翅客(新馬路)

其實我比較喜歡食 添發 不過人總要試新野

次次都係去一d去過03地方 就太對不起自己

今次 選擇左 翅客 但 坦白講 不及添發!

我選擇左食 40元 翅少 預左, 但老實說 翅也不算少

我認為不可以的其實最主要係 湯底唔得 我個人認為添發湯底比較好

但坐位 就呢度坐得比較舒服 不過 我相信冇下次~

頤德行(李康記)(新馬路)

其實好多人話冇豆味, 我相信係來貨問題, 老實講 依家邊度仲好有豆味? 而且呢度豆味亦有 只係唔係極濃個隻, 最重要係 熱 凍 都好 豆腐花 宦好滑 真係要試下0架~

御廚(中區)

熱食比香港一般自助餐味道來得好, 只係有d位唔夠熱, 再熱d會更好~

一黎 我就忍唔住食 "花插" 即係d人所謂0既帶子
但我聽水上人講 呢d係花插 唔係帶子wor~
好味呀~~ 仲有牛仔骨 我呢隻牛魔王 至喜歡食牛仔骨
魚 我就選擇左魚鰭黎食 夠滑嘛~



仲有羊肉 蟹 都好好味, 可惜我怕殼太多 食左兩隻就收工......但味道好好0架~

之後 就係我最喜歡0既冷食 翡翠螺~ 我狂食呀~ kakakak
係甜品 就差少少~

本來想繼續再食 可惜同行朋友話食得多 對胃唔好 所以又提早收工 嗚嗚嗚~

我仲食左好多野~ 剌身啦 haagen dazs雪糕啦~
唔錯~

加米路葡式美食(新口岸)

西班牙海鮮焗飯 -- 真係唔錯, 好味, 又抵食 很足料 而且 料又多, 有元貝仔, 青口兩大隻, 蟹柳很多, 魷魚很大件 , 蝦仁, 材料同飯0既比例棲本就係一比一! 正!

白酒煮蜆- 酒同汁比例好好~ 正~ 佢唔比西班牙海鮮焗飯差0架, 我見少人提, 所以特別推介!

翡翠拉麵小籠包(屯門)

排骨湯麵 係我咁大個人第一口吃0既上海食品 每次我都要食佢
個麵還好, 頗滑, 不過個豬扒被鬆肉粉醃到太過火....外行人吃就可能覺得好好味
我自己就不欣賞....因有一點失真

雪菜咸肉炒年糕.....一上枱...細碟到呀........
都算了 吃一口, 咸肉乾而無味, 年糕只有淡淡的咸味, 還有"刀功精細的雪菜"
實在 有點失望....

小籠包 算是合格 其實也不算得上十分好
因為吃得出, 小籠包中的肉汁 是"外加"的 即以肉湯打上魚膠粉放入小籠包中
非小籠包的肉自己所出來的肉汁 所以咬下去肉汁是有的
可是包中的肉卻沒有肉味 不過這個做法 很多地方都是這樣子的了 見怪不怪.....

原本無意吃這一個 看到間離枱個女人吃了一口後大叫好吃
好奇下都叫了一客....發覺再度失望.....
皮 的確煎得脆口, 但這是應該的...煎的食物會不脆的嗎??
我反而覺得皮厚了一點......
肉汁很多, 也是"外加"方法 都說過了 是見怪不怪
早知道這樣 我就不會再叫一客了......

不過 話要說真話, 這一間店子 已經比上海婆婆好上了一倍
整體來說 OK 吧~~

寧記麻辣火鍋(旺角)

琴晚同d同事, 一共5個人幫親 宵夜時段(晚上11時後): 大人$68 [每5位送1位]
去到個場唔駛等位, 真好~

鴛鴦湯底 - 揀咗胡椒豬肚湯+四川麻辣 麻辣有麻唔夠辣, 反而胡椒豬肚好辣, 個湯底好濃, 正~



叫左超多野食:



肥牛-唔夠肥, 比較瘦, 勉強接受
粉腸-唔錯, 我朋友話有d苦, 我估應該係一舊舊0既問題, 我食個d一d苦都冇
豬潤, 豬腰, 鴕鳥肉-好新鮮
牛筋-好鬼林, 正
魚皮餃, 水餃, 雲吞,魚腐-ok wor, 特別係魚皮餃幾令~
粟米, 草菇, 金菇, 雞脾菇, 冬菇, 鵝腸, 炸魚皮, 脆肉鯇, 鱔片, 生腸, 蓮藕片, 雞片, 墨魚仔, 牛骨髓, 牛筋丸, 牛展, 墨魚滑...




d侍應唔知係咪俾人投訴得多, 特別多野講, 好似想打好關係咁....我唔係太喜歡
好多食物出面都比較少打得到~ 特別欣賞係個湯底!

唔錯, 是夜一人$91, 仲送左4張20元coupon (每100元用一張) 一個月內使用
返到屋企 成身都係麻辣味

季季紅風味酒樓(屯門)

每次黎親呢度 我都會打電話去訂一隻乳豬, 師傅就收到電話即刻燒

今次唔多人 得3個人, 但都係 order 一隻乳豬, 食唔哂 最多拎走~
之前有人話唔好食...但我唔覺, 可能我即order 即燒 即食, 好正~
仲有出面成隻乳豬都係俾 3行度
呢度 係俾足4行俾你 冇抽水
至於豬肥唔肥 我又覺得咁就唔關師傅事0既....最緊要新鮮燒 咁就正~
叫左乳豬之外 其實呢度0既文昌雞都好正 所以叫左一隻
水準冇下降到!! 好味~
之後叫左個冰梅骨 酸酸地, 都幾開胃~
繼續會黎食!!

泛后甜品(元朗)

昨晚, 跟朋友去試一試呢間, B仔就試得多, 諗住試下對面~
叫左個湯圓.....真係差到冇人有, 食0既時候 除左一粒之外, 粒粒都硬硬地, 明顯 唔夠身...
之後叫左個燉旦(凍), 仲差過我整0既水旦.....真係救命, 一定冇下次!!

河內越南餐廳(元朗)

今晚7點左右同朋友去左呢間餐廳~ 叫左一個越南拼盤: 內裡有4塊燻蹄, 4塊扎肉, 兩件粉包, 兩隻雞翼, 兩條雞絲春卷, 收 $58~ 比之前貴了5元, 份量少不要緊, 但味道一般; 然後叫了個咖哩牛腩煲: 這個很離譜, 說明是牛腩的嘛, 我們發現裡面的全都不是牛腩, 只是價廉的牛肉粒而已, 而咖哩並不是越南那一種, 有點掛羊頭賣狗肉; 火車頭特色河粉: 份量少, 吃完像沒吃一樣, 越南湯底沒味的, 味精卻是交足貨...... =.=" ; 香茅豬扒飯: 豬扒很"鞋", 不好吃......我們還叫了兩杯飲品, 這樣子就2百多元, 那裡沒裝潢, 沒環境, 份量少, 食物品質量差, 跟收費不成正比.....試過兩次, 下次都係唔黎好過 ~

金華燒臘麵家(中環)

這間商店價錢一點都唔平
老實說係中環我都冇諗住平.....

我叫了一碟燒鵝脾切雞脾飯
價錢竟是$75
後來他說沒有燒鵝脾, 那麼我要了一碟切雞脾飯
價錢$45
當然碟飯就沒有什麼特別
不過其實價錢都不是太重要
因為如果覺得唔抵大不了下次咪唔去
可是這商店營業手法好有問題

起初已經有人問我要唔要例湯
我話唔要
之後我發現台上有一個貼上宣傳佢地店內的例湯的保溫瓶
心想那應該是溫水吧...
因為我見到台台都有一個保溫瓶(不論有冇人坐的台都有)
點知我打算倒少少啦
一睇竟然係例湯
然後即刻有個老伯同我講你攪過個壺野呀?
我咪即刻係咁講'對唔住唔好意思我以為係滾水咋, 對唔住呀.....'
(當時我真係好驚, 唔係又屈我要埋成壺湯嘛, 幾草野喎......)
於是我係咁SAY SORRY.....雙眼都已經有淚水....因為個亞伯真係幾惡0家......
我不停咁SAY SORRY......
最後佢睥住我講'你唔整都整, 算啦...'
咁先唔駛俾佢屈咋.......

所以我係度提醒各位小心呢間野
我自己覺得唔係幾老實囉....