Tang Lamlam 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2011-03-11
前兩日已經訂左位晚上七點, 侍應好好服務,當日4點鐘打多次黎確認 一入到去 地方好細, 仲要加左個斜台 望落就更加細 menu紙有九張, 差不多叫左一半 刺身同sushi選擇好少, 各10-15樣 以$150質素黎講,呢間可以話係剛剛好合格 食物味道唔算出眾, 好特別既係 size係非常之細!! 不過係好事黎架, 唔使食sushi飯食飽.. 好味一call再call:::火焰三文魚壽司同焗蠔 炭燒帆立貝 一個字 乾! 真係好難食 sorry.. 炒青口 帆立貝copy版...外貌 顏色都一模一樣(其實係咪帆立貝黎架= =) 長腳蟹肉沙律 一上台就有樣感覺係明x中出吞拿魚壽司... 鮑片壽司 一食就知係罐頭鮑魚,雖然唔係話要好貴果d, 但賣相有d膚衍之嫌 赤貝 其實呢個幾好架, 但唔知點解嗌左好多次 上台都好似比人碎屍咁 推介美食: 焗蠔
評分: 味道 2 環境 2 服務 4 衛生 3 抵食 2
2011-02-17
情人節唔想黎黎去去食西餐, 貴夾唔飽 就走左去九龍城試譚點! 推介排名分先後~ 一口漢堡 呢個一定要推介啦~! d芥末真係好味到不得之了, 食完想再食 鳳爪 好味,食得出放左好多材料(味精)落去, 但未至於重口味到難入口, 最驚喜係底層平時會用薯仔佢用鳥冬 蝦餃 d蝦真係大到你唔信呀! 一籠兩件價錢除返開拍得住酒樓,但堅好味的 牛柏葉 重口味最岩食, 好多薑+蒜頭, 幾好幾好 叉燒包 好細個,無咩特別 海鮮卷 食唔出有海鮮(?_?), 同炸春卷差唔多 碧綠帶子腸粉 腸粉淡而無味, 就真係食到帶子, 但感覺唔係太match 芝士蒜蓉焗餐包 =蒜蓉飽 不叫也罷 而家睇返其他d食評竟然有馬拉糕, 但去到無得點, 好唔開心!! d野食一睇到真係好熱, 放入口前要小心d喇~ 總結..值得去多次! 推介美食: 青芥脆蝦一口漢堡仔
評分: 味道 5 環境 4 服務 4 衛生 4 抵食 4
2011-01-18
好耐無出街食飯就無再寫(其實係有d懶) 前排響openrice訂左新森林團購18, 就去試試, 令我點都要寫返呢間既食評! 首先去到環境唔錯, 2人位有d迫, 冬天去d大褸都無位放 menu上既食物好吸引, 記得幾年前響元朗食過一次好好味, 所以好期待! 芝士焗野菌軟殼蟹天使麵 難食, 天使麵淡而無味, 面層較乾, 底層較濕 有d好淡既蕃茄味, 軟殼蟹炸粉太多, 好似食緊"炸油池", 重點 說好的芝士呢? 成碟野一d芝士味都食唔到 日式燒汁和風金菇牛肉炒飯(sorry 名太長唔係太記得) 飯底=波羅海鮮炒飯, 無波羅個啖飯比起屋企媽媽炒既飯更難食 金菇牛肉就ok 羅宋湯/蒜蓉包 +$5 合格 不過不失 但蒜蓉包淡口左少少 總結我覺得呢兩碟野本身獨立黎講唔係話好難食, 但match埋一齊就有種不可而喻既感覺 係咪因為團購就比d咁既水準?! 食完, 開心既係 一直好期待 而家$18就食到真正既味道 唔開心係為左$18連$34都曬左呀
評分: 味道 2 環境 4 服務 4 衛生 4 抵食 4
2010-11-18
黑椒牛肉鍋飯.非常之好味道.剛上既時候牛肉係生既.搵d飯焗焗佢就變熟啦~黑椒味亦唔會太濃.建議上菜後等5分鍾再食.咁樣就會有好正正既飯焦喇! 芝士炒年糕.劣作!淡而無味又痴住個碟.比起之前響上海婆婆食到既差太多!(可能同上海牌年糕有關係@@?) 燒章魚餅.高級d既小丸子- - 明太子批薩.好味道 雖然個批係薄到成張紙咁! 環境好feel.menu都多野揀.價錢同份量係成正比既!! 但唔知點解d侍應一定要蹲係度落單囉=.=
評分: 味道 4 環境 5 服務 3 衛生 4 抵食 3
2010-11-18
之前響openrice見過有介紹就特登去試! counter非常之細.淨係得12種揀 最愛綠茶既梗係唔會揀扭紋啦!哈哈 於是叫左一筒綠茶軟雪糕,26蚊. 點知一食落就發覺唔對路喇!! 真係太大筒.如果一個人食唔係肥死係飽死 至於味道喇喎,比哈根大師既更苦.唔係人人接受得到. 不過咁先係架嘛! 誠心建議去試既一定要帶埋你男/女朋友去!幫食呀嘛 哈哈 推介美食: 宇治抹茶軟雪糕
評分: 味道 5 環境 4 服務 3 衛生 4 抵食 4
|