為食貓411 等級1 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2021-01-08
已經好耐無寫過食評喇，今次令我可以的起心肝動筆嘅係姿味坊⋯ 舊年7月決定喺大澳搵個地方，等我可以有個「週末桃源休息室」，同朋友嚟睇屋，行到攰攰地又熱辣辣，於是就入咗姿味坊諗住食個下午茶。一入到鋪頭，老闆娘二話不說就打開雪櫃拎壺凍水俾我哋，加多句：「出面好熱呀，隨便飲住先，唔使客氣」。嘩嗰一刻感動到呢⋯ 跟住我真係每個週末都會入大澳住，而落去市集買餸同埋入去滋味坊食嘢，就成為咗我每個星期必做嘅事。 試過尼度好多出品都非常之好味，絕對唔會令人失望！其中我最欣賞嘅係黑椒雞扒飯，雞扒炸到外脆內軟，加埋黑椒汁簡直係完美嘅配搭！另外仲有豬扒包，豬扒好淋好入味，加個烘脆咗嘅包，仲有杯又香又滑嘅奶茶，真係正到暈！ 第一次叫飯嘅時候，我問老闆點解碟飯咁大碟嘅？佢話因為佢覺得一定要俾人食飽。嘩！呢啲良心店喺邊度搵呀？我相信呢度啲嘢好食嘅原因，除咗係因為老闆對食物嘅用心烹調，另外仲加咗一份濃濃嘅人情味！喺人心不安嘅世代，呢度真係一個清泉⋯ 
評分: 味道 5 環境 4 服務 5 衛生 5 抵食 5
2009-12-07
阿拉斯加長腳蟹 + 燒牛肉+咖喱 今天母親生日，聽聞這家自助餐11月1開張，所以全家來試試 魚生：新鮮太不太肥美 阿拉斯加長腳蟹 ：很鮮味，很好 燒牛肉 ：普普通通 咖喱 ： 標籤 說是羊肉，但其實是雞肉…味道不錯 甜品：選擇不多，不太甜，尚算可以 雪榚：是 Movenpick的出品，除了阿拉斯加長腳蟹以外的推介 到點咖啡茶時，侍應竟然聽了一半order才驚覺自己應該記不到9杯飲品，要到櫃台拿紙筆記低。實在有點失策。 總括來說在銅鑼灣找到二百零元的酒店自助餐是一大驚喜，但仍有很大的改善空間 
推介美食: 阿拉斯加長腳蟹 + Movenpick雪榚
評分: 味道 3 環境 4 服務 3 衛生 4 抵食 2
2009-11-23
天氣寒冷，放工後跟同事來吃飯。 兩個女仔食，點了雙冬羊腩煲及 百花釀魚肚加糯米飯。 羊腩煲 ($148送時菜一碟): 很好味，每一塊也是腩，是名乎其實的羊腩煲。這裏的羊腩煲除了冬筍冬菇，還驚喜地有栗子，外面其他食市已經很少有了。支竹吸了湯汁，很惹味又不會太鹹，好味到要另加一碟支竹。 百花釀魚肚 (忘了價錢) : 清清地好好味，加了蟹籽令口感十足。與羊腩煲一濃一淡感覺很好。 糯米飯 ($20一碗): 這是我每年冬天的至愛，熱騰騰的很足料。飯是一粒粒的，不會太黏又不會太硬，應該真的是生炒的。味道適中又唔油膩，真的做得不錯。原先覺得$20一碗有點貴，但試過便知值回票價。 這餐飯吃的很滿足，男爵絕對可以成為我的飯堂。下次一定要試鎮鋪口水雞。
推介美食: 雙冬羊腩煲+百花釀魚肚+糯米飯
評分: 味道 5 環境 4 服務 4 衛生 5 抵食 4
2014-04-18
愚人節食同朋友食放題，點知做咗愚人，一肚火！
- 手卷D紫菜一D都唔脆，因為D飯係暖嘅，整淋晒 - 串燒全部都燒到乾爭爭，柴皮嘅！ - 清酒煮蜆無味嗁！ - 刺身好瘦，一D 都唔肥美 - 其他已經唔想再講喇！ 至於服務： 啲staff完全目不鈄視，叫極唔應，攞嘢嚟又超大力放落枱，想嚇死人咁。最癲嘅係見到佢將隔離枱食完嗰個火煱唔整熄個火就拎走放落個污碟盤度，唔燒著真係算好彩喇！我都未試過食放題，食完之後係唔飽但又唔想要叫嘢食嘅。最後想埋單，全個餐房一個staff都無，老遠櫃台個staff又見我地唔到，卒之等咗成10分鐘至有人理！簡直離譜！ 真係差到不能！一定唔會有下次！
評分: 味道 1 環境 3 服務 1 衛生 3 抵食 1
|
0次成為首位寫食評會員
食評數目
編輯推介數目
0
會員推介次數
5
人氣指數
686
留言數目
上載相片
上載影片
我推介的食評
我的餐廳
關注
0
粉絲
2
雙冬羊腩煲