呢餐都食左成兩個禮拜了,貪得意寫番個食評.
鴻興前身係曲巴,曲巴次次響門口裝兩裝,一次都無食過.呢間望兩望覺得OK,睇過西環板都有人話過唔錯,決心一試.
貴妃鷄 - 清清地,幾滑
咖喱牛腩- 好林,好入味
菜- 白恰菜,送的沒什麼要求
另外,送車仔茶包+熱水,呢樣我幾鍾意,唔會有用大膠樽沖D膠味
食完唔多覺口渴,又全場禁煙,做飯堂一流~

其後又食多次土魷蒸肉餅+蒜蓉開邊蒸蝦,都係中上之選,唯送果碟菜打渣,不過送的,無所謂嚕.

住附近+早排睇男女介紹過,尋晚去試

生蠔-無臭,但唔新鮮,想食蠔都係去專食蠔的店好了
火燒牛肉-話係AAAA級,係唔係唔知,不過有番咁上下質素
什錦天婦羅-不油.
燒飯團(梅子)-燒得平均,不會忽硬忽林
明太子雞翼-不俗也不突出

環境舒服,服務好,無叫野飲都係勤添茶
熟食質素穩定,下次會試下其他野.
生的,同樣價錢可以有更好選擇
如果響附近想同朋友搵個地方傾偈飲野+食少少野,應該會很好

見有其他地方有人盛讚此餐廳,忍唔住將舊年12/31經驗講比大家知

我住附近,大除夕度度都搵唔到位食飯,得呢間有位,當入去試下
有中式西式兩款"除夕套餐",我同朋友夾埋兩款都有叫..
全程一路愁住眉頭食,食過咩已經唔記得,亦都唔想記起.. 最有印象既"招牌公主雞",唔甜唔鹹,苦苦地,鞋口..
中式餐臨尾上果碗"黑芝麻糖水"都水汪汪兼有味
西式餐聲稱係"cheese cake"既不知明物體.. 係坊間百年難得一見既難食
綜合結論係: 賣相一流味道九流

附:食糖水時有一家大細在等位,當家的正猶豫好唔好過"尼斯餐廳"睇下有無位. 我地反應係拎轉面同果位男士打眼色不停點頭,亦都好後悔唔記得去尼斯睇下有無位..

價錢忘了,每人約100-150

見大家成日用乒乓波去讚美沾仔記,今日路過終於入左去試一下

價錢-10蚊碗雲吞麵,大大碗,仲要響中環,好抵.
雲吞-3粒,只係比一般街邊雲吞大粒,未至於係乒乓波.不過將貨就價,10蚊黎講算係好大粒.
麵-份量好多,有鹼水味.我唔會用個"彈"字黎形容,用"靭"比較貼切,頂胃果種.
湯-無飲到,反正唔吸引.
服務-不是peak hour去,只係坐左一半人.拎住野,想坐底先買野都唔得,比人叫停響門口,要買左飛先搵位坐..

響麥奀隔離,自然會比較.
如果隔離唔係有間麥奀,唔會有賣點.單獨睇係平同雲吞較大,食完會覺得都幾抵,但未至於要大事宣揚,只係有比較之下覺得特別平同特別大份,吸納左d食完麥奀覺得太貴太細碗既客.

近近地去開果頭要平平地開飯飽肚可以一去,山長水路遠既就無必要試.
食開麥奀覺得25蚊係值既朋友,就無必要去試"乒乓波"咁大碗既雲吞麵了.

雲吞爽麵彈.
除左第一次食覺得"乜真係咁細碗"之外,已經一早習慣左碗麵既大細.每次去都一早預左"想食少少野",不為飽肚.

平日去不嬲都係叫雲吞麵,伙記放低雲吞麵,食完雲吞麵就比錢走.今日有點特別,可能拎住野又成頭汗,伙記竟然遞盒紙巾比我抹汗,飲完杯茶仲即刻比多杯我叫我慢慢.所以今日服務會多分D.

少食多滋味
喜歡"便宜又大碗"既人奉勸唔好去,見完個價錢,再見到個碗既大細,唔會食得出麥奀出名既地方.

中秋節去,照開到零晨三點,整體感覺好好.

火鍋:
鴛鴦鍋- 幾好.麻辣唔太辣,等冬天先食會好d.
羊- 可以叫$11X果個拼盤,試過邊隻o岩自己口味再散叫.我就比較喜歡肋腹.天氣再凍d食羔羊應該都會正.
蒙古肥牛- 交足功課.間唔中同d羊味互換下.無咁寡.
花膠仔,牛骨髓,菇四拼- 都好.菇新鮮,不好菇不叫都無損失.
唔知乜乜粉- ok.但連名都無用心留意.不吃無損失.

小菜:
羔羊小籠包- 講包就包得好,好多汁.但味道唔多夾,怪怪咁.食完一粒唔想食第二粒.
烤羊"隻(唔識打費事搵)"串- 肉質得意,好多調味料,留番個肚食火鍋好d
口水雞- 雞好滑,調味幾特別,食左一件,都係留番個肚食火鍋好d

飲品:
西瓜汁- 真係西瓜汁,唔係紅色有西瓜味既水.

其他:
平時peak hour我唔知,但今次我第一次去,半夜一點,環境服務都好好.唔識d羊既部分問灰色衫果位姐姐,都好親切咁教我地分,食個次序.黑色衫哥哥又提我地花膠仔要早d落.

人數方面,兩個半人(因為第三位朋友係黎"食少少" 傾下計),都係大食怪,不嬲都係兩三個人食五六個人份量.埋單$86x."正常人"應該會平d的.