上海弄堂菜肉餛飩 (跑馬地)

個人食好多唔同上海菜，見網上有甘多好評，一心以為會好好食，叫左個酸辣湯，都唔錯，但紅油抄手，無紅油，皮厚，小籠包係超級厚皮，完全係難食！我唔明甘既水準何來得獎？真心厚皮仲要穿！
跟住叫左兩個面，湯面，一個旦旦面，無花生香味，其實無咩味，我仲要自己加醬油同辣醬...另一個係炸排骨湯面，個面湯底完全無味，面煮過熟，發左，個豬扒炸到好甘！我真係好唔明甘既出品，會有獎！厚皮對上海菜已經係好唔合格架啦！仲要穿皮！我唔會再去食！

正斗粥麵專家 (跑馬地)

貴價唔緊要，最緊要成正比，真材實料比你，食得物超所值！牛筋腩撈麵，牛腩好入味，大大舊，麵好爽，彈牙，仲要係比平常既雲吞麵幼少少，另外跟的湯，有蝦子粒係湯底，生腸及底粥，生滾粥底棉的，熱辣辣，入面所有豬生腸，豬膶，豬肚，豬肉丸，唔會少料，連蔥花都係舊式酒樓切法，兩樣野都好正，好新鮮，雖然價錢貴，但勝在地方環境衛生，舒服，服務態度親民有禮！下次打算再試雲吞同其他野食！老實講價高唔緊要，最緊要值！係值既！

蛇王福 (西灣河)

由於天氣突然急降，身體自然覺得好凍，忍唔住要食蛇補一補，行經呢間店，用一個平常心入去試一試，兩人食，叫左兩個餐，個餐有細蛇羹，蛇湯，糯米飯有兩條半條的臘腸同潤腸，另一個餐都係頭兩個一樣，但就有蛇汁泡雞，其實仲有好多野食，例如羊腩，不過今晚無叫，下次會再去試，入題，個蛇湯我第一次飲,好好味，無味精，個蛇羹好足料，唔係水汪汪果種，個雞好特別，好食，個糯米飯我覺得最正係兩條腸好香，飯煮得剛好！整體真心覺得唔錯，值得再去，以後又多一個選擇啦！唔洗再去某幾間出名貴又唔憂做既蛇王食啦！

不倒翁中日火鍋料理 (銅鑼灣)

本人不是打邊爐愛好者，不過一年都會有一兩次。今日放工成班同事一齊去尼間打邊爐，記得兩年前試過，不過無咩印象有咩好食，今次再試真d,點左手切肥牛（安格斯），好新鮮，牛肉好味，同事們都話牛肉好正，有牛味，無根，所以再點第二碟，雖然價錢比一般打邊爐貴但物有所值，價錢同食物，環境，服務成正比，係值得試的！仲有個響鈴係新鮮炸架！唔同一般係現成，所以食落口係好味好多，食菜全部都好新鮮，應該係甘，所以總括唔錯！

壹玖捌叁 (跑馬地)

新裝修後去過一次飲茶，環境無咩改變，服務殷勤，照樣都係舊果班員工，只係食物上大不如前…以前好多主打既點心已人去樓空，選擇上比以前更加少，只係名字上多左好多名貴的添加，好老實講，真係好失望，加上分量上每碟都係一舊起兩舊止…但價錢上就係酒店級價格，價格高左唔緊要，但作為一個聰明食客，其實用肉眼都識得分貴與平的食才，而唔係係菜單名字添加色彩！服務同擺碟上雖然係好乾淨，好殷勤，但尼樣野應該係一間酒店價格經已包括在內的服務！好可惜，試問一間無景，無停車位，上樓店，如果連咁既服務都無，仲有人肯會比中環酒店級價格去飲茶咩？人地酒店既分量都唔會係一碟野得兩舊或一粒啦！重點係我唔係食緊某位出名大廚既出品，只係好普通飲茶食點心，點心只係出自普通食材，或許新裝修後賣點係（服務）而唔係食物，十分明白但我真係好想講我未試過比成接近100蚊，得一粒仲要有個蓋打開比你望下一粒既蝦餃，好似好珍貴，仲話配上自家既特製豉油，咁我想問一下，4個人係唔係要叫4碟？其他點心基本上都要叫2碟先剛剛夠一人一口分！如果係點心Omekase ,我唔介意咁既玩法，但奈何我唔係去左一間米芝連咩星餐廳或某位出名廚師既出品級咯！未試過飲完茶會有一種搵笨既感覺！飽經已唔能夠提及…只能夠話我去左食服務！完！