銀Cafe (將軍澳)

餐廳位於UNY 超市內，如非進入UNY逛逛，真的不知內有食肆。
餐廳屬銀杏館系列，想起來我尚算粉絲，過去曾食過婆婆廚房、越老、越老仔、銀杏館等。
本以為此餐廳為一般茶餐廳之類，再細看清楚下午茶餐單，套餐甚為Fusion，結合中、西及越式等，看起來也幾吸引，一次過滿足不同食客需要，價格都較為親民，為38元至48元不等。用餐當日為平日，全餐廳連我枱只得三枱。一入進餐廳，是一位男性長者服務員迎接，他不但有禮貎，還很主動給我和朋友各人一張餐牌。見到他的服務態度，確實較其他餐廳相對年青侍應為好。

鮮蝦香草車厘茄意粉一放上餐桌，實在太吸晴，意粉上碟整齊，且有伴碟的芫茜賣相一流，看似在高級西餐廳用餐的體驗。
鮮蝦較為爽口彈牙; 香草味芬芳，邊吃都聞到不少香草味; 車厘茄味道香甜，食落不會變得過酸，加上顏色漂亮，令意粉賣相更靚。意粉茄汁醬味濃郁，味感不會太酸，實在開胃，汁的份量適中，不會像湯般的; 意粉爽口彈牙。
熱奶茶較為苦澀及會感覺嚡口，真的不太欣賞。
至於醬香豚肉叉燒拉麵，豚肉叉燒以瘦肉為主，較適合注重健康的進食，口味清淡，入口軟綿，肉質嫩滑。拉麵算尚爽彈，還有進步空間; 醬香湯底，顏色似麵豉醬，算是較淡味的麵豉醬，咸味適中。唯一美中不足就是少了半顆溏心蛋。

大大杯常温咖啡，由於點了凍咖啡走冰，凍飲不用加$，咖啡味不夠濃，仍有進步的餘地。

兩份餐送齊後，我們沒提出，那位男性長者服務員很主動給我們多一雙筷子，服務確實一流。
餐廳沒有收加一服務費，反而其他收加一服務費的餐廳也沒有棒的服務。
今次用餐體驗不俗，要支持一下長者就業及聘請長者的企業，加油

Bella Shine (觀塘)

餐廳位于觀塘迅達工業大廈2樓，用餐當日為公眾假期，不能于大廈正門進入，需于旁邊的殘舊停車場進入，工廈停車場環境確實令我不安，惟已訂位不想臨時更改地點。

見前幾篇食評，半自助午餐都係百幾蚊一位，一坐低見餐牌先發覺中伏，完全唔係呢會事，都坐低左就冇辦法。

觀塘區200幾蚊一位午餐算貴，所謂自助部份只有一張枱，提供沙律 、凍腸、餐湯、三款小蛋糕，後來發現有凍蝦、凍海螺及凍青口，雪糕需另行付款。
我同朋友分別點了蒲燒鰻魚海膽忌廉汁扁意粉及韓式柚子蜜山椒板燒雞扒。
蒲燒鰻魚海膽忌廉汁扁意粉完全食唔到海膽味，橙色忌廉汁好稀，似湯汁，扁意粉味道較咸，意粉麵質硬，未煮夠軟身就上碟，蒲燒鰻魚正常，配左橙色忌廉汁的鰻魚更咸，以女生份量黎睇尚可接受。
韓式柚子蜜山椒板燒雞扒賣相不錯，兩塊雞扒算大配紫薯，實在吸睛不少。雞扒烤得剛好，惟冇配汁，好dry ，配菜以紫薯較為特別，紫薯林滑，味道可以，份量尚算足夠。

凍蝦及凍青口味道正常，配以茄醬，凍蝦如一般急凍蝦般鮮味較少，口感仍有少許爽口彈牙。凍青口未煮夠熟，有未開口情況。

南瓜湯冇南瓜味，溝水及湯質感較稀，且咸。沙律菜新鮮，汁醬有麻醬、醋及意大利醬三種，我選了麻醬，配沙律不錯。


飲品我和朋友點了常温的檸茶及凍檸茶少甜少冰，冇影相，味道同茶餐廳一樣，正常。
服務一般，冇乜客情況下，只幫我地加左一次水，整體味道、體驗與價錢不相配，CP值極低。

用餐當日為重陽節公眾假期，選擇此餐廳主要為工廠大廈應不像附近apm商場人較多，可以與朋友補慶祝生日及慢慢聊天，餐廳門外、門內及菜譜沒有說明限制用餐時間。我約於中午12時10分左右到達此餐廳，用餐至下午1時30分的時候，我再次取凍蝦時，突然有位疑似餐廳老闆走過來跟我說，我用餐時間已差不多了，我立即很驚訝，那老闆說餐廳每日用餐時間只有90鐘。我說我不知道，我是第一次來用餐，餐牌亦沒有說明用餐時間限制。老闆說我宜家同你講。我和朋友真的好不滿及無奈，我們打算公眾休閒點用餐，竟然感受到似是乞丐的用餐經驗; 以觀塘的舊工廈200蚊一個人半自助午餐實在一D都唔便宜，觀塘區這類餐廳也不少。講到尾都係怕我地食得多，其實講清楚或寫清楚就你情我願，不用理論。
我同朋友真係好耐冇見，又冇客等位想坐多陣。老闆結果比我地係度繼續坐，只係話我地唔可以再攞野食，真的王恩浩蕩。直到我們結賬離座，全餐廳由中午12時10分至下午2時30分，曾用餐的共5張枱，顧客有11個，期間餐廳尚有最少12張枱閒置的。

太子餅店 (將軍澳)

去年同媽慶祝生日都係係太子餅店o既九龍塘分店買件裝海綿蛋糕，今年就貪方便係將軍澳店買。
我共買左四款海綿蛋糕，共八件，包括芒果凍餅、藍莓乳酪蛋糕、鮮士多啤梨蛋糕及紅豆綠茶卷。

藍莓乳酪蛋糕: 
藍莓係用新鮮o既，藍莓醬唔算太甜，乳酪同藍莓混埋一齊整，味道好有藍莓味，仲有啲藍莓粒食下，甜度適中，蛋糕底夠鬆軟。

鮮士多啤梨蛋糕: 
士多啤梨好新鮮，唔只係蛋糕面果二片，連夾心忌廉裡面o既士多啤梨都係好新鮮，粒粒果肉。粉紅色o既忌廉好吸引，且有有濃濃o既士多啤梨味，忌廉甜度適中，並增添滑順口感。海綿蛋糕鬆軟，甜度剛好。

紅豆綠茶卷: 
成件蛋糕好似冇配料咁，紅豆份量得幾粒，唔算甜，蛋糕面放左o既糖粉做裝飾，好似幾靚咁，且唔甜。蛋糕中間夾左忌廉做餡，味道適中，唔會太甜，蛋糕口感紮實左同乾左啲，且完全食唔到綠茶味，呢款係咁多款中最差。

此店位於將軍澳調景嶺站閘外，我因持有現金券想買蛋糕，又唔想特登出閘，於是致電此店問是否可安排店外閘內面交? 店員好好一口答應，其實我之前都有好幾次用呢個方法係此店買餅了。我同店員講唔要邊款凍餅，店員就話每款同我要二件，總共八件。店員還幾專業咁從店走出黎，打開盒蓋比我睇，海線蛋糕款式是否合心意，外賣服務一流。正式面交凍餅後，店員仲話我可再睇下蛋糕是否正確，服務態度真係好好。

RBTea (太子)

朋友極力推介黎呢間餐廳，竟然平日的下午茶時間都會咁多食客。 朋友點左香草忌廉三文魚意粉配熱檸茶。朋友推介我點正價飲品，再以優惠價點下午茶。結果我就揀左玫瑰荔枝椰果紅茶配香腸西蘭花芝士薄脆。

香腸西蘭花芝士薄脆:
熱辣辣香脆可口嘅薄脆有六片，脆到好似食緊薯片咁，真係夠晒薄而脆。薄脆面放左好多芝士，芝士味濃，食落似食pizza 咁，啖啖芝士，份量恰到好處，唔會食到好漏咁。薄脆餡有西蘭花，平時西蘭花好少出現係pizza ，都幾新奇，西蘭花味較淡。蕃茄醬落得比較少，所以茄汁味唔濃，薄脆就更乾身了。香腸唔會好鹹，因茄汁唔多，咸味就剛剛好，而每片薄脆都有一片仔嘅香腸。

香草忌廉三文魚意粉:
意粉煮得剛剛好夠彈牙，忌廉汁都幾creamy，大大片煙三文魚係面，配埋香草，令成個意粉好有色彩。煙三文魚都OK，少少咸。啲香草就似火箭菜，食落好香口。

玫瑰荔枝椰果紅茶:
茶成壼上，大大壼，同朋友係度傾計可以慢慢飲。下午茶就係悠閒，最啱飲玫瑰花，夠晒 relax。荔枝味都幾濃，配埋幾粒椰果，不過椰果就食唔到味了。

呢間餐廳算係旺區嘅綠洲，最啱傾計、休息。

蘇媽.蘇媽馬來西亞茶餐室 (深水埗)

我同媽黎呢度食下午茶已經係第二次啦，只有平日先至有下午茶套餐，唔駛諗食乜好，又夠晒抵食。

我就揀左椰香咖央多士配馬來西亞熱拉茶 $26，加$15有埋檳城福建蝦油麵。媽話午餐仲好飽，只食椰香咖央多士配檳城熱白咖啡。我話加多 $15 可以有多一個麵食，而且平時都好少機會食馬菜。上次黎媽食佢食檳城福建蝦油麵同檳城白咖喱麵都話好辣，食唔到辣野。結果佢話點左招牌老鼠粉。

檳城福建蝦油麵: 呢隻麵都算辣，且湯底算幾油，辣味蓋過蝦味，加埋油麵，更覺油膩。除蝦外，仲有半隻蛋、肉片同少許通菜，混埋湯底都幾入味，但真係辣左少少。

招牌老鼠粉:  老鼠粉其實似係銀針粉，加上醃左嘅肉碎、葱花同青瓜絲，完全唔辣。肉碎醃入味，唔會太咸，落左葱花同青瓜絲，成個粉唔會咁 dry ，似台式魯肉碎咁，且令到成個粉更香口。我媽話食落似佢細個時食嘅狗仔粉。

椰香咖央多士: 呢隻多士我覺得係必食，第二次食都好好味，多士烘完好香口，好脆。椰香咖央嘅椰香味好香濃，唯咖央真係幾甜。另真算幾細心，一份多士切成四份，細細件容易入口。

檳城熱白咖啡: 香濃白咖啡味，可惜太甜，最好自己落糖。

馬來西亞熱拉茶: 香濃茶味，同港式奶茶唔同，冇苦澀味，可惜太甜，都係自己落糖最好。

有時間，值得再 encore。