本來只係想去另一間cafe坐下 點知行行下見到佢 個位都幾隱藏唔易見到
一去到又有雪糕又有好多蛋糕 非常吸引 當我係蛋糕櫃睇緊花多眼亂既蛋糕下
店員就為我介紹左幾款唔同口味既蛋糕
最後揀左nocciolo-triple hazelnut crunch cake同店員姐姐推介既pistachio tart
先講pistachio tart 我好少食開心果既甜品 但呢個令我愛上左開心果
外面係開心果既cream 不會太甜仲有開心果既香味而中間就有一層吉士既cream 食落兩種味道好夾
而底層既tart 也好鬆脆加上少少朱古力醬真一流!!
nocciolo-triple hazelnut crunch cake 就好濃既榛子醬係中間 底層有朱古力脆脆
最值得一提就係果粒細細的馬卡龍 雖然佢細粒但仍然做得馬卡龍既口感 非常好味 值得一讚

今次一行四人去試韓國炸雞 雖然訂左檯 但仍然要等一陣
反正我地早到左就係外面吹吹水 店員都好識做 比餐牌我地可以幫我地落單先
我地就叫左一個蔥炸雞同芝士炒辣雞年糕 不久就有位安排我地入座 坐落後店員拎左兩碟小食
白蘿蔔同椰菜絲都好好味 酸酸地好開胃  可能我地落左單先好快野食就到
我地未試過一餐飯會密密食唔出聲 大家都覺得好食到唔想出聲 只想食 哈哈
先講炸雞 外皮炸得香脆鬆軟但一點都不油膩 雞用多汁彈牙仲好幼嫩配埋蔥一齊食 真係會食上引
而芝士炸雞年糕 芝士可以拉絲的!!用左韓式甜辛辣醬好配 會一試難忘

今次已經係第二次幫襯 上次食既時候 聞到隔離檯個扒餐好香 所以今次專登黎試試
叫左個牛柳鐵板餐 果然無叫錯 牛柳好有肉汁 唔會太林身好似比太多梳打粉醃制後那種 一口咬下去
軟身而彈牙既口感真係難以形容
朋友叫的係大蝦雞扒飯 雞肉很嫩 蝦很鮮甜
另外想讚一讚係佢地既醬汁 味道濃淡岩岩好 唔會因為醬汁而搶走肉類或海鮮本身的味道!!

當日可能差不多到了晚飯時間去 比較多人 檯同檯之間的空位也好狹窄
沒有那種舒適感 看了一輪後 點了一個天婦蘿蝦烏冬,炸雞定食,迷你芝士豚肉餅,
草莓曲奇窩夫,香蕉朱古力窩夫,蘋果茶
食物都是一般的不是很好食 也不算是差 ...值得讚讚就只有芝士豚肉餅的芝士好多好濃味
窩芙就不像平時的會脆脆的 反而是軟軟林林的  不是差 只是沒有了蛋香 其他配了搶了窩芙的味道

經過大圍離食晚飯時間仲有一段距離 見門面好優雅 所以決定入去飲杯咖啡傾下計
睇過餐牌後決定坐外面 剛剛好五點左右 日落既時間 天色很浪漫
第一次來而且想飲比較有特色既咖啡 所以就翻了多次餐牌 因為餐牌上的都沒有圖片提供
最後見到一杯叫"溶" 既咖啡 就問問侍應 呢杯係咩黎 佢話入面係朱古力 再有一杯Espresso倒入朱古力
一聽到朱古力當然想試試 朋友就叫了一杯薄荷咖啡
外面的位置 大約有4張檯 空間位不算太多 但非常舒適 可惜是外面有一條馬路 有車輛行過時會嘈雜些
入面就有種懷舊的氣紛 燈也黃黃暗暗的
不久飲品就到了"溶" 果然特別 比想像中美太多!!外觀已經好吸引 內裡更驚喜...初初我們想點樣把朱古力弄到杯子裡?
要把它打碎?之後醒起Espresso 果然一倒就溶掉 名字既來源原來是這樣
當全部既咖啡倒進搞拌時發現杯子內還有滿滿的朱古力粉 入口那一刻真係整個人都溶化
以前常常一飲咖啡就叫MOCHA 但有時候的MOCHA 會太濃咖啡沒有朱古力味 一係就相反
有時也不幸喝到有點酸味 但這個不會 Espresso本身就好香 香濃的朱古力也不會沒有咖啡味
這個配合太讚了
而薄荷我本身唔喜愛 所以沒有點嘗試 但看他的色澤咁分明 也不錯

不經不覺坐著就已經過了兩小時 下次一定要來試試其他餐點!

記得第一次食班尼狄蛋係澳門的酒店 之後香港愈來愈興食
今次就試試呢間 當日一早就去到 點左一個三文魚班尼狄蛋 一杯伯爵茶底層既麵包好鬆軟 牆汁既酸度剛剛好 加上三文魚真係好好味
而且好幸運跟著麵包來切 竟然切到不流心 可以嘗一嘗這種口感 好似食溫泉蛋的一樣
入口就有大量既蛋汁擁出來! 而另一個我就用返 平時既食法把蛋汁先流出來 一樣好味
另一提佢既沙律都好好味 好新鮮加上黑醋 甜甜酸酸好開胃飲品就叫左伯爵茶 茶味好濃 更有配花奶 令茶變得更幼滑
以一個Brunch黎講 比足一百分!!

大圍原來都有很多美食今次就揀左呢間甜品黎試試
主要目的係想試桂花燴梨 梨子本身好林 加上用桂花去燴好清甜再配上紅莓雪芭 正!!
另外我地試左咖啡凍 好彈牙配滑滑的雲尼拿雪糕 也不錯
焦糖燉蛋就差少少 要食到中間位先夠滑
香蕉班CAKE 就差在香蕉係外面 不是在班CAKE 內
最好食反而係豆腐花 原桶上好得意 好有豆味 夠熱夠滑!!

經過九龍城 不得不黎食呢度食蛋糕不過最可惜既係佢地冇堂食
今次就買左4件返屋企 買左一個 Diamond , Chocolate Truffle,
Raspberry St' Honore Gateau ,Strawberry Blush Diamond最有驚喜本來以為佢好硬點知入面係牛奶榛子cream配下外屠既朱古力 真係寧人讚不絕口
Chocolate Truffle 外層既朱古力醬好滑 入面又有拖肥cream仲有脆脆
Raspberry St' Honore Gateau 就泡芙配上紅莓同朱古力cream 每一粒泡芙上面都有焦糖漿
Strawberry Blush 底層係士多啤利配上白玫瑰奶凍 再加埋黑醋好特別喔

下次一定要試佢既玫瑰花蛋糕

之前一直都想試但次次都座無虛席 今次有位啦! 入面地方唔大 只有幾個靠牆位
最搶眼就係門口的飾櫃 放滿各種不同口味的乳酪 真係花多眼亂
最後揀左Happy 2013同焗麵包布丁
麵包布丁好好味 蛋味好重配上紅莓醬好新鮮
Happy 2013 就是一個藝術品 乳酪內有木糠碎,面頭淋上芒果汁 更有士多啤利 藍莓圍著
最精緻就是放左朱古力條上的蝴蝶 本身以為好甜的 但原來口感好像紙一樣
乳酩本身都好好味 不會有太酸的味道 也相當滑身

假日想寧靜一下 西貢係一個好選擇 今次假期揀左去試一試西貢既afternoon tea
一到門口就會覺得自己唔似身處香港 實在太靚
一開門 鋪頭唔算大 右手面有部鋼琴 上面放著一d 小禮盒 環境以藍白色為主 每張檯上都有一瓶玫瑰花
相當優雅侍應生為我地安排好位置後 我地就要左set afternoon tea 今次我就要左伯爵茶
茶味好香 也可以消濟 不久tea  set 就到了
每一款都好精緻 咸點有鵝肝配青蘋果 鵝肝入口即溶 配上青蘋果去走油膩的感覺
黑椒大蝦 蝦十分爽口,巴馬火腿配哈蜜瓜 火腿比一般的清淡又可以食到哈蜜瓜的甜,
煙吞拿魚多士 吞拿魚咬落既口感似肉 比較紮實

甜點柚子cheese cake 比較特別 芝士味唔太濃郁 柚子味淡淡的,4種味的scones! 無花果，松子仁，原味，提子 平時的scones 只有原味多 但今次的就口感比較有層次可食到有點像果仁的
天鵝形的泡芙 好靚唔捨得食 泡芙既cream 好滑,朱古力杏仁脆脆 深色的就像黑朱古力 淺色的就有點像麥提莎

整體的感覺就是咸點比較出色 但如果想去食甜品既high tea 就有少少失望
但也不失為一個high tea 既好選擇