jerrymau 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2019-04-17
本人第一次既作品,就為呢一間令人越食越慶既“越來越愛”,我朝早食過早餐,覺得都幾好食,就夜晚同老婆外母連個仔嚟試下,價錢唔貴,不過食物質素係垃圾級別,首先嚟嘅係沙嗲粉絲肥牛煲,呢個餸我諗大家都食過,亦知道佢唔係好難處理既普通嘢,但呢間餐廳竟然可以煮到淡茂茂,牛肉白烚,粉絲無味,撈d汁就算,真係求其到爆! 再嚟就係生菜包,d豬肉亦係白烚,有無搞錯!同餐廳反映咗,結果係沙嗲無味就加沙嗲汁,白烚豬肉無味就加d鹽,直情係挑戰你嘅eq,令人越食越火滾。。。。。。一句到尾,永無下次 ps:早餐ok,經過可以試下 推介美食: 椰青 評分: 味道 1 環境 4 服務 3 衛生 3 抵食 2
2009-10-10
我已經唔係第一次去,啲食物每次都依然係好好食,實在唔多明點解D人話唔好食..... 1)先講食物-必試魚香茄子!!!!!茄子新鮮,去皮,厚切,每啖都好充實,魚香和肉味入哂去....正!撈飯一流!!!再嚟沙羗鴨,鴨肉唔un,但有咬口,點埋沙羗汁,一試難忘!再來煎蛋角,夠香,有蠖氣,沒有加粉,唔似品香樓...然後不得不堤送的口水雞,雖然不太正宗,無油浸住,但加了麻醬,比用油浸更好,唔話送,我諗$50-$60都食唔到.....最後甜品,必試"互"泥,清甜到難以形容,不過預返2-3人食一碗,因為會好飽的, 2)再講服務-雖然無獨立一位waiter服待,但因為人不太多,每次需要幫手都立即有人...good!點餸時幫你預埋夠唔夠食,叫多咗會問你是否太多....試問有邊間會做??食完埋單,主動問要唔要泊車,唔洗驚唔記得!特別點名讚shop manager吳生和林生,親切,醒目,健談!Thanks a lot Mr Ng! 3)環境---主調用紅色,我覺得幾舒服,D燈好靚!D枱夠大,唔迫,冷氣略大,帶件衫好d. 4)價踐---2-3個人,$180-$200左右,4-5人,280-$400左右,勁抵! 推介美食: 魚香茄子,沙羗鴨,煎蛋角,口水雞,"互"泥
評分: 味道 5 環境 4 服務 5 衛生 5 抵食 5
|