黑森林蛋糕賣相幾靚
面頭雜果夠多
但奇異果有陣味好似變左
蛋糕夠鬆軟
中間夾左o者喱但用左太多魚膠粉整
結果太硬無乜味
cream幾滑又唔太甜唔差

夜麻麻突然想食油條
路過見仲有得賣
貪吃既我見到仲有一個煎堆
又跟手要埋
咁都只係6蚊抵到爛
兩樣都仲係暖暖地
油條幾脆
但煎堆太厚身有d韌
可以啦

早幾日朋友仔半夜話要食糖水
本來想去對面順德公
但因為已經半夜1點幾
人地收左工
唯有轉黎呢度
叫左紅豆沙($10),綠豆沙($10)同魚肉菜($11)
魚肉好粉無味
紅豆沙紅豆大大粒
煲得夠淋又有陳皮味
唔會太杰太稀
可惜係仍然太甜
綠豆沙都唔錯
但又係衰在太甜
如果佢可以少甜d
相信客仔會多番d架
因為近投注站關係
跑馬日特別多人
所以牆上寫明賽馬日淨飲汽水$9

上星期有日同同事食lunch
叫左咖哩雜菜,咖哩羊同咖哩魚
全部都好油
未食已經見到有成寸厚既紅油浮面
雜菜用左青椒,西芹等等
魚係吞拿魚
羊出奇地入味同酥軟
又大大件
忍唔住一口接一口
但真係太油喇
食完都有d肚痛

腰果糊既腰果味幾香
但唔知點解帶有少少苦味
唔太甜幾好
西瓜西米露唔知點解會default用左芒果汁做底
令到西瓜即時變得唔夠甜
呢度勝在價錢平
味道又唔差

朋友仔突然有星期六放
就去左旺角食飯同行街街
行到入女人街見呢度人唔多仲有位
就入左去
叫左薑燒牛肉併黑豚肉燒賣便當($28)同燒雞扒併蕃薯天婦羅便當($28)
薑燒牛肉同吉野家d牛肉飯味道無乜分別
自己仲好味過佢
黑豚肉燒賣即係豬肉燒賣
肥肉幾多但味道都算唔差
日式蒸蛋只係普通蒸水蛋加片鳴門卷
略嫌唔夠熱囉
朋友仔既燒雞扒皮幾脆但肉有d韌
好在d汁甜甜地幾好味
天婦羅唔會炸到一口油,ok
不過兩個便當d飯都太少
男仔食真係會唔夠飽
餐飲有凍檸茶同凍奶茶
無茶味又多冰
服務又唔見得好
以前o係另一間分店食過dinner
又係麻麻
相信唔會有下次

無端端有免費戲睇
約埋朋友一齊去
收工後約o係銅鑼灣見面
就搵地方可以慢慢坐低食飯同吹水
近近地選左呢度
二人餐好多選擇
可以揀一個主菜：芝士忌廉汁配香煎帶子太極墨魚麵
芝士汁唔算特別好
帶子又無鮮味
好在意粉條唔會淋bat bat算有d咬口啦
一個pizza：金牌至尊
即叫即整係薄脆底
但因為顧住傾同食意粉
結果食時都凍左無咁香
但都算幾多料
味道可以啦
另外仲包餐湯．飲品同甜品各二
朱古力幾香濃
甜品本來default係牛奶布甸
但我地為食寧願加錢轉其他
點左紅豆綠茶芝士蛋糕
紅豆淋得黎有d口感
加埋綠茶香味既cheese
唔會好漏味道唔差
仲有黑朱古力pancake
一上檯已經好有驚喜
賣相好靚
面頭舖左好多朱古力碎
pancake頂放左一大個雪到硬晒既雪糕球
慢慢叉開黎食
一熱一凍感覺好正
係全餐最好既一個dish

朋友請飲黎左呢度
出品都係例牌o個d
乳豬唔會好多肥肉
皮脆口味
帶子夠大隻有鮮味
炸子雞皮香脆肉嫩
魚蒸得有dd過老
翅唔算好粗份量亦較少
overall唔算好又唔太差
但最差既竟然係炒飯
又凍又無配料

朋友仔專登行去買雞脾黃薑飯俾我食
雞脾一開四食得好方便
皮燒得脆
沙嗲汁野味
只係略嫌d汁唔夠辣
黃薑飯金金黃黃咁既樣好靚
加左蛋絲一齊炒唔算好油
但就好似無落鹽咁
不過overall係ok架

早幾日lunch同朋友仔去左想不起來食台灣野
叫左台式豬扒麵
以為只係煎
但原來係炸架
仲要油淋淋隔油都未做好
油到要浸湯先食得
朋友仔要台式烤腸米線
烤腸份量幾多
而且切得夠薄
一片片好易入口
飲品有珍珠奶茶同荔枝玉露
都唔明點解次次叫左少甜都仍然係咁甜既