Fiat cafe之前係香港區時已經聽人介紹過!可惜小妹好少過海一直都無機會試.
話說6月返工時發現公司樓下會開,實在要試下先可以安撫我既胃&口.
於是就問問男朋友有無興趣食啦.點知男友反應都幾熱烈!事不宜遲,我地就定左洗完牙去食返餐好

由於我地無訂位,到達餐廳時大約下午2時,剛好有張檯埋單,店員讓我地等一等先再安排入座.
成間Cafe好有特色,不論係門口既陳列車又好,精品小櫃,單車,甚至員工既制服(係連身工人衫,我好想要呀!!)已經先吸引目光,完全係令我既興奮指數上升~~

男友有先見之名,今次唔叫pizza唔叫意粉/飯,可以叫多少少野食試.
我地有BBQ雞肉沙律
蕃茄切粒都可以清楚見到成個形狀,切口位不會熔熔爛爛!仲好甜添!
此外沙律內仲有D白色一粒粒既諗左好耐個名都出唔到黎,結果我地問店員,我條問題未問完店員已經答到我想要既answer!好勁!!我諗可以都有其他人問過呢條問題
唔好睇相以為個沙律好細,如果太細食我相信自己食一個都可以做lunch!白汁意大利雲吞
估唔到佢有咁多粒!我地都特登留係最後先食,因為驚會越食越膩.
雖然係一粒飽肚20%,不過真係好好食~仲有哈密瓜配parma ham~呢間都係數一數二我覺得d HAM好新鮮!不會死咸而已好柔軟!
火煎菜平時我都係麻麻地,呢個極新鮮食得出有少少辣口!登登登,重量級主角黎啦!
黑毛豬胺,雖然佢比我想像中小,但係肉質同味道係遠遠超乎我所想!
一上檯已經聞到香,切開後見到D肉質仲有少少pink同埋個彈性彈性比SKII仲澎湃!
入口一咬,肉質夾雜少許油脂...成個口腔都係充滿味道!!
呢個真係好正!而且我記得都只係ABOUT $178,比menu推介既西冷扒$208仲要平!忘記左講飲品,左邊是Ice cappucino 右邊是espresso 沙冰.本身男友好期待有沙冰(因為佢係食冰怪)點知一上檯..咦!咁細杯既我都有少少失望.但飲完一口即刻開心返哂,因為真係好好飲
食飯食到好似坐過山車咁心情起伏!呢一餐太值得叫人encore!仲有落左餐店員會上麵包棒,sorry我漏左個龍蝦湯無影到.配湯食~不過個湯係好濃好濃有d似濃縮湯要加水開稀XD

之前上網睇左免排隊攻略,一早拎左籌等到我地個時段其實好快就入坐了~
由於我地無留意到原來每位最底消息一個餐,2對情況4個人,但佢都只係得3個sets.因為我地有點窩夫,店員就俾我地個窩夫當一個set計,不過唔會幫我地安排後上.
其實食物都只係一般,2款沙律既分別只在於d肉唔同.(一款雞肉一款三文魚)因為跟餐只得一杯飲品,我地就叫左個湯代替.野飲都係睇左網評凍飲的會似藥水味,而熱飲正正常常仲有Kiki同Lala既樣可以影相,所以都係揀熱飲!芝士雞扒配薯餅
個雞扒佢似係免治雞肉咁,中間有d芝士味不過食落去覺得咸左d.薯餅正常味道.卡邦尼長通粉
唔似卡邦尼,只係似著通白汁味道,普通. 蒜香蕃茄辣蝦扁意粉
食落第一啖有少少辣口,大人食可以小朋友可能未必頂得順食哂.芒果窩夫
比意粉仲早上檯,放左一陣雪糕開始溶左d,不過個窩夫不錯有少少脆既口感.最後跟餐既甜品,全晚我最愛!
好軟熟蛋糕同埋都係好似芒果味?少少酸的確不錯.可以清一清味蕾.
有種好fresh既感覺!總結:滿記集團旗下,都係以甜品為主. 主食普通不至於難食都已經可以接受!

好耐無同男朋友2人撐檯腳.事關今日我要出銅鑼灣拎d野,順便問下佢睇唔睇下one piece展.
佢肯出做女朋友既即刻搵d好野食兩個人享受下~

為免驚到時要等位,我都係撥個輪去訂定檯先.不過店方話book檯只可以book到7pm,我預7:15pm就要walk-in了.因為出銅鑼灣都要去幾個地方先,所以我都唔想hold住人地張檯,所以我都係try walk-in啦.

到達門口,接應我地既男職員就問介唔介意坐吧檯,因為其他檯都已經book哂.我其實都幾怕坐吧檯,原因係本人係極矮下下都要爬上張櫈又吧檯會太高食得辛苦.不過因為等位都唔知等到幾時,就照要吧檯啦~
意外地,吧檯位都好好坐,一黎佢張櫈好穩陣,二黎佢個吧檯最底部係高起左一級,可以做腳踏仲可以放袋.如果個級太闊又會搞到張櫈同吧櫈之間隔太開就會辛苦,不過呢度完全無問題! 真係要俾個good!

點餐時,我都問d staff 有咩mocktail推介,佢地都好有耐性答~感覺非常nice.
因為事先已經係openrice睇過其他食家既comment,我地都係order d比較高曝光率既dish.

呢杯lychee sensation好順口,入口先黎lychee既甜同埋lychee既氣味撲鼻,吞一口先有返酒味出黎,唔似出面有d一入口好似飲左一啖酒精咁!good!呢間bar restaurant都有一個gimmick就係以12生肖命名既mocktail,呢杯係bar tender介紹俾我酸酸甜甜既"Goat"~偏酸一啲不過有助開胃!個意粉全名唔記得,但係佢係辣+茄汁+海鮮既意粉.我唔食得辣(因為最怕食完就辣到無胃口食其他野,咩味都食唔到),都覺得呢個意粉係辣得好過癮!男朋友係無辣不歡既人佢都話呢隻食到辣辣地.水牛雞翼,好似拎住住小小雞脾咁,因為店家係只留低一條骨方便客人用手食!呢個水牛芝士既醬係好好味,我地食剩左仲用薯條點哂d醬黎食.呢個Taco都係問staff先order既,分別有4種餡,左邊係肉碎+酸忌廉,左2係豬肉,右2係牛肉,右邊係魚.
我個人最愛魚>肉碎+酸忌廉,其餘2款都係差唔多.牛肉個款食落有d似五香肉丁XD最後既安格斯牛burger,因為男朋友想食burger我先搵到呢間restaurant!
薯條幼身又有灑左d味粉,我到而家都未諗到個d味粉似邊隻薯片....就算凍左食都脆身d唔會淋哂.
而個burger就都幾大份...洋蔥好新鮮,食得出甜甜辣辣,個包都吸左d牛肉汁,而牛肉又唔會話一咬成口都係油.總結今晚呢餐食得好開心,當場係因為打住"拍拖"既名義黎食飯係會令心情up up好多!
坐係吧檯全程都睇住bar tender未停過手不停出drinks,都幾有娛樂ga!
但係房內係比較昏暗,不過呢個係店家既style都無辦法,大家影相時可以會比較暗一d!

這家值得repeat唷!

我第一次黎呢度食係7月23日,相隔2個星期左右,估唔到個質素會有咁大分別!(2次都係Lunch)
第一次黎,係門口既小姐帶我入座,好好禮貌.第二次黎友人先到,我落order時係一位著恤衫西褲既男人負責,餐牌係雙面設計,一邊係揀餐食,另一邊係特色飲品.我同友人只講左食咩,個男人就即刻收走我地手上既menu走左去...佢個lunch set點都會跟野飲既,加$10就可以升級做特飲...正常唔問你轉唔轉特飲,都會問下飲咩掛...但係呢位男仕無,收返menu即刻走左去...

同場係我右手邊有3位女仔都係要落單,同一位男仕,同一樣態度,恰巧待3位女仔落完單,我地想叫返位男仕俾d menu睇下d特飲,我只係叫左一聲"唔該"個位男仕一個轉身就掉低左3張menu落我地張檯.
我完全接受唔到佢既態度.
其一:有咩理由我只係叫左佢,佢就知我要menu!
其二:有人叫你正常都會應人一聲丫,佢咁即係咩意思?一早就知我地未落野飲,掉返menu俾你地?
真係未食已經被人打左300大板咁.d員工教育可唔可以做返正常水準?

之後友人都發現,好多客人見到個位男仕行過都唔會叫佢,寧願叫其他staff.

到野食個part
先黎一個餐湯+蒜蓉多士,本身我都好期待.因為我第一次黎食個湯係好得!
今次個湯係好稀,飲落去仲好似有一陣檸檬洗潔精味...完全係2回事!!到個飯黎到,我今日叫左個咖哩牛腩,真係好唔搭不過我之前已經食過其他2款,總要試下未食過既野.味道正常無問題,不過友人叫既卡邦尼意粉上檯時係一啲都唔熱!感覺好似擺左成個鐘咁...同埋一直食開既卡邦尼都係好creamy同埋係白汁咁既,但係唔知點解完全無汁,感覺係olive oil炒意粉咁...
隔左一陣我地右邊個3位女仔都有叫到卡邦尼,不過見住佢上檯係有煙出,唔知點解會有咁既情況發生.
由於友人怕叫佢地換會俾人加料,所以佢都係默默地"啃"左碟"冷麵"

最後上既甜品,無技術可言,所以味道都係正常既!總括黎講今次既經驗令我好失望,呢間食店應該係7月頭先開,黎到8月8日就已經變成咁.
本身我第一次食完都好推介同事去,黎完第二次我已經black list左,同事聽到都覺得好驚訝,有咩理由d野轉得咁快!
補上menu相同埋第一次食既相,個湯真係變到呢...呢個湯真係好好味,我上次食飯既友人話好似一隻市面有得賣既有機蕃茄湯!chop chop味道都唔錯,份量雖然少一點但係都好岩OL,食太多返反會好飽.