朋友介紹下不錯的Buffet, 不是十分多款選擇，但是每樣食物都是高質素，今個月至聖诞節前做緊上海菜精選。每人有一隻大閘蟹及2隻生蠔，大閘蟹好多膏生蠔鮮，非常美味。

魚生壽司都有10款，海鮮有好多款- 長腳蟹，蝦，龍蝦，蜆，藍貝，凍蟹，螺，聖子, 食完海鮮已經飽左7成。。熱盤都是以上海菜唯主，松子桂花魚，粗炒，擔擔麵。仲有鍋貼，小籠飽， 最特別是有北京填鴨。

甜品是我期待的，款式多款款都好味，迷你雪糕好過杯裝雪糕，太飽已經食品落。

相約好友食Lunch, 裝修後再次來食.

叫左2個特式午餐

一紅湯,一白湯. 紅湯比較好飲. 菜味夠又夠濃. 白湯就很一般.

蒜蓉飽好味, 上面是有蒜蓉粒的~主菜是照燒七味雞扒配意粉, 煎得好香好Juicy, 照燒汁加七味粉配得不錯.

去沙田行街攰攰地想食TEA, 經過PHO24見到好似不錯入去試試.

下午茶餐有小食+湯粉/飯, 似食正餐多D.

每張枱都有一藍辣椒,九層塔, 不過九層塔有點爛不是十分新鮮.揀左牛肉湯粉, 春卷, 素菜卷, 整體味道一般不是十分突出. 
素菜卷比較好食, 醬汁幾好味.

一行它七人去食, 我第一次食碗屋, 聽聞是高質素高檔日本放題, 加上是難有位, 所以一個月前已訂位.每晚都會有3款頭盤可以揀, 今晚有汁煮鮑魚,生蠔,薯蓉焗海螺. 
我地冇揀鮑魚, 生蠔非常美味同新鮮.. 第一時間一定要叫刺身,不是Menu上的刺身, 其他款式要個別再叫.

刺身好鮮切得好厚身 好多人推介的海膽豆腐,羊架....海膽鮮,羊架入口溶化..Yummy我覺得必食係帶子, 鮮甜全晚既食物都好好味,魚生新鮮,炸物,鐵板燒都是高級料. 
到了最後叫了火鍋, 我地都已經飽飽地, 只叫了菜,菇,烏冬.

最後的唯一甜品- 雪糕(有5種味可揀.. 綠茶,芝麻,芒果,豆腐,柚子)

柚子好Fresh好似飲緊柚子茶, 雪糕似是自家制的. 

今晚食上海菜做中秋, 經過麵館皇就入去試試.  

叫咗一個酸辣水餃麵餐,一個糖醋魚客飯再加一個甜品豆沙鍋餅. 

一間小店黎講, 真是十分不錯.

酸辣湯麵足料, 有點Surprise好大碗.糖醋魚客飯不過不失, 可讚是魚肉是新鮮, 我覺得唔鮮先會去炸.
菜飯不夠菜, 多少少會好D.甜品做得幾好, 不是好油.

環境舒服真係好好坐, 好啱傾計睇書~
今日既Lunch係經典常餐 & 牛肉漢堡配辣薯.
牛油多士唔夠脆, 不過炒蛋係幾好滑，叉燒比較硬, 意粉同個湯是OK的, 湯底好似係豬骨湯.牛肉漢堡配辣薯條好味, 牛肉不算是好Juicy, 不會覺得乾, 薯條非常惹味, 全部食晒

好耐冇黎, 下午2時依然咁多人, 食客, 遊客, 熟客.
一有點心出大家都起飛出去攞點心.
今日叫左好多飽飽糕糕黎食, 最後係非常飽.喜歡用茶盅焗茶, 好有風味茶都會飲多幾杯.馳名馬拉糕, 第三次先攞到. 阿姐根本唔知邊個黎先, 一定要大聲嗌馬拉糕, 阿姐一定應你.

彈彈下... 真材實料發現千層糕其實都唔錯 ~臘腸卷好少茶樓會有, 今日見到佢一定要食.最後想食豬膶燒賣, 阿姐話冇得豬肚燒賣.

周圍搵地方食飯, 見到唔駛等位入去試試, 大坑分店比較多人, 心想應該是大坑比較好食.

牆上有明星的簽名, 位子不多.拉麵湯底是好味, 辣味湯底不是十分辣, 如不夠辣可加辣, 跟拉麵附上一樽辣醬.點了2款小食試試, 日式餃子炸得金黃色, 外皮有點厚餡料多.蕃薯餅好好味, 用了紫蕃薯, 炬得香脆.

裝修後的Fat Angelos 感覺很不同.  今日是Happy Friday餐廳全爆, 好彩有訂位.

今晚點了4道菜, 全部都好好味

Starter Sampler 前菜併盤, 有雞翼, 蒸青口, 炸魷魚, 蒜蓉包.
 如果蒜蓉包轉薯條比較好.香草脆烤羊架, 好Juicy好大份有15件之多, 薄荷汁笨笨地好味.雲吞買晒, 改點了黑松露醬鮮蝦帶子燴意粉, 
意粉好重有黑松露味, 相比蝦好似無味.燒雞凱撒Pizza, 煙肉加芝士...好咸最後因為太飽冇試甜品, 下次吧!

c今日係尖沙咀試左間新餐廳, 叫Fee Fee Reasurant

裡面裝修好Grand, 每張枱都有爉燭, 幾有情調.

我地叫左6個Course , 比想像中大碟,有點眼闊肚窄

頭盤有藍貝加蒜蓉包, 藍貝好Creamy, 汁唔會太杰身, 配蒜蓉飽好好味,.三文魚帶子沙律, 中間好多沙律菜, 三文魚帶子好Fresh!主菜有法國春雞, 雞肉好滑, 焗薯仔好好味.BBQ 汁RIBS, 擺到好似座山, 好鍾意個Sause意粉係辣汁雜菌意粉, 辣辣地好惹味最後係甜品拼盤, 如果有果涷會好D, 一件Chocolate Mousse Cake + 雲石Cheese Cake , 已經好飽
Cream Bruelee.. Yummy Yummy