒都幾多，粒粒分明仲有沙沙的口感，都幾甜，整體係唔錯嘅。羅勒海鹽法國麵包 (Sea Salt) ($12)
麵包細細，表面抹上橄欖油及海鹽烘烤，皮脆内帶嚼勁，一撕開麵包手會沾滿橄欖油，以為食落會好油，又唔係喎，裡面有少少羅勒葉，好食。杏桃合桃包 ($20)
麵包幾煙韌有點果香，裡面有Cream Cheese、杏桃酸甜，原味合桃，呢個都好食。洋蔥海鹽法國麵包 ($12)
同羅勒海鹽法國麵包一樣，皮脆内帶嚼勁，有洋蔥香，但就係食不出洋蔥味，有少少失望。 

呢晚我地1930來到，唔使等位，但原來店子唔大嘅，估唔到上網睇相影到咁大啫，呢間半自助形式，先自己去Counter買野食、自助拎餐具倒水飲，買完野食有個數字牌，就等店員上餐喇。
餐牌其實都唔多野揀，我地好快都揀好食乜喇，以下是晚點的：
① 冰滴咖啡 Ice Drip Coffee ($32)
② 朱古力咖啡 Caffe Mocha ($46)
③ All day breakfast ($98)
④ 白菌茄子菠菜法式蛋批 配自家製栗子蓉 eggplant & spinach muchroom quiche ($72)
Total = $248

① + ② + ③ + ④=Total = $248

0

① + ② + ③ + ④=Total = $248

講真呢，我地食完都覺得普普通通，雖然２碟野食擺放幾靚仔，不過食物味道一般，定價稍為較高。

冰滴咖啡：感覺味道沒那麼濃，蠻清爽的，有微酸，但冇乜回甘，有少少失望。朱古力咖啡：睇落都幾大杯，不過就好多冰，味較啖，以呢個價錢來講就唔抵喇。 All day breakfast：呢個素材料順時針睇有：茄汁焗豆、半個蕃茄x2、烤菇x2、迷你牛角包x2、沙律菜車厘茄、炒蛋及少許菠菜；
來到見到都第一個感覺係幾靚仔，用叉想拮野食時就覺得冇乜野食，其實睇落幾大碟，不過材料都唔會係飽肚野，只係炒蛋比較滑好食外，其他味道都係普通，中間的一兜茄汁焗豆可以不理添，只覺定價比較高喇。白菌茄子菠菜法式蛋批配自家製栗子蓉：沙律菜好新鮮，其實我比較鍾意食有大量蛋的蛋批嘅，不過呢個法式蛋批都幾好食，裡面有大量菠菜咸了點，白菌同茄子溝埋左就分唔出食緊咩，菌味較出，批底好薄；栗子蓉好味。

芒果吉士撻 ($18)
吉士撻系列已經出左好耐，可以話係長期都有，證明都有質素先可以出咁耐。
呢個芒果撻用左呂宋芒，酸酸甜甜份量足，好食；牛油撻皮有一層薄薄朱古力，加上海綿蛋糕，中間就係吉士忌廉；
撻皮極鬆脆，仲好易碎添，海綿蛋糕普普通通，吉士忌廉好軟滑，幾好食。
藍莓吉士撻 ($18)
另一款吉士撻，同芒果一樣嘅，有大量藍莓果醬同數粒藍莓，酸酸的，都算好食。純厚乳酪撻 ($22)
呢個牛油撻皮比吉士撻皮更少少，中間有藍莓醬，被乳酪包圍，乳酪好似慕絲好滑幾濃，好味；中間有海綿蛋糕味淡，整體都幾唔錯。抹茶紅豆忌廉蛋糕 ($218)
初時見到帶咁多Cream都幾怕，不過又真係好靚，食落原來有好濃郁抹茶味，本身好鍾意抹茶果種微苦澀味嘅，抹茶忌廉幾滑又唔甜，唔膩噃；
裡面抹茶蛋糕夠濕潤，仍然好富抹茶味，但紅豆只得中間微微一層，略嫌少左Ｄ。

重開嘅家樂坊Starbucks佔地超過四千五百呎，有獨一無二的Starbucks Reserve™ Coffee Experience Bar，其獨有的咖啡用具及隨行杯突顯創新的星巴克，有訓練過的店員即場為你沖製咖啡，體驗更多不同手調咖啡。
呢到有３種冲調方法，包括價錢最高的虹吸、手冲及咖啡濾壓壺，同時有４款咖啡豆供選擇，店舖員講每隔一段時間轉咖啡豆的，揀左用邊隻咖啡豆再揀冲調方法落單，每種咖啡豆加不同冲調方法都係不同價錢嘅。
呢晚我地都揀左酸度同樣最少的豆，用最貴的虹吸法，見到店員即場量豆，磨豆再冲調，仲比我聞吓咖啡豆味，磨完更香，的而且確視覺與味覺都好享受；仲有嘅係想食野就去返對住bar位的普通Counter買喇。巴拿馬 Panama (Siphon) ($59)
氣味清爽，香氣有點香草味，入口後首先感受到微酸果乾味、有淡淡豆蔻香氣在口中散開，尾韻有微蜜糖甜香回甘，口感乾淨而順口。坦桑尼亞 Tanzania (Siphon) ($49)
中等濃度，輕柔酸度，飲落有提子乾的芳香，有香料香味同柑橘甘，有多層風味下味道好清新，好飲；慢慢用一片黑朱古力配搭，亦好配！聖誕薄荷朱古力咖啡 Peppermint Mocha (T: $42)
朱古力的確幾濃，入口薄荷味都幾出，不過飲耐Ｄ就越覺得杯Mocha好甜，而面層的薄荷脆糖呢...唔覺有什麼特別味道同口感，就係普通Mocha咯。香辣蕃茄醬貝殼粉沙律 Spicy Tomato Sauce Shell Powder Salad ($46)
係一年多前都食過呢款沙律，感覺今次貝殼粉少左，連醬汁都少了，也冇辣味添，沙律菜份量倒有很多也很新鮮，有３粒原粒黑橄欖都好食。

呢晚上到首選店要等位，落多層見到agnès b. LE PAIN GRILLÉ 有位喎，我地都諗住應該啱食啩，因為之前high tea過一次，呢到又靜靜地，就揀呢到啦！！
入座時間已經係2030喇，Last Order仲係2130，原來呢到收2200，不過我地為左有足夠時間食完去睇戲，所以好快已經揀好食乜喇，而且也好快上到枱添。
其實食物方面真係幾唔錯，雖然價錢較高，不過都可接受，只是我地眼見當中有個高職級的店員態度麻麻，唔止對我地的說話，而係對其他客人如是，不過當佢對住外國人又有另一種好的態度出現，這是什麼回事呢？
算吧~ 其他女職員態度都好好又勤力。是晚我地點了以下菜式：
① 薄荷朱古力咖啡 Iced mint mocha ($48)
② 現磨咖啡 Regular Coffee ($35)
③ 白酒忌廉汁煮青口(250g)配薯條 Mussels simmered with white wine, shallot & cream, served with French fries ($188)
④ 煙肉洋蔥法式餡批 Bacon & Onion Quiche ($78)
⑤ 無花果巴馬火腿沙律 Salad of fresh fig & Parma ham ($88)
Total = $437
10% Service Charge Total = $481

Total = $437 ; 10% Service Charge Total = $481 $ 481

0

Total = $437 ; 10% Service Charge Total = $481 $ 481

(前) 現磨咖啡：以我飲開的口味，雖然較淡，甘味同酸味都少，呢杯還可以。
(後) 薄荷朱古力咖啡：好薄荷，比星巴克的薄荷更濃也唔甜，朱古力味都算濃郁，好飲。白酒忌廉汁煮青口配薯條：賣相幾靚仔，聞到微微白酒味，青口細細隻，幾鮮肉質嫩滑；有２小碗醬點薯條的蕃茄醬普通，另一款白色醬汁我地都食唔出係乜；底下的白酒忌廉汁好好味，雖然幼身薯條唔夠香脆，不過點白酒忌廉汁一齊食都算好食嘅，
煙肉洋蔥法式餡批：本來想食蘑菇蛋批，但只剩下煙肉洋蔥餡，唯有勉強要佢啦！
雖然呢件份量唔大價又高，不過食落係意料之外幾好味嘅，批皮鬆脆唔會一切即碎；蛋滑有洋蔥味，更有大量洋蔥，煙肉又唔會過肥，配埋沙律菜食完都唔覺膩，好食。
無花果巴馬火腿沙律：份量唔大，無花果鮮甜好食，沙律菜新鮮連同帶咸的巴馬火腿一齊食味道幾均勻，唔錯。 

呢日我地1415來到，見到裡面都有好多人，好彩都唔係等左好耐，幾分鐘就有位喇，本來坐係張近窗高枱嘅，不過因為我地隔離仲有張枱係黐住窗邊的，每當佢有餐點要上，就要經我地面前或後面遞過去，對我地來講都幾困擾，所以見到下面有吉枱，就問可否轉枱，好彩都比我地轉，咁當然我地係未點餐啦。
未到下午茶時間，雖然Set Lunch都有６款，不過都唔多啱我地，見到有特餐，但要食特餐去茶餐廳仲好啦，最後決定散叫Share一齊食。
叫左幾款野食，１０分鐘內已經上齊，效率都幾唔錯，除了環境幾好外，店員都幾有禮，整體感覺唔錯。
至於食物方面，除左個薯條窄窄地外，其他都食得下，食物定價其實又唔算好高，只係飲品價略貴，但係呢個商場來講係食得過嘅。
呢日我地點了：
① 凍檸「檳」Lemon Champagne ($68) x2
② 野菌沙律 Mushroom Salad ($53)
③ 薯條 French Fries ($38)
④ 煙三文魚碎蛋沙律法包 Smoked Salmon & Egg Mayonnaise ($53)
⑤ 白酒煮蜆 Cllams in White Wine ($63)
Total = $343
10% Service Charge Total = $377.3

10% Service Charge Total = $377.3 $ 343

0

10% Service Charge Total = $377.3 $ 343

Lemon Champage：呢杯cocktail有驚喜，意大利sparkling wine加黑梅甜酒、Gin同Lemon juice。酒味幾濃又唔甜，食埋幾粒藍莓，呢杯好啱我。
野菌沙律：來到都幾靚仔，野菌暖暖的，份量唔大，材料分佈都好平均，如雞脾菇，香菇、沙律菜、青瓜、車厘茄等等，沙律汁少少酸幾開胃噃，全部都新鮮已經好。

薯條：唔好以為用鐵板上碟就熱辣辣，鐵板唔熱，薯條唔熱，炸薯條都幾油，又幼又腍，一Ｄ都唔脆，又冇調味咸味都冇，失望。煙三文魚碎蛋沙律法包：隻四方碟太大，擺碟睇落真係麻麻，不過食落都ＯＫ，法包唔香但幾脆內軟，夾住的咸咸的煙三文魚配碎蛋沙律味就幾夾；側邊有一大堆薯仔沙律，好Creamy，薯仔中間軟硬度剛好，不過沙律醬多了點，食完有少少膩。白酒煮蜆：蜆肉細細，肉質啱啱熟，少少香草加洋蔥白酒汁好食，我地用法包點埋Ｄ汁食，更正；只係蜆肉裡面有沙，我食到好多隻都有，呢樣失策左。