數年前不經已光顧過Tasty Fabio經已愛上，成為約人食飯的選擇之一，今次再光顧，食物仍然有水準，服務亦係咁殷勤，抵讚 首先奉上蟹肉忌廉湯，落足料，食到啖啖蟹肉，而配上的Salsa醬多士就比以往的失色左，酸味不足，似普通蕃茄蓉 之後前菜我地㨂左煙三文魚沙律及炸生蠔，炸生蠔有意外驚喜，粉漿恰到好處，又唔算油膩，似係廣島食到的炸蠔 主菜分別選左燒海鮮同新西蘭西冷牛扒 首先奉上燒海鮮，雖然要成3xx,但係分量超多，分別有一大塊三文魚柳，兩件鱸魚，三件蝦及帶子，火候掌握得好好，沒有過熟/過生，不過食完呢份燒海鮮，我地經已飽 之後上場的西冷牛扒，實在對廚師很抱歉，我地呈現飽的狀態，所以只能由得份牛肉擱置係一邊由於放涼左加上件牛比較多筋，所以感覺有d失色，但相信如果一放上枱就食，肉質會再鮮嫩d 最後上場仲有甜品同餐飲，甜品分別有朱古力mousses 同奶凍，都話女人有另一個胃裝甜品架啦，明明好飽但都食得晒呢兩款美味的甜品 埋單大概640，食物好，待應好貼心咁不斷幫我地加水，每道菜又幫我地換碟，呢個價錢真係物超所值。

放學後在附近的街道搵飯食，隨意走入這間，不過有d嚇親，因為8點幾竟然空無一人，再睇返呢度對上的食評⋯⋯⋯2015年！！！開始有點擔心

我地點左一個辣海鮮湯麵同石頭鍋飯，首先係前菜五小碟奉上，一試入口，正，絕對唔係果d無味的現成貨，應該係自家製品

之後黎左朋友的海鮮麵，嚐了一口湯頭，嘩，真係有海鮮味架，平時食個d都只係得辣味，而呢個係食到海鮮同辣的層次，仲見到裡面有幾隻蜆

最後到我的石頭鍋飯，熱辣辣，仲聽到咋咋聲，好耐無係香港食到咁正的石頭鍋

以這間餐廳的食物質素無理由咁少人食，可能係佢的位置唔算當眼，係附近琳琅滿目的韓國餐廳選擇下，佢變得唔顯眼吧

下次再約下朋友黎試下韓燒先

秋風起，令人想食大閘蟹同蛇羹，今次鳳城推出呢個團購餐包含晒所有秋冬進補的食物，除左大閘蟹同蛇羹外，仲有羊腩煲，糯米飯，絕對係一次過滿足晒所有願望 食物唔差，不過上菜出左問題，我地等齊人先叫上菜，但等左成個鐘，眼見隔離枱差唔多叫上菜的，都食到七七八八，追左好多次，其中一個先話寫錯枱號，所以先無上過菜…… 第一道先嚟的係脆皮鹵豆腐，由於大家等到好肚餓，好快就狂風掃落葉清左 接住就黎主角之一，大閘蟹，三四両重，雖然細細隻，但蟹膏勁多，係度食蟹腳時都有蟹油流出黎，d蟹肉都好鮮甜 之後陸續上蛇羹，豆苗，羊腩煲，糯米飯，好滿足的一餐

上星期五去左連城廣場食晏，原本諗住去最愛的越棧，不過見有咁多間食肆，當然要四圍望下有咩吸引啦~ 行到去freshness burger眼前一亮，見到一個lunch set的banner，有意粉又有扒類，包飲品及湯，都只係$39蚊﹗

我點了一個牛扒餐，首先奉上的係一杯粟米湯，杯粟米湯好好飲，比起平時個d本地牌子罐頭湯好味好多 (唔知係咪d日本牌子嚟既呢？﹗) ，夠滑夠味 (雖然無咩粟米)。之後就等到個扒啦，兩塊大大的扒，又幼又嫩，好食過好多餐廳，仲有一大堆格格薯塊，整體都好滿意呢~

第一次到旺角的Applegreen分店食飯，無論係服務、食物、設施的質素都好好呢~ 整間舖頭的設計都令人感到好舒服，好relax，由於一早book了枱，我地三人被安排坐係一個角落位，雖然好隱蔽，但係我地無被忽視，d staff經常都行入嚟睇下我地有冇咩野需要，very good﹗
我們點了 steakhouse, potato boat, sausage platter, buffalo wings，味道都ok，最好食既係sausage platter，超正﹗另外再點了飲品，lemon squash同茶，呵呵，有得refill呢﹗

之後再有機會去埋尖沙咀的正店…感覺好嘈雜同好迫，因為間舖頭好細，但又多餐枱，坐得唔舒服，食物都一樣有水準，今次仲試埋applegreen crispy，好好味呢… 不過，我覺得這裡的service無咁好，有d好似senior的只係行行企企，得一、兩個好忙碌咁左穿右插，下次都係去返新世紀個間囉~

之前係openrice度睇過食評介紹見評價都唔錯，於是今日去了食tea buffet…

以佢的價錢，其實預左選擇唔多，但整體都唔錯喎，有不斷refill的魚生、壽司、salad bar又有細細隻的龍蝦仔、粥、即製的麵、pizza、串燒、又有十多款熱盤，甜品選擇好多，而且都好好味，有兩個(黑、白)朱古力噴泉、亦有兩款movenpick的雪糕 (最初只有vanilla同strawberry，後來隻vanilla食晒，佢竟然換左chocolate出嚟，正﹗)

服務都唔錯，較為差的係有一個女仔酙水時好心急，差d撞到我地，環境也很好，坐得好舒服，唯一可惜的係我地今日遇到一枱有著一大群小朋友的食客，好嘈吵呢 ﹗

由於朋友有member咭，買單有discount呢，好抵食﹗

首先，係未講食物之前，先講下服務態度…由於見過之前的食評都話他們的態度差，所以都俾定心理準備自己架啦﹗點知…一d都唔似之前d人所講咁喎…服務很好，又有禮貎，無遇到黑面或者不理會的狀態喎﹗(或者可能係因為櫃位有個疑似老闆娘的人坐鎮啩﹗)

不過，有一個員工極度熱心，我地一坐低，menu都未拎起，佢就經已係度sell我地食這樣、食那樣，有點煩呢﹗

我地點了一個二人餐，另外再散叫了刺身拼盤及網紋瓜海中寶﹗

這個二人餐我們的前菜點了一個類似燻魚的食物， 雞絲翅、主菜則選擇了陳皮東坡骨 & 避風塘炒鱔皮。

那個燻魚…個人不是太喜歡，所以無咩野好講﹗

雞絲翅雖然稀左一點，但係口感一流，有點似食緊街邊的碗仔翅，而那些雞絲仿真度極高，好有o趙頭﹗

陳皮東坡骨，看那個賣相原以為是蕃薯類食物，食落覺得似係猴頭菇個類菇菌，薰上陳皮碎，酸酸地幾得意﹗

避風塘炒鱔皮，那些一條條鱔片口感好得意，但分辨唔到佢係用咩製成的﹗而整個餸都偏辣，那些乾蒜更是致辣的原頭呢﹗

同樣的刺身拼盤，係cw個間賣108，這間賣88咋喎﹗奇怪﹗兩間都一樣，三文魚太假，一點都不似﹗反而鮑片同吞拿魚像真度極高呢﹗美味﹗

那個推介的網紋瓜海中寶真的好美味﹗雖然那裡的海參同蝦太假，但配上網紋瓜的鮮甜真的好美味﹗我地貪玩嘗試挖d果肉出嚟食，櫃檯那位女士見到，就主動話幫我地切件等我地食﹗呵呵﹗

由於只有二個人食，所以這次的份量係超級over左的﹗我地唯有將食唔晒個d打包回家再品嚐呢﹗呵呵﹗

唔知佢的餐牌是否每月更新的？我兩個星期前去過銅鑼灣那間分店吃過，食物沒有今次這麼吸引呢﹗(連帶都提唔起勁係銅鑼灣個間寫食評)

上星期約左朋友嚟食buffet，講真，$198的buffet都不抱有太大的期望﹗

餐廳不算太大，但食物種類都算多：
冷盤的有生蠔、青口、凍蝦、魚生、沙律、醉雞
熱盤的有燒牛肉、蒸魚、排骨、粉麵飯等等
甜品有多款蛋糕、豆腐花、生菓，最特別係有即製的梳乎厘

整體食物都幾好味，首推燒牛肉，好juicy，生蠔同魚生都好新鮮，佢唔會一次過放好多係度，見無晒就即時refill，果然好注重衛生﹗梳乎厘其實都幾好味，不過，我唔係一個啫甜的人，所以只能夠食到一半﹗

全場仲有果汁供應，仲有金威啤酒任飲添﹗

埋單時用滙豐信用咭有8折優惠，抵過用coupon﹗

看過其他人的正面評價，所以對佢都有點期待﹗但係…
值得讚的有：
1) 舖頭以和式設計，環境舒服﹗地方乾淨﹗
2) 雖然只係得一個服務員，但佢都細心留意每枱客人的需要

失望的：
1) 食物質素好普通，自己本身都會久唔久去食這類新式素食店，所以知道好多素食都唔再剩係用麵筋做，會有其他元素，令素食更似真實﹗但係這裡叫左幾個餸，如石頭牛肉飯、豬扒湯麵，食到的只係麵筋製品，一點口感也沒有﹗
2)等候時間過長，相信間舖頭只有一位廚師打理，遇著我地今次咁滿座的時候，每道菜大家都要等逾半小時才有得食，食得好辛苦呢﹗

初四入左去青衣城度拜年，由於人頭湧湧，為左避開食晚飯的黃金時間，我地就提早係六點半食飯，見這間食台式麵的都好似OK，於是就入去坐﹗

坐低後，有d串的服務員就俾左一張餐牌，一眼睇晒得個6,7款麵食，另加兩款Chef Recommendation…係極少的選擇下嗌了一個紅燒牛肉拼雲吞的麵…oh，sorry喎﹗雲吞無晒﹗攺左做魚旦…另一個嗌了鮮蝦鰻魚麵，‘大’麻辣湯底的，嘩﹗隻蝦真係好‘鮮’喎，無左個頭但係要自己剥蝦殼﹗而個所謂‘麻辣湯底’一d都無料到，似用個清湯隨意加一兩羹桂林辣椒醬咁，一d味都無﹗我地見佢枱上放左一張話優惠價換購小食的紙，諗住嗌一碟青瓜，oh，又一次無晒﹗唯有要碟豆腐﹗另外仲嗌了一碟豬小排，豬小排的味道幾好，但係只得兩小件(係一件麥樂雞的size)囉，雖然話宜家d豬肉加左價啫，都唔駛咁離譜呀？﹗

我地食飯個陣都只不過係6點半，咁多食物都無晒貨都唔知佢諗住點做晚市架﹗總之下次再入嚟都唔會幫襯佢﹗﹗﹗