對我嚟講要排隊食飯真係唔好預我，仲要係落雨嘅日子。但係今日我竟然做了傻事，係落著雨嘅室外足足排左一個鐘，為的就是一件千層蛋糕。 入到餐廳即刻叫左個2人餐，4件蛋糕極速送到，第一件食原味千層，感覺超正，食到的是好香的牛油味，但一點也不膩，很快便把它ko了。 朋友的玫瑰味千層，雖然有點溶，但味道很好，所以也很快被ko. 其他兩件及飲品就只是一般，但這裡的千層蛋糕真的令我回味無窮，已經令我覺得在下雨天排一個鐘也很值得。

本身食量不大, 已經很久沒有食自助餐. 今次有人請, 所以才會再吃. 7:00到達, 入座率不算是太高, 但都只被安排2人枱, 放完餐具, 枱面已經無太多位置放碟, 收碟速度亦緩慢, 所以經常出現無位放碟的情況.
食物款式不算多, 但本人只重質不重量.
海鮮: 生蠔 (已預先打開, 不需排隊等開), 翡翠螺, 長腳蟹, 蟹, 青口
湯: 只有一款, 當日為黑松露忌簾湯
沙律: 有多款沙律醬, 多款沙律菜, 自由配搭
刺身: 劍魚腩, 三文魚, 吞腩魚, 章紅魚
壽司: 只有少量選擇 (因為沒有吃, 所以唔知有什麼種類)
鐵板燒: 三文魚 (切得太薄, 不是太好吃), 帶子 (原隻大大粒, 非常厚肉), 羊架 (本身唔食羊, 無試)
甜品: 蛋糕 (不是太出色), 棉花糖 及 即制格仔餅 (其他地方少有, 比較有特色)
雪糕: 是近期非常流行之"M"字頭瑞士牌子, 但味道只有6種選擇, 到尾聲只淨下4個味道. (雪糕用回品牌紙杯承載, 感覺去了專門店食, 多了一種虛榮感)
飲品: 咖啡機有多款咖啡選擇, 另有兩種味道之沙冰
 

可能是星期一的關係, 7:30到達餐廳都尚有好多位, 所以不用等便可直接入座. 之前已經知道這餐廳有兩個MENU - "THE EAST"主要是泰國菜以散叫形式, "THE WEST"是西餐以套餐形式. 感覺上食套餐抵食點, 所以選擇左食西餐. 套餐包主菜, 湯/沙律, 麵包, 特飲/汽水. 主菜選擇頗多, 有沙律, 扒, 意粉, 薄餅. 當晚主菜選擇左雜菌忌簾闊條麵及煙肉莎樂美腸薄餅 - 各$108.
首先送來一盤麵包, 一共4片, 每片都是厚厚的, 我們兩人各吃兩片, 已經飽左1/3, 之後上枱的是隨餐附送的沙律, 份量亦不少, 尚未食完麵包及沙律, 主菜便已送來了. 待我們食完麵包及沙律, 主菜已經放涼了, 此點希望餐廳會留意一下. 薄餅一共有8件, 意粉份量也不少. 兩人分食完意粉再食一件薄餅已經吃不下了. 餘下的就只能打包做早餐.
整體來說: 食物都非常美味, 價錢屬於適中, 份量則頗多, 可以算是抵食夾大件.

專程放工后搭1個鐘頭車入香港仔食魚旦粉, 第一次來香港仔, 第一次食謝記, 不用等位, 入到店內很多人都在買魚片, 但我沒有買便坐下點了一個細雜會河($36)~牛腩2件, 白魚旦2粒, 炸魚旦2粒, 魚片2片, 牛丸1粒, 墨魚丸1粒及魚皮餃1粒, 料不算多, 但算是樣樣齊, 粉很多, 整體最好吃是炸魚旦. 另外叫了1碟腐皮卷($15), 感覺有點油膩.

已經一年無食佢, 發現水準下降左好多.

白湯 ~ 淡而無味, 雞肉欠奉 (記得以前湯濃及大舊雞肉, 原來已成歷史了)
牛油餐飽 ~ 普通貨色

羊腿 $60 ~ 足料, 2大隻, 好味
蘇格蘭牛扒 $60 ~ 扒的尺寸大到將成個鐵板覆蓋 + 蒜蓉 $2, 勁抵. 但, 食得出落了很多鬆肉粉, 入口即溶, 不用咬
T骨 $70 ~ 扒的尺寸無蘇格蘭這麼大, 只是剛剛好與鐵板一樣大小. 但同樣落了很多鬆肉粉, 入口即溶, 不用咬
扒以外, 配菜份量太小 (記得以前薯條是一大碟的, 原來也已成歷史了)

熱飲與細杯凍飲不用加錢, 大杯凍飲則需加$3

上餐速度快, 但找錢速度太慢

慕名已來!!!
想食此店很久了, 但每次看到門口大排長龍, 便縮沙.
剛好今天老細不在, 可以晏d返, 所以便鼓起勇氣到此店食午飯.

點了忌廉野菌咖喱蛋包飯 $50 +芝麻醬沙律+湯 (2款 $25)

餐湯 - 飲完都不知是麵豉湯or洋蔥湯 - 差
沙律 - 生菜+粟米+車厘茄+芝麻醬 - 普通貨色
飯 - 咖喱汁夠多, 奄列夠滑, 忌廉太膩, 飯很多 - 果然是招牌菜, ok好味, 但太大碟, 下次再食一定會減小飯的份量

星期六放工, 因為想食蠔, 專程到這店一試, 但找了很耐才找到. 因此店位於城市花園中心內, 有點難找. 好彩最后都找到, 但已經差不多4:00了.

雖然是下午茶時間, 但叫左很多野食, 對於下午茶時段每人都要過百元是有點貴, 但我都覺得很抵!

生蠔拼盤 (半打) 應該有3種不同品種的蠔, 每種有兩隻, 實際不知是什麼品種, 但非常好食, 新鮮 $168
芝士焗生蠔 (2隻) 是日精選, 芝味無窮 $38
下午茶餐2個
1. 芝士焗吞拿魚法飽 配利賓納, 法飽足料但味道偏淡 $22
2. 薯仔沙侓+薯條+瑞士雞翼 配奶茶, 整體ok $26

本人很喜歡食蠔, 媽媽很喜歡食龍蝦, 這店可以滿足哂兩個願望, 所以一直都想試這店. 終於係今日試到了.

蒜蓉/XO醬/芝士牛油燒龍蝦 (每位惠顧滿$40, 可以$38換1隻)
豆腐丸串 $10
雞腎串 $10
燒生蠔 $15/隻
田雞 $14/隻

因為流量大, 所有食物都覺得很好味/新鮮.

因為很多人都讚此店, 覺得晚飯有點貴, 所以於午飯時間試一下.

頭盤
甘荀忌廉湯 $5 ok, 抵
薯仔什果沙侓 $8 薯仔很大舊, 只食到少許椰果, 不能算是什果沙侓

主菜
美國認証安格斯肉眼扒伴紅酒 $118 沒想過會是薄牛扒, 太乾, 非常失望, 浪費左塊靚扒
龍蝦汁海鮮闊條麵 $42 ok
豬肋骨+薯條 $65 不過不失

甜品
法式燉蛋 $8 分量少, 味道一般, 面層焦糖非常燶,厚及硬, 完全接受不到

整體覺得不是大家所說的好

一入到此店, 被安排坐對正門口的坐位.
因為是下午茶時間, 以為內廳不開放, 點知之后的客人便被安排入內廳坐, 很不忿, 不過坐低了, 不想再轉枱.

服務員擺位時, 真的夠力氣.
放下水杯時更差點嚇到我彈起.

點菜時, 明明點了3個餐, 但竟然只是落了2杯餐飲便想走人.
可能我地只有2人, 他無留意到我地是order了3個餐, 所以要我再提醒他, 才像如夢初醒地補多一杯餐飲

當日點了以下茶餐:-

北海道牛乳蛋包意大利粉+咖哩豚肉 (配凍檸茶) $38.8 - 味道及份量都ok

三文魚米pizza (配百事) $58.8 - 差, 不可能叫招牌菜. 米pizza完全乾+硬+散, 勁難食, 吃了兩塊, 全個要打包取走

自家製煙肉蜜瓜多士 $29.8 (另+$10, 配雪糕朱古力) - 估唔到這碟多士比pizza的上菜時間還耐, 催促時服務員還推說多士需較長時間, 當時真的想回應一句"莫非pizza比多士易整?", 不一會他便取了碟多士出來.

上菜時, 看到多士是心型的, 看得出是好有誠意的一碟菜, 但味道真的普通過普通.
一碟6塊, 中間有小量沙律菜, 份量真的很小.
此碟菜只適用於氹女仔, 平時真的不值一試

另外+$10的特飲-雪糕朱古力, 雪糕尚算ok, 但一飲到朱古力部份, 便不行了.
整杯朱古力充滿著廚房味, 好似有一條廚房布浸過在朱古力內.

整體而言, 對此店沒有一部份是滿意的. 不會再來.