今晚食開果兩間放題都冇位，咁就唯有去試下呢間。一去到唔駛等位。入到去環境ok. 叫左d野食冇耐就上菜，但職員態度好差，問佢有冇天婦羅汁，佢竟然話"有就有，但用唒咪冇囉".

而食物方面亦唔見得好食，刺身一般，羊扒薄到唔可以叫羊扒只可以叫羊片，大蝦串燒唔係原隻大蝦而係用雪蘵蝦仁好大陣雪味,蕃茄煱味道好怪好似就咁用茄汁做湯底, 蝦天婦羅炸到太實唔OK. 比較好食既只有兩款, 第一款係炒什菜,第二款係炸雞軟骨！而雪糕有5款味道可選唔錯唔錯.

所以話放題係唔可以亂食. 我係絕對唔會再黎"火鳥"，唔想浪費我個胃既quota。

我從來都唔鐘意食cupcake, 原因係一來貴二來甜到漏既味道令我唔鐘意. 果日咁岩睇到facebook 有介紹呢間新開既cupcake shop , 就click入去睇下, 見到佢d cupcake 既圖案設計好靚好有心思. 再見到佢有cookie 既相,就叫老公幫我去買, 點知老公去到, 店員話未有cookie賣, 老公為左唔想令我失望就買左1盒9件既cupcake俾我同同事食. 一見到個盒入面既cupcake 公仔已經覺得好靚啦. 我就選擇食芒果味既cupcake. 一食落去就好驚喜,果種驚喜唔係超級好味果種感覺, 而係入口有清淡既芒果味, 而一點甜到漏既感覺都無. 食完成個cupcake 我好想食多一個. 但實在係要減肥,唔可以食太多. 但NATURAL CHIFFON 既cupcake 真係值得一讚.

PS: 由於佢既餅盒只有2個裝,4個裝同9個裝. 我覺得如果有6個裝會好D囉. 因為大部份人都係半打一打咁去買架麻.

希慎開張之後都聽過喺SUPERMARKET 果度有間賣牛角飽賣到出晒名既. 一心去買黎試下, 但31/8 去到時每日限售既20000個牛角飽已經賣晒. 結果過左兩日老公放假專登去買俾我食. 但係佢竟然要等左50分鐘先至買得到....... 真係有D SHORT. 不過食完之後真係覺得好好食. 好香好脆. 老公總共買左9個牛角飽俾我同我D同事食, 每一個同事都讚不絕口. 我專登留左一個第2日先食, 味道同即日食既都一樣好味. 值得一試. 但如果要我等50MINS 先買到個牛角飽, 講真我寧願唔食囉.

一直好鐘意周圍試酸辣粉,今次去左試"渝"酸辣粉.
可能之前期望過高,我地叫左佢$72個餐,包3個小涼拌,碟口水雞,一杯豆漿,一個甜品.
點知食完第一啖已經有D失望,唔酸又唔辣個湯又淡,我都已經叫中辣,勁失望.口水雞可以既.至於D小涼拌就一般啦不過不失.而甜品都係無咩味道

而環境都舒服又有電視睇,唔錯.