LIFE Restaurant & Bar (尖沙咀)

 
都是見價錢同圖片太吸引, 即刻搵齊腳就食, 試吓佢得唔得先正宗生蝦刺生, 真係好新鮮, 蝦的肉質又夠厚, 配上面頭的蒜片同辣椒, 青辣椒的辣更勝一籌對於嗜辣的我同老公, 真係酸辣並存, 誰也搶不了誰的味道, 鳳爪亦厚肉,爽口又弹牙, 但對不太食得辣的朋友, 無疑係一項挑戰, 但他們都不斷食, 真係又愛又恨炸物都係一絕的, 其中招牌香葉雞, 雞JUICY又嫩肉末生菜包, 又香又辣的肉碎包在新鮮生菜內, 征服了我的味蕾招牌泰燒雞, 雖然份量唔算多, 雞有燒烤味之餘仍能保持嫩而有肉汁,廚師的燒烤功夫真的十分了得泰式燒牛肉, 估唔到都係唔錯, 牛的肉質軟諗,起初想佢可能只係招牌雞先好味添, 我錯了泰式燒豬頸肉, 厚切但肉質仍然夠柔軟, 到這刻豬、牛、雞都品嚐過了, 但都係不相伯仲, 一個字, 正~~大家都飽到嘔了, 但招牌泰式炒飯, 上桌時香噴噴加上半熟蛋, 真的抗拒不了終於到最後的泰式炒金邊粉, 食到最後都係要食, 花生新鮮香脆,調味恰到好處,金邊粉軟硬剛好又夠乾身, 太好味啦~~~~

飲品:餐包飲品（4人1支） u/紅酒 v/白酒 w/果汁(菠蘿汁.橙汁)

因主力係酒吧經營, 又可能因係團購餐, 清水要$30,以每人一杯嘢飲實在不夠, (所以店方不斷問要唔要任飲), 當然要加錢啦)但觀其食物係廚師係有實力的, 如果想去上試食的朋友, 廚房係星期日收爐的喔~~, 其餘的店員服務尚可, 似是老闆的男士就甚是熱情, 另外, 洗手間都十分企理

馬家莊清真館 (尖沙咀)

原本預約了他們落場前嚟(17:30前不用加一),但因突發事故額到當天晚上19:00。
18:50到達位於H8 lift大堂, 嘩...要排隊等了三架lift先入到, 害我這第一次踏足H8的人虛驚一場。
準時抵達, 但原來book唔book位都一樣等候入坐 , 其實買團購時見係蔡瀾先生推介,老公叫我買2張, 好彩沒有...

明白香港寸金尺土,坐位非常迫夾, 無論團購或正價都會催客走, 雖迫夾, 但卻有兩張大圓枱, 大約一張坐12人, 我見有大枱6個人,仲要搭個2人落去, 另一張大枱搭分3班客。我所有袋都要抱著吃, 很不是味兒呢

菜單如下但當日次序係--->咖哩牛腩飯夠辣, 本人冇辣不歡, 不過 比較硬身,撈咖哩汁一流的, 牛腩都好軟腍入味, 不過比軟碎同細件。

-->馳名牛肉餅
同九龍城的清真差唔多, 都算係鎮店美食之一-->砂窩雲吞雞砂窩雲吞雞都是可以的, 雖寫明1/4隻雞, 但比預期大, 湯唔知原汁原味的,雲吞餡應該係雞肉,一般

係有兩隻似是蚊子仔(有翼的已死)係砂窩雲吞上面, 最衰冇影相作實,衛生就值得斟酌了

豚之味拉麵 (天后)

遠離銅鑼灣核心地帶, 今晚稍移玉步在天后一間不太起眼的小店, 原於因團購二百多元可供四人餐單非常吸引地點附近都有間精品酒店,已訂位不用等, ,有任食項目, 限時90分鐘, 加油!!!
店員ANNA熱情的招呼, 令大家更開懷…-鴨胸沙律(細圖的右下):-鴨胸片每人一大片,雖然都好味, 但相比香芒牛油果沙律, 略為不夠清新
-香芒大蝦銀雪魚拼日式炒雜菜(細圖的右上及左中):銀雪魚係魚粒, 食唔出口感, 大蝦尚可, 炒雜菜很多    料, 味道唔特別。
-招牌鹽燒銀雪魚:sorry, out focus咗, 但...真係幾大條又厚身, 燒得香噴噴, 熟的嚟非常嫰滑, 連唔食魚的友人都大讚好好食。
-雜錦吉列盛合(大蝦、魚柳同一口芝士):不過不失-這個天婦羅盛合: 蝦肉仍鮮嫰可口, 日本青椒仔外脆內軟, 蕃薯甜而不膩,南瓜鬆脆可口。串燒盛合:甚有水準, 食材新鮮,樣樣都燒得出色, 連菜心都係燒得恰到好處。
**********指定系列食完,咪以為食晒喎, 重頭戲現在才開始*********特色海膽汁燒蠔(任食系列3之1): 我哋四人吞噬了22隻燒蠔, 雖然係團購, 但店方仍堅持交出好貨, 我哋係每次8隻咁叫, 第一輪嚟的蠔隻隻都好平均, 每隻蠔都有手掌位般大, 所以燒完的蠔肉仍大大粒, 他們燒的技巧也恰到好處, 蠔殼內的汁仍浪住...真係食到停唔到金菇肥牛卷(任食系列3次2):名字普通, 誰人未食過呀!不過佢哋真係殊不簡單, 肥牛唔會咬不開的劣肥牛, 雖不至於入口溶化, 但卻係有誠意的作品, 一份有6條, 我哋叫了兩round.軟骨餃子(任食系列3之3): 好特別的餃子, 菜配上軟骨, 份外有咬口, 煎的也金香,這個也叫了兩次共8隻。終於到尾聲....特色吉列流沙湯圓, 不是任食, 但4人有8粒,份量真的比足, 而且別具特色, 芝麻亦甚香口。

###本人忙食之間亦遺漏影日式雜菌味噌湯, 湯亦十分足料, 不咸之餘又夠熱, 最like熱騰騰的湯, 另外無酒精飲品係無限添飲, 可樂係一整罐給您的, 就算叫沖的巨蜂提子汁同熱柚子蜜都係落足份量的。

店員兩位都好熱情招待(他們都並不是老闆), 不時問要否添飲品, 收食完的碟亦很勤快。雖然任食只係1.5小時亦好足夠, 因為他們不會待慢。沒有最好, 只有更好。滿載人情的小店。久違的香港人情, 我承諾會他們會把事實寫在此處表揚他們對食的要求及執著作為對他們的鼓勵。努力!!!

***小店的洗手間也十分讚, 雖然細卻十分整潔, 厠內竟安裝了分體式冷氣令潮濕的空間變得乾爽!

Bellaria (灣仔)

今天慶祝老公正日生日, 來到位於灣仔這間浪漫裝潢的意國菜餐廳Bellaria,雖然店子不算大, 但勝在溫暖羅漫的燭光下及一流的服務態度。冬天進餐, 我先要講求食物一定要熱,再者才是味道, 但這點在這餐廳應運而生, 毫冇難度!
黑醋橄欖油配上看似麵包但口感卻像千層蛋糕, 肚餓的我倆好快已掃食清光
熱騰騰見到出煙的南瓜湯, 口感細膩, 卻不油膩, 好味冇味精, 喝完一點也不口渴。
頭盤一:芝士焗青口配沙律,芝士味唔算強烈,兩隻肥大的青口, 雖不至鮮味, 但十分彈口, 而且青口內裡清潔的乾乾淨淨,看得出廚房絕不馬虎。
頭盤二:巴拿馬火腿沙律, 雖然係薄切的巴馬火腿但都有5塊之多, 兩個頭盤的沙律皆非常新鮮, 配上恰到好處的黑醋汁醒胃非常!
主菜一: 炭燒安格斯西冷牛扒,老公為了遷就我要了七成熟的牛扒,但真的時間控制的剛好, 不見血之餘, 牛肉仍然唔堅韌, 牛扒配汁加上芥辣, 好食呀, 而且伴碟的紅蘿蔔, 意式青瓜,薯蓉及甜甜的南瓜, 全部都係熱熱的, 令人食得好舒服
主菜二:BBQ豬仔骨,伴碟同西冷扒一樣, 亦同樣美味, 雖然比睇相時份量少了, 不過豬仔骨一上枱, BBQ香味四溢, 急不及待用刀叉切開, 嘩…不用大力切己化開的豬仔骨, 肉汁非常可口, 絕妙, 拍得住以前timesquare那間Tony Roma’s, 激讚!
餐飲: 點了兩杯tea, 雖然佢哋用lipton茶包, 但水滾茶自然靚, 他們比的牛奶係係咖啡機打出來的, 泡沫細滑, 即時加分!
甜品:焦糖香蕉批 & Tiramisu, 前者好好多, 後者好像沒有用Mascarpone,或是用得太少, 只食到一層海綿蛋糕, 而且切得不太精緻, 不過我問店員(當然用英文), 因為老公生日可否寫上happy birthday字樣在碟上, 他們也一口答應, 沒有因為團購而沒有應有的態度, 實是難得, 加上自己帶嚟的蠟燭一點, make a wish啦, 老公已開心非常。最緊要老公happy

-走時店員再同的老公講生曰快樂同good bye, 態度非常親切。
-另外, 餐廳越夜越多人,但用餐時, 仍然等您食完一碟,收起,先上另一碟, 而且每一道菜都會收走您食的餐具,再重新比過新的餐具您, 真是細比又貼身!
-值的一提洗手間清潔, 有梘液又有抹手紙, 對女士而言, 係一大喜訊^o^

泰皇泰式車仔麵 (灣仔)

店子門口比較細, 未必人人留意到這間小店, 但店面尚算簡潔整齊, 我們比預約時間早了半個鐘, 人客唔多, 又是平日, 店舖經理友善請我們隨便坐....

未幾, 炒芥蘭先上場, 新鮮翠綠;沒苦澀味;軟硬適中:是日天氣特別凍,廚師細心地把菜堆成小山丘, 減慢菜變涼。

泰皇特色大碗麵: 我們揀了冬陰公金邊粉中辣, 辣香非常, 配料非常的多有泰式牛肉丸、泰式豬肉丸、泰式魚丸、泰式札肉、司華力腸、肥牛、肉碎、雞絲及秀珍菇, 而且每款配料都有兩份, 真係冇欺場

在1/3飽之下串燒拚盤上枱啦...嘩, 有雞、牛、豬、札肉同司華力腸, 札肉係切成三角錐體燒的, 本身札肉都係乾身, 所以燒完唔係乾到死咁已經好好, 札肉都好彈口, 雞肉十分鮮嫩, 厚粒切成, 十分JUICY, 司華力腸同街邊小檔燒的一樣,皮脆肉滑,豬同牛就只係不過不失。

接著剛炸起的蝦餅, 唔算好出色, 不過剛炸起, 熱騰騰, 沾上泰式酸甜醬, 甚是香口

已經好飽啦...仲有海南雞飯剛到我們只試了一口飯同雞件沾上他們的特製醬汁, 真係超級無敵咁好味, 先講飯唔係太油但很香, 海南雞滑嫩又厚肉, 醬汁香辣帶微酸隱約仲有魚露味, 最反要打包,食唔晒又唔想做大嘥鬼

餐飲兩杯可揀泰式奶茶/青檸梳打, 因為天氣冷,揀了兩杯泰式奶荼, 味道特別,好似麥味但相信應加了一些香草, 我就好受落啦 , 如果同港式奶荼一樣就毫無驚喜呢!?

蔡經理好友善, 在言談之間, 佢知道我們喜好辣蟹, 佢推介同屬集團的金蘭花私房菜食蟹, 驪說美味非常, 下次有機會一定去試下,並且這間泰皇一定再嚟幫襯, 有水準, 有好客, good