一向都是卓記的常客。

很喜歡以前在那個轉角的舖位，一邊食風、一邊食熱騰騰的粥那種感覺。外頭雖凍，但身體卻是暖暖的。

邊吃邊笑 --- 吃著綿綿的粥、笑著故意來吹風的自己，甚是過癮。

早兩年，報紙報導西環最後一寶（卓記）即將結業的消息，心中總是有份依戀一般的不捨。

卓記結業轉手後，雖然名字舖位外觀等等保留得一模一樣，但叫碗粥吃過後，也就知道事實終歸事實。

之後是有好幾回，隨著那些回憶，返回那個當風的舖子，叫碗粥叫碟麵，算是懷緬一下過去。

早幾天下午看完醫生，無心之下經過熟食中心，見到招牌寫著「卓記」，又寫著賣粥麵的，心想：難道是重開嗎？還是又純粹同名同區魚目混珠呢？

筲箕灣安利都有幾間了，西環之寶被報導過後引來翻版，又何奇之有？

返正都來到了，上去吃碟蝦米腸就知孰真孰假了。

上到去後，剛好三點收舖，無緣吃到；但見到一個有點眼熟的面孔，點燃了一點奇跡般的希望。

問過開舖時間後，決定下星期吃過再返工。（就在地鐵站附近，真是太好了）

今晨去到，看到滋滋地著、厚如磚頭的蘿蔔糕，就知道真是她了。

叫了一碟蘿蔔糕，叫了一碟蝦米腸，叫了一碗艇仔，還加一條油炸鬼。

艇仔好像比以前少料，但粥依舊的綿。

蝦米腸，一如以往的名不符實，因為那些蝦米大粒得分明是蝦干；吃過廿多年粥麵，也只見過卓記是會如此益街坊的。

蘿蔔糕也依然大大件、厚厚脆脆的，吃得人十分開心。

老板娘過來很窩心的聊了幾句，吃完身體暖暖的，心中也暖暖的。

失而復得的事兒，一生難有幾回。

試勻周圍D茶餐廳, 呢間價錢算相宜 (午餐$34).

食物確實夠鑊氣, 份量相比附近其他鋪頭真係夠食夠大碟.

頭先叫個翠玉瓜斑腩飯, 真係好多斑腩; 同事叫黑椒雞扒飯, 都有三塊扒.

呢個食材價格飛漲既年代, 好多餐館都加價又減料, 不過呢間就冇.

返工放lunch多數會搵呢間做飯堂~

天后有很多新款花俏糖水店，傳統口味的好像沒有，每次都要走到福元。但最近發覺多了這一間，試了兩次，感覺還不錯。

舖頭不在大街，而是在偏街的角落，是見到路上的「易拉架」才走過去的。

試了兩次，一次點了糯米麥米粥同芝麻糊，另一次點了合桃糊同燉雪梨，兩次都有加湯丸。

糖水味道很好，而且是即磨不是溝粉，麥米粥也脆卜卜。唯一微言是湯丸雖好味，但偏細粒，糖水也稍微細碗...

衛生環境非常好，相信會常光顧。

見到openrice十大有一風堂個名, 又望下食評有食家話媲美豚王云云, 於是諗住同老婆食返餐好既.

講到咁勁, 但其實我見門口無人排隊就應該掉頭走, 係我自己衰...

叫左一個豚乜拉麵, 一個味噌拉麵; 一個加雜錦料($30), 一個加麵底.

出到黎, 真係好似某食家話齋, o的湯肥到痴線...

一粒粒肥肉浮面, 又成層油咁; 惹味就幾惹味, 但肥到咁, 想飲多啖湯都費事...

料方面得o的葱同一片半非常非常薄兼且有四分三肥肉既.... 叉燒? 講真真係唔知咩...

加個雜錦料我覺得料既份量先算係剛剛ok... 但麵又係少到... 唉... 我老婆都叫細食, 佢食完都話唔夠...

埋單加埋一成 $180... 咁既價錢咁既質素... 環境又唔係好, 禮貌笑容又冇...

又冇味道食, 又冇裝修食, 又冇service食... 都唔知食左o的乜... 俾人食左隻車囉.

剛剛去，叫了一碟炒麵，一碟腸粉。
東西上桌後，阿姐問一句：「還有沒有其他？」
我回答：「沒有了。」
阿姐回過身，隨即遞上一碗茶。
很意外，愕然中向阿姐道謝一句。
細心得像媽媽一樣。

除左咖哩牛腩入得口之外, 其他都好難食... 我食野都算好唔揀擇, 可以講得出難食既就真係好難食...

o的薄餅又細又扁又唔好味... 又唔係印度nan, 又唔係油酥餅, 唔知係咩, 總之唔好味...

咖哩雞既雞竟然係切雞, 有皮有骨仲要咸(切雞咁既咸).

番茄魚水汪汪, o的魚用倉魚, 有骨, 仲要腥既...

都唔知佢想整咖哩定想整 fusion 菜...

冇下次.

o岩o岩去完馬拉媽媽, 食左個二人餐; 約7點幾8點鐘幫襯, 埋單$130 :
- 特式喇沙 (太太食)
- 肉骨茶飯 (我食)
- 通菜 (一齊食)
- 加央多士 (一齊食)
- 熱檸蜜 (太太飲)
- 凍柚子蜜 (我飲)

今晚食完今晚寫食評; 從未試過咁快, 今次破例.

因為太太食完碗喇沙, 半個鐘頭唔夠就已經響車上嘔一次; 返到屋企又再嘔一次, 加痾一次.

冇下次.

食晚飯, 叫左素菜餃, 翠肉瓜餃, 皮蛋豆腐, 西芹豆乾, 淨麵.
兩個食, 好飽.
西芹豆乾太少豆乾, 得三兩條...
皮蛋豆腐好食~
o的餃字脹卜卜好足料.
食過幾間餃子既舖頭, 呢間最大粒最好味~~

本來想同老婆去坤記食煲仔飯, 點知冇 book 位俾人踢返出黎... (我都已經6點幾去到...)
後尾就走左黎食蛇o勒~ 反而仲好添!!
地方鬆動又企理, 老細同老板娘又好殷勤, 未食都已經好warm~~

叫左個蛇餐加大 ($66 + $22), 仲要左個菜 ($14):
- 蛇羮 (加大左, 夠兩位食有突, o的蛇肉仲要一梳梳, 食到尾都仲有)
- 五蛇湯 (好大碗, 都係夠兩位食)
- 單腸糯米飯 (叫左蠟腸, 碗飯好滿, 滿到直頭呢個 icon 咁)
- 菜心 (好大碟, 抵到爛!)

自己食過幾間蛇: 蛇王燊 (灣仔), 蛇王芬 (中環), 蛇王海 (呢間)

蛇王燊, 份量足, 蠟味糯米飯尤其一絕! 碟菜同蛇王海同價, 但份量就少一半以上...

蛇王芬, 唔好去... 份量少, 用料少, 貴到離譜, 物非所值... 睇黎佢都係做遊客生意...

總括黎講呢間最好最抵, 份量最多, 味道都好好, 地方又舒服.

2011年6月26日, 父親節大日子, 一家人同爸爸黎呢度食飯.
諗住食好o的, 點知佢交o的套餐質素貨仔出黎...

價錢比平時貴: $200一個人, 再要加一.
早知係咁, 我唔使黎呢度啦! 求其一間齋舖得啦!!

我都唔識講...
味味送都係求求其其, 普普通通.
以前o的巧手野心機野冇晒; 份量又少; 味道都唔知點講...
總之今餐色香味俱無啦!

埋單收我2000大洋, 但其實今餐我俾盡8舊.

離晒譜...

黎呢間舖頭冇10次都有8次.
果時真係味味菜色都有驚喜.

呢兩次之後再去, 的菜色明顯地冇再咁有心機同冇咁好味.
但都不至於好似今次咁!!

由最開頭開業就已經幫襯. 但真係睇住佢壞...

算啦, 我下次唔會再幫襯架啦.
出去另搵一間好齋舖算啦...