久仰大名，周邊朋友都話呢度出品「正」又話好多食評人都比滿分。可能今次自己闖進去，只係滿肚子受氣 連續幾日都爆滿，訂枱訂到晚上九點半，去到原來要搭枱！如果話俾我聽要搭枱，我係唔會去！ 訂枱的時候預留了鹽焗雞，去到竟然同我講賣咗比其他客人。如此混亂不堪，不如話冇得預留食物，來到有就有。 見到大家都話「上湯大蝦煎米粉」係必定要點的食物，所以一心黎試吓。不過出品就唔係想像中咁好！米粉確實煎得好香脆，不過冇味。蝦的大細距離大蝦有一段好大的距離。 我哋點煎蓮藕餅結果來的是「鹹魚煎蓮藕餅」喊到不得了吃不到蓮藕，應該改名「煎鹹魚肉餅」。 大蜆蒸滑蛋，豉油蓋過了蜆的鮮味，很多其他地方也可以做到這樣的蒸滑蛋。呢個餸點左三次先點到，伙計的服務真的要改善。 一行四人，希望越大，失望越大！大家離開的時候只有三個字「冇下次」。

假期諗住去試吓新野，點知失望而回 網上見到2017年十大應該要試的Afternoon Tea, Ritz Café 103 同 Qeelin cross over，未試過此酒店的Afternoon tea，睇相好似幾得意，一心諗住去試吓好嘢，點知 只有門口呢個公仔得意 Afternoon Tea 的 Scones 是其中一個主角，可惜這個 Scones 是凍的。隔離枱要求焗熱，結果也只是微暖的。 jam & clotted cream (唔夠軟滑） The Ritz London, Mandarin Oriental HK and Peninsula 是吃Scones 的不二之選！ Croissants牛角包🥐是軟林林的。唔好話同「MO」比，佢連普通「東x堂」麵包舖也比不上。 這個芒果撻已是全個下午茶最好食的，不過熊貓的眼畫得求其。 Qeelin Macaron 只有甜，吃不到其他味道。 他們應該向地下大堂的Pierre Herme 請教。 點了 English Breakfast Tea, 侍應給了奶同糖，可惜茶匙欠奉 五星級酒店收五星級價錢，卻遇到服務食物 應該唔會再去啦！因為服務好差，帶我們坐下後，餐牌都唔俾，想叫第二個侍應，佢哋好似「你睇我唔到，你睇我唔到咁」叫侍應埋單俾錢都要叫兩次

去過幾次都係自己買海鮮上去加工。今次只得兩個人，所以試吓佢啲套餐，原來好抵食 因為曾經試過喺西貢「全x」「通x」吃個海鮮套餐，以後就怕怕 我們點了每位＄218的套餐，估不到有這樣靚的花竹蝦，自己去買都要百幾二百蚊。 我問老闆花竹蝦是否新鮮？如果新鮮就白灼吧！ 結果真的非常鮮味值得一讚 另外吃了蒜蓉粉絲蒸蟶子皇，果皮蒸龍躉下巴 不過鎮江一字骨就失準了 密椒雞中翼，就是一貫的好！ 原本應是特色湯泡飯，但朋友不喜歡吃泡飯，特意要求老闆更改為少鹽少油的炒飯，結果真的炒得不錯，真的少鹽少油 最後的芒果布甸也是值得推薦

標榜健康，簡單，新鮮而精美的食物。可能算是健康，新鮮，但算不上精美。 食物算不上精美，餐廳的服務也欠奉。 最令我不滿的是他們既然銷售食物，但由於客人太多的關係，沒有足夠叉子提供給客人。兩次要求一位服務員提供叉子，但食完野也沒有供應 結果兩人用餐，共用一隻叉 解決方法有幾種：買多10零20隻叉或是提供外賣膠叉；或者暫時停止銷售食物，只賣咖啡。 餐廳不提供咖啡糖，又是標榜健康，不過我覺得可以給客人自己選擇落糖與否。 咖啡味道及香氣一般 食物賣相有點凌亂，也吃不到黑麥啤麵包的味道。 薯條說是新鮮焗製，但一點也不香脆 手打黑豆雜菜豬肉漢堡扒，就只是加了一點菜，所以看似健康一點，味道一般。

10日內去了兩次南記，但第二次去的小菜質素十分失望。 除了最精彩的芝士脆焗龍蝦和蒸魚外，其他菜式也非常失望。 朋友話今次的芝士脆焗龍蝦，是咁多次當中最出色的龍蝦是在「關財記」購入，非常新鮮師傅焗的時間也是恰到好處，龍蝦非常彈牙爽口！ 另外買了一條海杉斑，約一斤左，右師傅也蒸得非常嫩滑。朋友叫了兩碗白飯吃此海杉斑。 另外叫了椒鹽鮮魷，也非常出色，炸得很好火候，魷魚仍很嫩滑。 另外點了沙拉骨和葡汁四蔬，可以話係此餐廳的敗筆 沙拉骨和豬扒一樣，只是將一件炸豬扒切開，大大件，混混亂，然後求其加啲沙律醬，我們對此菜色非常失望。 另外葡汁四蔬，是人生裏吃最難食的食物之一。他們竟然用上菜心，芥蘭，同經理查問，佢話有四種蔬菜就係啦！葡汁只是一Pat黃色漿糊，沒有味道。整得咁核突，請在菜單內取消此項菜式！此餸菜將一貫好評的食肆蒙上污點。請取消此垃圾食品

又一下着雨的下午茶時段，心血來潮想吃蛋牛治，突然跑到鄭榮記試試。熱茶走和凍好奶茶也做得出色茶味香濃，入口順滑。 蛋牛治的炒蛋，沒有太油膩的感覺。即叫即整，來到桌上也熱辣辣的。另外他們有鮮牛治，下次可以試試。 最後叫伙記大哥取一杯水，出乎意料地佢問我：你係唔係食藥？要凍水或是滾水或是暖水？好多出名的茶餐廳，現在也做不到這樣的服務。還記得最近一次在跑馬地祥x茶餐廳或大型連鎖翠x茶餐廳,佢哋都只會俾一杯滾水你，俾咗杯水你，你都熱到飲唔到。真係冇想過這樣普通的大排檔，會有一份窩心

原本為了再吃蝦多士和黃橋燒餅，所以再次去明閣，但竟然改了餐牌，這兩款好味的點心和小吃也取消了，非常失望！ 所以試了鵝肝荔甫芋角，炸得出色，並不油膩。中間小小鵝肝提升了芋角層次，也沒有這麼飽濟。 另外蒜香蝦春卷也同樣出色皮薄餡靚，也不油膩。 蜜汁叉燒腸，一如以往，做得皮薄晶凝通透！ 荀尖鮮蝦餃，皮薄餡靚 野菌生煎包，今天煎得比較油膩。

已經有五六年冇去美國，一直很懷念美國的Cheesecake Factory。以前每次去美國，必定跑去食一兩餐，或是外賣蛋糕。上年開始已經打聽到它會進駐香港，但一直都未有確實的開業時間。現在終於開業了，一定要跑去試試，裝修和美國的餐廳一模一樣，餐廳裏大部份都是年青顧客，服務員也是年青一輩，感覺充滿動力。 為了避免排隊，選擇了晚上10點後跑去吃一件蛋糕。餐廳仍然滿座，氣氛高漲，也算是好彩，剛剛有枱埋單才有位。 一坐下，二話不說的點了Cheesecake！因為一進門口便看到蛋糕櫃，已從多款芝士蛋糕揀出今次想試的口味！ 兩款蛋糕，芝士味濃郁，質感軟身似食cream，不太膩，貪心的想吃兩款，結果仍是吃不完，所以如果吃完主菜後再吃的話，最好2人share 1件！ （下）Vanilla Bean Cheesecake 香濃的雲呢拿芝士蛋糕上配上雲呢拿mousse （上）Key Lime Cheesecake 是芝士蛋糕版的青檸批，雖已配合雲呢拿芝士蛋糕餅底，但酸味實在太勁，再要加上cream才可食。 單計芝士蛋糕的款式已超過30款，經典原味、士多啤梨、朱古力榛子味外，The Cheesecake Factory亦與不少朱古力牌子合作，推出特別口味，如Oreo、Godiva芝士蛋糕等。下次會再去試一些濃味的朱古力芝士蛋糕 除了甜品，The Cheesecake Factory亦有一系列鹹食，如沙律、薄餅、三文治等，分量極多，足6-8人分享！他們的價錢，有這個份量，算是非常抵食！

已經係第四次來「壽司源」！喜歡它清雅高貴的裝修，富有現代感而不俗氣。今次出奇地好彩，唔使早一個月訂位，竟然比我們訂到六個人座位，仲要找到言師傅。 這件甘綢魚，魚皮焗得香脆，魚肉香嫩甘香。 呢個係野生吞拿魚腩，其實係四層薄切。 言師傅話呢條野生吞拿魚，條魚比較大，所以D魚筋比較粗，薄切可以切薄埋D筋，令你食唔到有筋，薄切仲可以令件吞拿魚入囗即溶 牡丹蝦，最特別嘅地方是燒過的蝦膏，提升了牡丹蝦壽司的層次。 朋友說他很喜歡醬油漬壽司，言師傅特別給他做了吞拿魚醬油漬，油漬時間剛好 今次的前菜是微辣的明太子魷魚，不喜歡吃辣的我就覺得一般了。 左口魚薄切，OK 言師傅知道我們大食，特別加了燒飯糰 䲞魚青湯，雪糕作結尾 ＄800的「Omakase 」可說是 物超所值，所以才會吸引我們老遠乘車前去。 另外，Dickson 的優質服務，絕對值得嘉許。我們點了sake , 他幫我們安排好飲用嘅先後次序去配合食物。

朋友知道我鍾意食拉麵，又知我最近未能去東京喇！所以佢誠意推薦我去試一試葵芳呢一間來自日本涉谷的拉麵店，等我止癢。 晚了一點到達，不用排隊 我點了俺流熟成濃湯拉麵。 湯底係用雞骨、豬骨、香葱餚成。這個熟成濃湯比起一般拉麵店的豬骨湯淡味少少，但我可以肯定佢係冇味精，因為食完之後唔會好口渴。以前試過喺其他拉麵店，食完豬骨湯拉麵，飲咗大半公升水。 呢度嘅叉燒比一般拉麵店厚三倍，我十分喜歡。 玉子還可以，但兩隻蛋一隻靚，一隻唔靚。 好多種唔同嘅醬料擺喺枱面，包括梅子醬、柚子胡椒、黑蒜蓉，全部任加，可以自己調製自己碗麵嘅味！不過我今次冇加，想試吓原味。 其實朋友係誠意推薦人氣「黑蒜油熟成濃湯拉麵」，不過今日唔想食咁濃味的，下次有機會，會再來嘗試。