前兩日已經訂左位晚上七點, 侍應好好服務,當日4點鐘打多次黎確認
一入到去 地方好細, 仲要加左個斜台 望落就更加細

menu紙有九張, 差不多叫左一半
刺身同sushi選擇好少, 各10-15樣
以$150質素黎講,呢間可以話係剛剛好合格

食物味道唔算出眾, 好特別既係 size係非常之細!!
不過係好事黎架, 唔使食sushi飯食飽..

好味一call再call:::火焰三文魚壽司同焗蠔

炭燒帆立貝 一個字 乾! 真係好難食 sorry..

炒青口 帆立貝copy版...外貌 顏色都一模一樣(其實係咪帆立貝黎架= =)

長腳蟹肉沙律 一上台就有樣感覺係明x中出吞拿魚壽司...

鮑片壽司 一食就知係罐頭鮑魚,雖然唔係話要好貴果d, 但賣相有d膚衍之嫌

赤貝 其實呢個幾好架, 但唔知點解嗌左好多次 上台都好似比人碎屍咁

情人節唔想黎黎去去食西餐, 貴夾唔飽 就走左去九龍城試譚點!

推介排名分先後~

一口漢堡 呢個一定要推介啦~! d芥末真係好味到不得之了, 食完想再食

鳳爪 好味,食得出放左好多材料(味精)落去, 但未至於重口味到難入口, 最驚喜係底層平時會用薯仔佢用鳥冬

蝦餃 d蝦真係大到你唔信呀! 一籠兩件價錢除返開拍得住酒樓,但堅好味的

牛柏葉 重口味最岩食, 好多薑+蒜頭, 幾好幾好

叉燒包 好細個,無咩特別

海鮮卷 食唔出有海鮮(?_?), 同炸春卷差唔多

碧綠帶子腸粉 腸粉淡而無味, 就真係食到帶子, 但感覺唔係太match

芝士蒜蓉焗餐包 =蒜蓉飽 不叫也罷

而家睇返其他d食評竟然有馬拉糕, 但去到無得點, 好唔開心!!

d野食一睇到真係好熱, 放入口前要小心d喇~

總結..值得去多次!

好耐無出街食飯就無再寫(其實係有d懶)

前排響openrice訂左新森林團購18, 就去試試, 令我點都要寫返呢間既食評!

首先去到環境唔錯, 2人位有d迫, 冬天去d大褸都無位放

menu上既食物好吸引, 記得幾年前響元朗食過一次好好味, 所以好期待!

芝士焗野菌軟殼蟹天使麵 難食, 天使麵淡而無味, 面層較乾, 底層較濕 有d好淡既蕃茄味,

軟殼蟹炸粉太多, 好似食緊"炸油池", 重點 說好的芝士呢? 成碟野一d芝士味都食唔到

日式燒汁和風金菇牛肉炒飯(sorry 名太長唔係太記得)

飯底=波羅海鮮炒飯, 無波羅個啖飯比起屋企媽媽炒既飯更難食

金菇牛肉就ok

羅宋湯/蒜蓉包 +$5 合格 不過不失 但蒜蓉包淡口左少少

總結我覺得呢兩碟野本身獨立黎講唔係話好難食, 但match埋一齊就有種不可而喻既感覺

係咪因為團購就比d咁既水準?!

食完, 開心既係 一直好期待 而家$18就食到真正既味道

唔開心係為左$18連$34都曬左呀

　黑椒牛肉鍋飯．非常之好味道．剛上既時候牛肉係生既．搵ｄ飯焗焗佢就變熟啦～黑椒味亦唔會太濃．建議上菜後等５分鍾再食．咁樣就會有好正正既飯焦喇！
　芝士炒年糕．劣作！淡而無味又痴住個碟．比起之前響上海婆婆食到既差太多！（可能同上海牌年糕有關係＠＠？）
　燒章魚餅．高級ｄ既小丸子－　－
　明太子批薩．好味道　雖然個批係薄到成張紙咁！
環境好ｆｅｅｌ．ｍｅｎｕ都多野揀．價錢同份量係成正比既！！
但唔知點解ｄ侍應一定要蹲係度落單囉＝．＝

之前響ｏｐｅｎｒｉｃｅ見過有介紹就特登去試！
ｃｏｕｎｔｅｒ非常之細．淨係得１２種揀
最愛綠茶既梗係唔會揀扭紋啦！哈哈
於是叫左一筒綠茶軟雪糕，２６蚊．
點知一食落就發覺唔對路喇！！
真係太大筒．如果一個人食唔係肥死係飽死
至於味道喇喎，比哈根大師既更苦．唔係人人接受得到．
不過咁先係架嘛！　
誠心建議去試既一定要帶埋你男／女朋友去！幫食呀嘛　哈哈

禮拜日去到竟然無人排隊！為左唔會成日油煙味，決定唔坐ｂａｒ台，２個人坐４人台　十分闊落。

最好味係扇貝．蠔．蝦呢ｄ海產！全部都係熟食，唔怕會食肚痾喇　

呢度有野好特別既就係生牛肉刺身，但唔敢食！ｈａａ。

刺身種類唔算多，基本既都有：三文魚，吞拿魚，金槍魚，醋青魚，帆立貝等等

熟食肉類淨係食左牛柳粒同牛仔骨，但有少少韌！

飲品方面都好多野揀．好特別有綠茶奶昔，西瓜汁，奇異果汁等等

甜品就得好少，都係一ｄ朱古力慕絲．芒果布丁之類

要注意ｍｅｎｕ係有兩份，有一份係多ｄ款的．ｏｒｄｅｒ佢會收返，

每次叫都要同侍應講真係幾麻煩！！當我地食到飽飽地既時候先發現到第２份，但已經太遲喇．飽晒　

不過１５０人仔係香港真係食唔到咁多，所以決定下個禮拜又再去食順便影埋相　

去到唔使等位．坐都坐得好舒服　
本來諗住叫二人餐１６８好似幾抵，但裡面有幾樣野麻麻．比如粟米餅，所以最後都決定散叫。
原先叫左兩個撈檬同豬頸肉，點知侍應竟然轉頭同我講無檬粉！
聽到當場打左個突，７點未夠無檬粉賣，太誇張了！
最後叫左個海鮮炒飯　好多材料呢～　　燒豬頸肉　好味！特別係個汁
　鳳尾蝦春卷　非常抵食，＄２５／４隻　咁既價錢味道算好正。
仲有個　椰汁西米糕，非常好味！荷葉包住滿滿既西米，又唔會太甜，正！

７點唔夠去到　唔使排隊　

２人餐：
　皇牌拼盤．最好味係個玉蘭卷！仲有其他豬軟骨．貢丸就很一般

　雞絲拉皮．呢個真係好好味！！Ｄ拉皮第一次食，好似海蜇之類．雞絲上面有好濃既花生醬

　鳳尾蝦卷．好味既原因係個汁．甜甜的

　細肉燥飯．好普通，不過都成碗食晒．可能係太肚餓　哈哈～剛剛上桌可能會嫌太細碗，但勝在其他送夠，份量岩岩好

　甜品芝麻湯丸．唔食好過食．黏牙不得只，芝麻味亦好強勁。

味道唔錯．價錢亦相宜，係位置太迫了！

　四川雞柳炒年糕 以為好辣，原來係幻像，雖然有紅辣椒，但一Ｄ都唔覺得辣，年糕好煙韌．雞柳亦炒得好好味。

　婆婆擔擔麵　好大陣花生醬．雖然個湯係好紅．但一Ｄ都唔辣．花生醬味已經蓋過晒。

　上湯小籠飽，呢個比起前面的就遜色平凡左Ｄ，好一般但勝在夠平！＄２５／４隻

打開餐牌以為好貴，但其實上菜係好大盤，絕對係岩晒一家４個或以上既人黎食！

環境係暗左Ｄ，地方亦好闊落！

今次好可惜食得太飽，試唔到個香蕉高力豆沙飽　

在某討論區見到dsushi同燒肉就決定去試一次!!
15x+10% 唔算好貴!!
入到去..坐位得個逼字
去到餐廳會送一個燒肉同刺身拼盤
盤野得個細字
刺身算一般 好味d既得赤貝
肉類就食唔出各樣有咩分別..
壽司真係勸各位唔好叫..舊飯仲大件過上次d魚生, 老細真係想我地食飯食飽喇~~~~
搞到而家見到d壽司飯都驚驚地..我諗淨係得愛飯人士喜愛..
另外汽水任飲的 可樂得百事揀..
食完可喜既係身上無咩油煙味