聖誕節前後 (應該說是整個12月份)很多酒店的自助餐均會相繼加價, 很難得半島酒店的露台餐廳沒有大幅調整價格, 加上已經3年沒有踏足半島了, 這次應該是一個重臨的好機會!  我和男友預留了時間在酒店內拍拍照, 所以在較早的時間已到達酒店了, 6時正順利安排入座, RECEPTION 說當晚近BUFFET COUNTER 的位置比較人多, 所以侍者安排了一張在餐廳較入面的位置給我, 雖然與BUFFET COUNTER 有一段距離, 但看著眼前的夜境, 已經很滿足了! 更重要的是, 這邊廂十分寧靜, 很適合與男友共進晚餐。正如其他食家所說, 自助餐選擇是 "貴精不貴多", 這正合乎我們的心意! 當晚自助餐提供了兩款生蠔, 一款是NORMANDY, 另一款是MEXICO, 自己較愛NORMANDY, 口感爽甜, 味道較重, 所以和男友吃了蠻多的!!  其他海鮮有蟹鉗、翡翠螺、蟹腳、青口及帶子等, 其中蟹腳、帶子及青口比較出色! 帶子大大粒!青口很鮮甜!其次是壽司, 賣相已很吸引, 魚生質素也不錯! 刺身有北寄貝、甜蝦、三文魚及吞拿魚等等, 整體質素均不俗!熱盆方面, 我和男友每一款都試了一點, 整體印象雖然不深刻, 但食物質素都OK! 自己較喜歡吃半島的燒牛肉及火腿, YORKSHIRE PUDDING 很好吃!! 

甜品一環亦有水準, 雖然款式不算很多, 但賣相精緻, 味道亦不錯! (雖然不及文華酒店的好... ) 吃了一大輪前菜熱食, 便用了 "第二個胃" 來進攻甜品, 個人較喜歡她們的雪糕, 吃了好幾個球; 其次是生果拼盆, 有我喜愛的RASPBERRY & STRAWBERRY, 吃了很多.... 整體而言, 露台餐廳的服務、食物質素均屬上等水平! 餐廳每位侍者均訓練有素, 有禮貌地配合客人。酒店在聖誕節期間又安排了一位著聖誕服飾的女孩和其他客人拍照, 聖誕氣氛很濃厚呢!

第一次吃拿坡里式披薩是在意大利的拿坡里。

意大利最好的披薩來自拿坡里，全世界最好的披薩來自義大利, 2012年5月吃過第一口全世界最好吃的披薩著實念念不忘, 希望他朝有日在香港這個美食天堂可以重拾那種令人著迷的味道 ...... (先送上在拿坡里當地一間享負盛名的披薩店所拍的照片)[ 題外話: 始自1870年的「Pizzeria da Michele」，一直以來只在拿坡里一枝獨秀。此店在日本惠比壽也有分店, 好像之前有食家都介紹過日本那間了... ]

意大利之旅過後, 在上環的208 Duecento Otto吃過她的LUNCH SEMI-BUFFET, 感覺她們的披薩跟拿坡里的已有7成相似, 只是口感上乾了一點, 但整體上是滿意的。直至在我的生日晚上, 男友帶我到MOTORINO 慶祝, 我竟然吃到跟拿坡里披薩有9成相似的Napoli Pizza!!

餐廳風格比較隨意的, 配以昏暗的燈光, 和男友來吃晚餐還是不錯的。侍應都說流利英語, 禮貌端上餐牌及簡單介紹菜式。店內還有兩位較高級的女侍者, 笑容滿面, 整體環境感覺輕鬆。

好了! 點菜時間...... 回想起意大利的「Pizzeria da Michele」全店只賣兩種披薩 -- Margherita & Marinara, 那我在這裡就點同樣的吧! 這才可試出兩者的分別! 再者, 好吃的披薩吃最基本的就行了。另外我們還點了其他食家都推薦的 MEATBALL。等了良久, 兩個香噴噴的披薩上場了!! 我和男友看到披薩時, 心感興奮, 因為外表跟拿坡里吃到的是一樣的呀!! 批邊是一點點黑色的及較厚, 披薩中間較薄。拍了照, 立即開餐!!! 吃了第一口, 我們一致認為這間由美國來的披薩已經跟拿坡里當地的有9成相似了! 感覺上拿坡里式披薩著重的是披薩整個批底, 吃下去是軟硬適中, 煙 "UN" 的口感, 材料不會很豐富的那種。對我而言, 吃批邊那種煙 "UN" 口感已很滿足了! 所以這家店人氣愈來愈盛是有原因的啊!! 希望下次可以再來吃其他味道的披薩!!

習慣和男友提早慶祝情人節, 今年的情人節也不例外。男友提前三個星期訂了這天的晚膳, 心想有點兒誇張了吧!

甫進了餐廳, 看到的是酒吧台, 時間尚算早, 很多老外在酒吧台前happy hour。由侍應引領到內廳, 內廳裝修不錯, 反光鏡面的天花在餐廳中央, 感覺令整個空間變大了, 燈光柔暗, 蠻舒服的。餐廳面積不大, 既是米芝蓮三星, 難怪要提早訂座。

男友訂了沙化位置, 面向餐廳全景, 看著侍應端上客人所點的佳餚, 滿足自己不少的好奇心!

和男友坐了良久, 才決定這晚要點的菜式。第一次嘗試高貴的黑松露, 味道特別! portion 較細, 不夠二人分享, 可能味道太棒了!點了餐廳推介的main dish, TAJIMA BEEF ! 肉質軟身, 不會煮得太硬, 餐廳煮了MEDIUM RARE 給我, 但事前沒有問詢本人要求, 幸好 MEDIUM RARE 是本人最愛。這裡的甜品賣相吸引! (照片只拍了chocolate 5 styles 的其中三款) 當中本最愛那杯chocoloate mousse! chocolate mousse 內有很多朱古力jelly, 口感一流! 整體上, 意粉特別出色, 價錢雖貴, 但食材滿分!!! 晚餐後有種意猶未盡的感覺, 希望有機會可以再來!

補寫返上年既食評先......

記得另一半提早一個月前book 位, 餐廳方面只准最早一個月前book, 由於價錢平, 經常full booking, 另一半刻意一朝早打去餐廳book 位先book到 window seat。

擁有兩間三星米芝蓮的四季, 我想其他餐廳的質素理應不錯啦~ 而且weekend buffet 價錢幾相宜, 一位收費300蚊有找~~ 環境也不錯, 一般 酒店 bar 既格局, window seat 外的風景麻麻, 只是馬路一條 .....

buffet 冷盆方面, 雖然沒有太多選擇, 但一般buffet有的, 佢地都有, 雖然款唔多, 但係用料唔差, 絕對唔係求其。不過, 其中一盆salad 有好多蟹肉, 蟹肉新鮮, 很好吃~ 仲有, 在一般buffet 也少見用牛油果作salad, 這裡亦不斷大量提供~~

反觀, 肉類就很一般。 roasted beef & pork 就真係麻麻, 吃了少少就算了~ 其他有咖哩, 試了少少, 都唔錯。

dessert方面, 質素唔錯, 賣相唔差, 口感亦很好。不過餐後的 coffee就真係差d, 完全冇咖啡味, 雖然望埋去個樣好得 .....

不過, 依這個價錢, 我覺得絕對抵食, 有機會試下都唔錯!!

其實幾年前已經幫襯, 一直都覺得呢度既水準唔錯!
個人好鐘意食黑柏葉 & 鵝腸撈面!
面食唔到皂水味~ 爽口~
蝦子好多, 唔會事事但但落一堆俾你就算~
黑柏葉唔駛講啦, 好好食~~

另外, 我仲會叫埋炸醬面, 呢度既炸醬面都唔錯~
出面舖頭既 炸醬可能俾D現成既你, 又有可能自己整左一堆冇咩肉粒既醬俾你~
呢D既炸醬係用肉絲, 肉同醬既比例都好好~
當然味道都唔錯啦~~
可以試試~~

好耐都冇寫食評, 心血來潮, 寫返食了差不多四個月的半島 chesa 吧!

還記得當晚是慶祝情人節, 當然是 "pre- celebration", 未食之前已經成日听食家們說這間餐廳的經理風趣幽默~~ 食物質素也不錯, 話哂都係半島, 點差都有個限度!

二人訂位前留了 request, 要個有privacy d 既~ 去到waiter 都可以arrange得到~~ 座位在餐廳的角落, 是四人台~

我和男友點了有酒味的fondue, 一上台, 酒味頗濃, 伴以面包粒及mini potato, 我倆慢慢的吃, 味道很不錯~~ at least 食落, cheese 真的有酒味~

之後我們叫了 beef cheek & lamb rack~ 其實只叫了一份, 上台時幫我地分兩碟~ 份量都算多, 因為食哂d野之後, 我地真係有d飽~~ beef cheek 很 "林" 身, sauce 有紅酒味~ lamb rack 賣相好, medium rare 食落唔會太tough~ 兩個main dish 都很滿意~

最後, 我們意猶未盡, 再叫了 chocolate fondue 做dessert~~ 以生果做伴, 融了的chocolate 很好吃!!

由於吃得太多飽肚野, 和男友叫了 peninsula tea & earl grey tea~ 再配了petit fours~! good ending~~

環境較 romantic, 當然不會太拘謹~ 經理最後幫我地影了相~~ 親切的服務~~ 希望有機會再黎翻兜!!

男友一個月前已訂了這間位於淺水灣酒店的餐廳, 因為位置上有所偏好, 選了向海的台, 星期日差不多要八時起身坐車到淺水灣吃 brunch, 對我這個懶人來說真的不易。

我們早到了一點, 美女reception 便叫我們到餐廳後面的地方坐坐, 服務員不但笑容甜美, 而且很有禮貌。差不多11點, 服務員叫我們進去餐廳坐, 型男waiter 給我們遞上當日的main dish menu, 我們左揀右揀, 選了 Roasted Beef & Chicken Breast。

每台客人都有一份麵包, 很可惜自己沒吃, 因為一開始時, 自己和男友吃了很多的海鮮.... 讓我說說當日的食品種類吧!

海鮮 counter: 生蠔是 coffin bay, 應該是在廚房開哂才拿出來, 味道還可以, 不過開蠔的技巧有待改進, 因為吃到很多蠔殼碎...... Alaska crab leg: 很開心有 alaska crab leg! 很好食!! 跟男友吃了起碼有廿枝!!! 青口 : 呢個比較一般。中蝦 : 呢個幾新鮮, 肉質是爽的。

還有很多大大小小的小吃, 很精緻!!

即切 ham : 雖然buffet 台上都有3-4種 ham 任君選擇, 但在場亦有即切 ham, 很好吃呵~~~~!

即煮意粉 : 有兩種sauce 及意粉選擇, 一種是 tomato sauce, 另一種是cream sauce, 我兩種都有試, 本人較鐘意tomato!!

salad : 自己撈的salad特別好吃!! 呵呵~~

main dishes : 可能我和男友吃得太飽, 所以覺得兩道main dishes 一般, roasted beef 其實幾soft, 唔錯, 但係真係太飽, 食唔清個味.......另一道係 chicken breast, 可能是雞胸的問題, 肉質很 鞋~~

dessert : 有什莓!! 我至愛!! 其次是即製 tiramisu! 好特別呀!! 師傅用一個小杯, 放了一塊餅乾, 加了咖啡及酒, 最後加了厚厚的一層 cream, 放了一陣子, 餅乾吸收了咖啡和酒的味道, 一口吃下, tiramisu 就是這樣出來的了!! 很特別的一個甜品!!! 其他甜品都不錯, 有 blueberry cake, 可能我鐘意 blueberry, so覺得好食。其他cake都可以啦, 未至於非常好食。especially 梳乎里, 本人覺得差左少少。ice-cream有4種味, 不是十分特別的味道, 但酒店方面說是 galeto, 試了, 都ok, 但不算太有 surprised~

任飲飲料 : 有三種juice 任君選擇, 有西瓜、橙汁、菜汁, juice不是果汁先生的貨色, 每種即榨果汁都有果肉! 正!! 還有本人覺得好好飲的 cranberry cocktail! 飲了4杯呢!!

因某種原因, 餐廳經理送了兩杯香檳給我和男友, 很開心呢~ 其實最開心的是他們窩心的服務態度, 很細心, 我記得有位waiter 經常幫我們執靚台上的碗碟, 好讓我們有更多空間放東西, 真的沒有試過酒店的waiters 會這樣做!!! service, 環境都差不多有滿分呀!!

餐後, 還有一小盆朱古力, 雖然和男友十分十分滿足, 但都勉強清埋佢!! 都不錯呵! 除了香檳, 我們又清了餐飲 -- hot coffee, 很香的咖啡呵~~正!

總的來說, 我好滿意呢一餐!! 又抵食!! 一定要翻兜!!

吃了一餐, 打算去拍照, 但拍了幾副便下雨, 真掃興。

還記得第一次黎食係因為食唔到 yamm, 之後走左黎呢度食。

其實, 我同男友話想食好耐, 但每次決定黎食打電話黎book位, 佢次次都話 full 左。好奇怪, 我地成7點先walk-in, 竟然有位。去埋第二次翻兜, 發覺原來唔駛點book 位, 你早到就得!

waitress 安排了坐位, 和男友一起看餐牌, 發覺有很多不同配搭的餐, 每樣我和男友都想試試, 姑且不說我們點了哪個餐, 不如講講我們吃過什麼還好, 因為店舖方面會將兩個餐合為一碟上, 我也忘了兩個餐的配合是怎樣。

點了菜, waitress 上了兩碗芝麻給我們自家磨, 一邊磨一邊傾計倒有趣的, 磨上一陣子, 陣陣芝麻香傳出, 已令人食慾大振!!

吉列蝦 : 不嬲本人都喜歡食蝦, 這裡的蝦用料不錯, 吉列皮不會太厚, good!

帶子 : 亦是本人至愛, 帶子很鮮, 不會有雪藏味。

吉列豬扒 : 果然是鎮店之寶, 外皮脆, 內裡軟, 不會有鞋的感覺。正!

吉列蠔 : 男友較喜歡吃, 雖然本人不大愛炸蠔, 但食落有很多汁, 又係另一推介。

另外, 每set 餐都會跟埋一堆 refillable 的椰菜絲, 再配上台上兩種 sauce, 分別是柚子汁及紫菜沙律汁, 實在非常好味!!!本人愛極柚子汁, 叫了幾round refill 椰菜絲, 真係正!

仲有, 大食男仔黎呢度可以任裝白飯, 飯應該是日本肥仔米, 很好吃!!

這間店子試了好幾次, 每次都非常滿意! 漸漸地成為我和男友到九龍城必食的店舖。

介紹以下幾款最近食既菜餚俾大家 :-

特色米線 : 面是金邊粉, 有些豬什, 有豬紅、豬肉碎、豬潤、豬腸, 仲有豆卜, 湯底有點辣, 食唔到辣的不要試。

遊船河 : 可謂我的最愛。面都是選了金邊粉, 有些豬肉似的, 又有雞肉, 個湯底很好味, 咸咸地, 唔辣, 最緊要佢夠平, 20蚊一碗!!! 細食女仔首選。

咸蟹青木瓜沙律 : 亦都係我既推介, 青木瓜切絲, 有一兩隻咸蟹, 很細隻的, 很多時都會將隻咸蟹 "肢解" 混入木瓜絲中。木瓜絲質感很爽口, 有點辣, 再加埋咸蟹的味道, 正!

蝦餅 : 這個本人覺得just ok, 因為很多店子的蝦餅也差不多, 這個是即炸, 很熱的!! 怕上火最好擺下先食!!

肉碎生菜包 : 這是一道很普遍的泰國菜, 試了一碟, 都不錯, 肉碎內有些豬皮似的, 很 "煙 un" 。

仲有一樣, 就係烚獅蛤, 這個唔錯的, 如果你唔怕生生地, 又多血水的話~~ 不過吃得多就唔係咁好~ (本人認為)

每次黎都叫好多野, 但係每次都好平, 唔過 140蚊!!! 好抵食!!!!

因為男友是六月的壽星仔, HSBC 白金卡寄左一些 coupons 給他, 其中一張是在九龍香格里拉吃自助晚餐有 75折 & 送一個一磅蛋糕。所以我和男友在星期四晚book 了位, 試試 一直評語麻麻的 dinner buffet。

先說海鮮一環 :-

生蠔 : 只有一種即開生蠔提供, 是袖珍版 coffin bay, 雖然非常細小, 但本人反而幾鐘意, 因為夠爽口, 鮮味都有, 我本人吃了兩打, 男友應該更多。

東風螺, 蟹, 青口 : 普通貨色

壽司、刺身 : 壽司見到個樣都唔想食, 男友夾了個螺片回來, 我試了, 只吃到水味, 塊 "刺身" 完全冇味!!!! 仲差過 neway ceo! 刺身, 有三文魚、吞拿魚、八爪魚, 我沒有吃, 男友夾了少少, 不過見到都係一些普通野。

燒味 : 燒肉完全唔得, 塊皮好 tough, 好似一塊膠片一樣!! 燒雞就正常d, 义燒個樣好乾, 所以冇食。

蒸點心 : 試了蝦餃, 都算正常味道。有燉湯, 味道都算ok, 飲了兩盅。

熱葷 : 試了炒田雞腿, 未食之前都覺得好怪, 點解酒店會出呢種熱葷?? 試了, 又係冇咩味, 唔得!!! 又試了麻辣蝦, 普通, 有麻辣味既, 不過唔算好味囉!! 其他貨色太普通, 都冇咩記憶自己食左d咩。

煎野食 / bbq counter : 有焗蠔, 試了三款, 只是將海鮮 counter 的 coffin bay 用黎焗, 味道一般, 冇咩驚喜。牛扒, 還可, 都未算好差。

即炒意粉 : 點了蕃茄汁, 岩岩炒出黎都還可, 有陣酒味...食食下, 唔知點解出哂水........

salad bar : 呢一part 都算ok, 好多 salad 俾你揀, 你可以叫個女師傅即整 caesar salad, 又可以只係夾, 仲有6-7款整好哂的 salad, 另外, 有即切 ham, 係唔係靚既 parma ham就唔知喇...不過多數都唔係!!

咖哩 、粥粉面 counter : 試左好少, 因為個賣相實在唔討好, 粉面 counter 本人不嬲唔食, 不過好些少遺憾冇試到d 粥, 因為即煮粥好少難食.......

甜品 : 我想是整個buffet 最好的一環, 先說雪糕, 有6款 haagen daz 雪糕, 你可選擇齋食 or 俾個師傅炒雪糕, 本人覺得炒雪糕都幾好食, 你可以選兩種雪糕, 之後個師傅會放o係個冰鐵板上壓平 & mix 埋, 再加d 朱古力碎 or nuts, 咁就完成, 值得一試!

另外有朱古力噴泉、chocolate truffle cake (不過要排隊拎)、其他甜品都係一些細細件的 cake, 如紅豆綠茶卷、american cheesecake、仲有一杯杯的 mosse, 這些都唔錯。

整體來說 : 一餐好普通、甚至可以話唔好既 buffet....你要明白, 佢原價成3百幾4百蚊, 但係俾到咁既價錢, 食呢d咁既野, 真係唔多值!! 仲有, 個場比較大, 相對地人都好多, 當晚差唔多全場 full, 有搶野食的情況, 同埋食客的質素很參差...... 有些女人竟然搶鉗夾野食!! horrible!!

都唔明點解, 咁既buffet 都有咁多人食!!! 仲有 full house!!! 真係勁!!